Números 20:16 - Bible in Tzotzil de Chenalhó with Deuterocanon

¹⁶ Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

Bible in Tzotzil de Chamula

¹⁶ Va'i un, laj jc'anbecutic coltael yu'un ti Diose. Laj ya'i ti jc'opojel jti'inelcutique. Yu'un laj stac talel yaj'ánjel ti laj sloq'uesuncutic talel ta Egiptoe. Avi tana li' une, li' xa oyuncutic ta sbanomil Cades ti sts'aquinoj sbaic xchi'uc ti avosilale.

Números 20:16 Iomraidhean Croise

Éxodo 14:10

C'alal laj yilic israeletic ti nopol xa xtalic li faraón xchi'uc egiptoetique, toj ep ixi'ic ta jyalel, jech lic sc'anic coltael yu'un li Muc'ul Diose.

Éxodo 14:19

Li yaj'almantal Diose xchi'uc li toc ti ba'yucbe ital yu'un li israeletique ta ora la sjel ti bu oyique; te bat yac' sbaic ta spat li israeletique.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 33:2

Ta jtacbot tal j'almantal cu'un yu'un ja' chastojobtasot batel. Vu'un ta jnuts loq'uel te ta banamil li canaanetique, li amorretique, li hetetique, li ferezetique, li hevetique, xchi'uc li jebusetique.

Éxodo 6:5

Li' ta orae laj xa jna' c'u x'elan svocolic li achi'iltac ta israelale; laj xa jna' ti ep ta sujvanic ta abtel li egiptoetique, jech it'ab ta co'nton li c'usi jchapanoj ono'oxe.

Daniel 6:22

Li Dios cu'une la stac tal yaj'almantal; ja' la smacbe ye li leonetique yu'un jech mu me xisti'icun. Yu'un mu'yuc jmul ta stojol, xchi'uc mu'yuc jmul ta atojol ec ajvalil, mu'yuc c'usi chopol jpasoj —xi.

Números 20:15

Li jmoltot jyame'cutic ta vo'onee, ibatic ta Egipto. Ep jabil te inaquiic. Pero li egiptoetique laj yuts'intauncutic jech chac c'u cha'al la spasbeic li jmoltot jyame'cutic ta vo'onee.

Números 21:22

“Ta jc'an chijelovcutic batel ta avosilal. Mu'yuc ta xi'ochcutic ta yut li ts'unubaltic avu'unique xchi'uc ta yut li ts'usubaltique, xchi'uc mu'yuc ta xcuch'cutic li ava'alic ta joq'uetic avu'unique. Ja' no'ox ta x'ech' jtuch'cutic li avosilalique; yu'un ta jtamcutic batel li tuq'uil bee”, xutic c'otel.

Números 33:37

Iloq'uic tal ta Cades; te vul spas scarpanaic ta vits Hor ta sts'aquil yosilal Edom.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Deuteronomio 4:37

Ja' la xc'uxubin li amoltot ayame'ic ta vo'onee. Ja' la st'ujbe noxtoc li smomnich'nabtaquique. Ta svu'el la scolta loq'uel tal ta mozoil te ta Egipto banamil.

Josué 15:1

Ti bu ic'ot ta stojolic li jchop liquemic ta Judae, ja' ti c'u yepal oy ta jujutsobique, te xc'ot c'alal to ta sts'aquil yosilal Edom xchi'uc ta stuq'uil sur c'alal to ta xocol banamil Zin.