Números 20:14 - Bible in Tzotzil de Chenalhó with Deuterocanon

¹⁴ C'alal te oyic ta Cadese, li Moisese la stac batel jayibuc j'almantaletic ta stojol li ajvalil yu'un edometique. Jech c'ot yalbeic: “Li yalab xnich'nab avits'in Israele, jech laj yalic tal ta atojol: ‘Li vo'ote lec xana' ti c'u x'elan jvocolcutique.

Bible in Tzotzil de Chamula

¹⁴ Ta Cades to, ti Moisese laj stac jelavel j'al-mantal j'ich'-c'opetic ta stojol ti ajvalil yu'un ti jteclum Edome, ti xi ta xalbeique: “Ti avinquileltac israeletique xi ta xalbot ava'i ti laj stac talel ti mantale: ‘Ti vo'ote xana' lec ti c'u s'elan laj quich' talel ti jvocolcutique.

Números 20:14 Iomraidhean Croise

Génesis 25:23

Jech itac'bat yu'un li Muc'ul Diose: “Oy chib muc'tic lum ta yut ach'ut; chib lum ti sbats'il xa scontrainel sbaic c'alal muc to chvoq'uique. Li june ja' toj tsots xu' yu'un; ja' mu xu' yu'un li yane. Li banquilale ja' ta spasat ta mantal yu'un li yits'ine”, xi li Muc'ul Diose.

Génesis 25:25

Ti bu ba'yuc ivoq'ue tsojtsojtic sba, oy stsotsil scotol sbec'tal. Jech Esaú laj yac'beic sbi.

Génesis 25:26

Ts'acal ivoc' ec li yits'ine. Stsacojbe tal xchac yacan li Esaue, ja' yu'un Jacob laj yac'beic sbi. Li Isaaque yich'oj xa'ox oxvinic (60) jabil c'alal i'alaj li Rebecae.

Génesis 32:29

Li Jacobe jech la sjac': —Albun ca'ay c'usi abi ec li vo'ote —xut. Itac'ov li vinique: —¿C'u yu'un ti chajac'bun jbie? —xi. Li vinique te laj yac'be bendición li Jacobe.

Éxodo 18:8

Li Moisese la xcholbe ya'ay smuni' scotol c'usi la spas Muc'ul Dios ta stojol li faraone xchi'uc ta stojol scotol li egiptoetic c'alal la scolta li israeletique. Xchi'uc laj yalbe scotol c'u x'elan svocolic tal ta be xchi'uc ti c'u x'elan icoltaatic yu'un Muc'ul Diose.

Amós 1:11

Jech chal noxtoc li Muc'ul Diose: “Ta sventa ti solel i'ech' ta bis smul li Edome, jech persa ta xcac'be stoj, yu'un la snuts batel ta espada li yuts' yalaltaque, ja' li israeletique. Solel mu'yuc abul sba laj yil; solel tsots ch-ilin o ta stojol; scotol c'ac'al contra chil o.

Malaquías 1:2

Jech chal: “Li vu'une toj ep jc'anojoxuc, pero li vo'oxuque jech chavalic: ‘¿C'u x'elan ti lec ac'anojuncutique?’, xachiic. Ja' jech jc'anojoxuc jech chac c'u cha'al la jc'an li Jacobe, ac'o me ja' xchi'il ta voq'uel li Esaue.

Números 13:26

Te ivulic yan velta ta Cades ta xocol banamil ta Parán. Te ivul staic li Moisés, li Aarón, xchi'uc scotol li israeletique. Te vul yalic scotol li c'usi laj yilic tale, xchi'uc vul yaq'uic ta ilel li sat c'usitic yich'ojic tale.

Números 20:15

Li jmoltot jyame'cutic ta vo'onee, ibatic ta Egipto. Ep jabil te inaquiic. Pero li egiptoetique laj yuts'intauncutic jech chac c'u cha'al la spasbeic li jmoltot jyame'cutic ta vo'onee.

Números 20:22

Scotol li israeletique iloq'uic batel ta Cades; ibatic ta stuq'uil vits Hor.

Deuteronomio 23:7

“Yan li edometique mu me chopoluc xavilic, yu'un ja' avuts' avalalic. Ja' no'ox jech ec li egiptoetique mu me chopoluc xavilic, yu'un te to'ox ay naclanic ta yosilalic.

Josué 2:10

Yu'un ca'yojcutic ti Muc'ul Dios la staquijesboxuc li Tsajal Nab c'alal laloq'uic tal ta Egipto banamil yu'un lajelovic tal li'i. Xchi'uc ca'yojcutic noxtoc ti laj avulesic o ta j'ech'el li chib ta lum cristianoetique xchi'uc li chib ajvalil yu'unic te oyic ta jot uc'um Jordane, ja' li Sehón xchi'uc Oge; ja' li ajvaliletic yu'un amorretique.

Josué 2:9

—Ta jna' ti yac'ojboxuc xa ta ac'obic Muc'ul Dios li osil li'i. Jech scotol li jchi'iltaque ta xi'ic avu'unic. Scotol li yajvaltac banamil li'i toj ep xi'el cha'yic scotolic.

Josué 9:10

xchi'uc c'usi la spas ta stojol li chib ajvaliletic yu'un amorretic le' ta jot uc'um Jordane; ja' li ajvalil Sehón nacal ta Hesbón xchi'uc li Og ta Basán ti te to'ox nacal ta Astarote.

Josué 9:9

Itac'ovic: —Nom liquemuncutic tal, yu'un laj ca'icutic sc'oplal li Muc'ul Dios avu'unique. Laj ca'icutic c'usi la spas te ta Egipto,