Números 20:12 - Bible in Tzotzil de Chenalhó with Deuterocanon

¹² Pero li Muc'ul Diose jech laj yalbe li Moisés xchi'uc Aarone: —Ta sventa ti muc xach'unic c'usi laj calboxuque, xchi'uc ti muc xavaq'uicun ta ich'el ta muc' ta stojol scotol li achi'iltaquique, jech mu'yuc chcac' ochanic batel achi'uc achi'iltac te ta banamil ti bu caloj chacac'boxuque —xi.

Bible in Tzotzil de Chamula

¹² Ja'uc ti Dios une xi laj yalbe ti Moisese xchi'uc ti Aarone: —Ti jech mu'yuc teq'uelun ta avo'ntonique, ti mi ja'uc jutebuc laj avaq'uicun ta ich'el ta muc' ta sba ta satic ti israeletique, mu xa'ochic batel xchi'uc ti lum li'e ti ta jteclum ti laj xa cac'beic yich'ique.

Números 20:12 Iomraidhean Croise

2 Crónicas 20:20

Ta yoc'omal sob iliquic. La stam batel sbeic; ibatic ta xocol banamil Tecoa. C'alal chloq'uic xa'ox batele, te lic sva'an sba li Josafate, jech laj yal: “Judaetic xchi'uc jnaclumetic ta Jerusalén, a'yic c'usi ta xcal: Ja' no'ox pato avo'ntonic o ta stojol li Muc'ul Dios cu'untique, jech jbel sc'oplal lec oyoxuc o. Xchi'uc pato avo'ntonic ta stojol li j'alc'opetic avu'unique, jech lec chbat scotol li c'usitic chapasique”, xi.

Salmos 106:32

C'alal te oyic ta epal vo' ta Meribae, te lic sa'beic sc'ac'al yo'nton noxtoc li Diose, ja' ta scojic ti te la sta o svocol ta stojol Dios li Moisese.

Salmos 99:8

Muc'ul Dios, vo'ot li Diosot cu'uncutique, laj atac'be li sc'opique; vo'ot Diosot yu'unic ti toj ep ts'icumal avu'une, xchi'uc vo'ot laj avac'be stoj smulic noxtoc.

Isaías 8:13

Ja' no'ox stuc Ch'ul Dios xavilic li Muc'ul Dios ti ech'em svu'ele. Ja' no'ox xavich'ic ta muc'; ja' no'ox xaxi'ic yu'un.

Ezequiel 20:41

C'alal chlic jloq'uesoxuc tal ta yantic banamile, c'alal chlic jtsoboxuc sutel tal ta yantic banamil ti bu puquemoxuc batele, xchi'uc c'alal chlic cac' ta ilel ta aventaic ta stojol yantic banamil ti vu'un Ch'ul Diosune, jun co'nton chaquic'oxuc ta yutsil co'nton jech chac c'u cha'al matanal ti lec mu yiq'ue.

Ezequiel 36:23

Ta jlecubtasbe sc'oplal yan velta li jch'ulbi ti laj asoquesbeic sc'oplal ta stojol yantic banamil ti bu apucoj abaic batele. C'alal chcac' ta ilel ta aventaic smuc'ul li jch'ulbie, jech tsna'ic o ti vu'un Muc'ul Diosune.

Ezequiel 38:10

‘Jech chcal vu'un li Muc'ul Diosune: C'alal po'ot xa yoraile, chlic taluc c'usi chopol ta ajol, jech chlic achapan c'usi chopol chapas.

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Números 11:15

Me jech vu'un chavac'bun o jventain batele, ja' lec pojbun jch'ulel me ta melel c'uxun ta avo'ntone yu'un jech mu xa me xquil li epal vocoletique —xi li Moisese.

Números 20:24

“Li Aarone li' no'ox ta xcham. Mu'yuc ta x'och batel ta banamil ti bu cac'ojbeic li achi'iltaquic ta israelale. Yu'un li vo'oxuque, muc xach'unbicun c'usi laj calboxuc ti c'alal laj aloq'uesic vo' ta ch'en te ta Meribae.

Números 27:14

Yu'un achibalic laj abajbicun jmantal ti c'alal iliquic ta vulajetel ta jtojol li achi'iltaque. Muc xavich'icun ta muc' ta stojol achi'iltaquic ti c'alal laj ac'anbicun vo'e —xut. (Le'e ja' sc'oplal li nio' ta Meriba te ta Cades ta xocol banamil ta Zine.)

San Mateo 17:17

Li Jesuse jech laj yal: —Vo'oxuc ti li' oyoxuc ta orae, mu xac'an xach'unic, solel ch'ayemoxuc. Ep xa c'ac'al li' jchi'ucoxuc. Ep xa c'ac'al la jts'icboxuc ti c'u xa'elanique. Iq'uic tal li quereme —xi.

San Mateo 17:20

Itac'ov li Jesuse: —Ja' ta scoj ti mu'yuc to lec ach'unojique. Melel li c'usi chacalboxuque, me oy xa xch'unojel avo'ntonic jech chac c'u cha'al biq'uit bec' moztasae, xu' avu'unic jech chavalbeic li vits li'i: ‘Loc'an batel li'i, batan le'e’, me xavutique, ta xbat avu'unic. Mu'yuc c'usi ti mu xu' avu'unique.

San Lucas 1:20

Ta scoj ti mu xach'un c'usi laj calbote, jech chapas ta uma'. Mu xloc' xac'opoj o, ja' to me ic'ot ta pasel li c'usi laj calbote —x'utat.

San Lucas 1:45

Toj lec ti laj ach'un ti chc'ot ta pasel c'usi la'albat yu'un Cajvaltic Diose —xi li Isabele.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Romanos 4:20

Muc spas ta tsots yo'nton, muc xlo'ilaj yo'nton ta sventa li c'usi i'albat yu'un Diose. Yolbaj to itsatsub lec yo'nton ta sventa ti j'ech'el la xch'une, jech laj yalbe slequilal li Diose.

Deuteronomio 1:37

“Jech noxtoc vo'oxuc ta amulic ti jech laj yalbun li Muc'ul Diose: ‘Li vo'ote, mu xu' cha'och batel.

Deuteronomio 34:4

Li Moisese jech i'albat yu'un li Muc'ul Diose: “Le'e ja' li banamil ti calojbe ono'ox Abraham, Isaac, xchi'uc Jacob ti chcac'be li smomnich'nabique. Jech ta jc'an ti ac'o avil ta asat atuc scotol li banamile, ac'o me mu'yuc cha'och batel li vo'ote”, x'utat.

Deuteronomio 4:21

Pero li vu'une laj yilintaun Muc'ul Dios ta scoj amulic li vo'oxuque. Laj yal o ta jamal ti mu xu' chijelov batel ta jot uc'um Jordane. Mu xu' chi'och te ta lequil osil yo' bu chayac'boxuc avich'ique.

Josué 1:2

“Ta sventa ti icham xa li cajtunel Moisese, li' ta orae vo'ot xa chavic' jelovel ta jot uc'um Jordán scotol li achi'iltac ta israelale yu'un chabatic xa te ta banamil ti bu chacac'boxuque.

1 Pedro 3:15

Ich'ic no'ox ta muc' Cajvaltic Cristo ta avo'ntonic. Chapalucoxuc me scotol c'ac'al c'usi chatac'beic me oy boch'o chasjac'boxuc ta sventa li c'usi apatoj avo'nton chamalaique.