Números 20:13 - Bible in Tzotzil de Chenalhó with Deuterocanon

¹³ Le'e ja' li vo' te ta Meriba yo' bu ep iliquic ta vulajetel ta stojol Muc'ul Dios li israeletique, ja' te laj yac' ta ilel li slequilale.

Bible in Tzotzil de Chamula

¹³ Ti taje, ja' sat vo' Meriba sbi. Yu'un ti israeletique, ja' ti bu laj stsaquic ta c'op ti Diose, xchi'uc laj yac' ta ilel ti slequilal yutsilale.

Números 20:13 Iomraidhean Croise

Salmos 81:7

Laj ac'anbun vocol ti c'alal toj ep avocole, jech vu'un la jcoltaot. La jtac'bot tal ac'op ta chauquetic te ta toquetic; la jq'uelbot c'u x'elan avo'nton ta jtojol te ta vo'etic ta Meriba.

Salmos 81:8

Vo'oxuc jteclumal, a'ibicun li jc'ope; israeletic a'ibicun li jc'ope.

Salmos 95:8

“Mu me xatsatsubtas avo'ntonic, jech chac c'u cha'al la spasic te ta Meriba ti c'alal ja'o yorail te oyic ta Masah ta xocol banamile.

Éxodo 17:7

Jech Meriba laj yac'beic sbi li banamile, yu'un te iliquic ta bic'talvulajetel li israeletique. Masah laj yac'beic yan sbi noxtoc yu'un ja' te la sq'uelbeic yo'nton li Muc'ul Diose, jech laj yalic: “¿Me li' oy ta jtojoltic li Diose, o me mu'yuc?”, xiic.

Isaías 5:16

Yan li Muc'ul Dios ti ech'em svu'ele chac' ta ilel smuc'ul stsatsal ti c'alal chac'be stojol mulile; li Ch'ul Diose chac' ta ilel stuq'uil yo'nton ti c'alal chchapanvane.

Ezequiel 20:41

C'alal chlic jloq'uesoxuc tal ta yantic banamile, c'alal chlic jtsoboxuc sutel tal ta yantic banamil ti bu puquemoxuc batele, xchi'uc c'alal chlic cac' ta ilel ta aventaic ta stojol yantic banamil ti vu'un Ch'ul Diosune, jun co'nton chaquic'oxuc ta yutsil co'nton jech chac c'u cha'al matanal ti lec mu yiq'ue.

Ezequiel 36:23

Ta jlecubtasbe sc'oplal yan velta li jch'ulbi ti laj asoquesbeic sc'oplal ta stojol yantic banamil ti bu apucoj abaic batele. C'alal chcac' ta ilel ta aventaic smuc'ul li jch'ulbie, jech tsna'ic o ti vu'un Muc'ul Diosune.

Ezequiel 38:16

Ja' chtal acontrainic li jteclum cu'une, ja' li smomnich'nabtac Israele. Ic'uben banamil chc'ot avu'unic jech chac c'u cha'al lumaltoc. Ja' slajebtic xa batel c'ac'al ti chaquic'ot batel ta scontrainel li banamil cu'une, yu'un jech vo'ot ta aventa tsna'ic yantic banamil c'alal chcac' ta ilel ti vu'un Ch'ul Diosune.

Deuteronomio 32:51

Yu'un li vo'oxuque achibalic muc tuc'uc xapas abaic ta stojol scotol li achi'iltaquique. Muc xavaq'uicun ta ich'el ta muc' ti c'alal te oyoxuc ta vo'etic ta Meriba-cades ta xocol banamil ta Zine.

Deuteronomio 33:8

Jech laj yich' alel ta sventa li Levie: “Muc'ul Dios, ja' avu'un li Tumim xchi'uc Urime., Ja' avu'un, xchi'uc ja' yu'un ec li boch'o jun yo'ntonic ta atojole. Ja' li boch'o laj aq'uelbe yo'ntonic te ta Masah; ti laj avulilan aba achi'uc ta vo'etic te ta Meribae;