Números 20:15 - Bible in Tzotzil de Chenalhó with Deuterocanon

¹⁵ Li jmoltot jyame'cutic ta vo'onee, ibatic ta Egipto. Ep jabil te inaquiic. Pero li egiptoetique laj yuts'intauncutic jech chac c'u cha'al la spasbeic li jmoltot jyame'cutic ta vo'onee.

Bible in Tzotzil de Chamula

¹⁵ Ti jmolmuc'totcutic ta vo'nee bat nacliicuc ta Egipto, ti bu jalijic ta nacleje. Ti egipcioetic xtoc une laj yilbajinuncutic jech c'u cha'al laj yilbajinic ti jmolmuc'totcutic ta vo'nee.

Números 20:15 Iomraidhean Croise

Génesis 15:13

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

Génesis 46:6

Jech ibat ta Egipto xchi'uc scotol boch'otic oy yu'un li Jacobe, xchi'uc xvacaxtac, xchijtac, xchi'uc scotol li c'usitic yan oy ono'ox yu'un c'alal te oy ta Canaane.

Génesis 46:7

Ibatic xchi'uc scotol li xnich'nabtaque, xchi'uc stsebetic, xchi'uc smomnich'nabtac.

2 Samuel 12:18

C'alal i'ech' vucub c'ac'ale, icham li olole. Li j'abteletic yu'un Davide ta xi'ic ta yalbel David ti icham xae. Jech la snopic: “Q'uelavil, c'alal cuxul to'ox li olole, mu xa ono'ox sc'an c'opanel cu'untic. ¿C'u to x'elan at-o'nton cha'ay me chcalbetic ti icham xae?”, xiic.

Éxodo 1:16

—C'alal chbat aq'uelic me la sta yorail chcuxic li yajnil israeletique, q'uelic lec c'usi ololal chvoc'. Me unin stsebe, te ac'o ch'iuc. Yan me quereme, ¡milic comel! —x'utatic.

Éxodo 1:22

Li faraone jech laj yalbe mantal scotol li egiptoetique: “Bat jipic ta uc'um scotol li bic'tal queremetic yu'un israeletique; yan li bic'tal tsebetique te cuxul comtsanic”, xut.

Éxodo 12:40

Li israeletique chanib ciento xchi'uc lajuneb xcha'vinic (430) jabil te inaquiic ta Egipto.

Números 11:5

Tsna' xa co'ntontic ya'yel li choy ti la jti'tic te ta Egipto ti ta jmotontic lij'ac'bate. Jech noxtoc lec la jtatic ta lo'el pepino, melón, tomal cebolla, jol cebolla xchi'uc axuxetic.

Números 16:13

¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Números 20:14

C'alal te oyic ta Cadese, li Moisese la stac batel jayibuc j'almantaletic ta stojol li ajvalil yu'un edometique. Jech c'ot yalbeic: “Li yalab xnich'nab avits'in Israele, jech laj yalic tal ta atojol: ‘Li vo'ote lec xana' ti c'u x'elan jvocolcutique.

Números 20:16

Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

Hechos 7:15

Ja' jech ibat ta Egipto li Jacobe, te icham. Jech te ichamic ec li jmoltotactic ta vo'onee.

Hechos 7:19

Li faraón i'oche la slo'la ta sventa sbijil li jmoltotactic ta vo'one. Chopol c'usi lic spasbe. Laj yal mantal ti ac'o sloq'ues ta snaic scotol li yunin queremique, yu'un ac'o chamicuc.

Deuteronomio 26:6

Pero li egiptoetique laj yuts'intauncutic. Laj yac'buncutic ep jvocolcutic ta mozoil. Solel la xchucuncutic o ta ven tsatsal abtel.