Números 20:11 - Bible in Tzotzil de Chenalhó with Deuterocanon

¹¹ C'alal laj yal jeche, lic stoy sc'ob. La smaj ta snamte' chib velta li ch'ene, jech te iloc' tal ep vo'. Jech lic yuch'ic scotol li israeletique xchi'uc scotol li sca' xvacaxique.

Bible in Tzotzil de Chamula

¹¹ C'alal jech laj yal ti Moisés ti va'i s'elan taje, laj stoy ti sc'obe. Chib velta laj smaj ti ton xchi'uc ti svaxtone. Ta jech to yepal, toj ech'em no'ox xchipluj vulel ta t'omel talel ti vo'e. Jech ti jteclume xchi'uc ti chon bolometique yochelic ta yuch'el ta j'ech'el.

Números 20:11 Iomraidhean Croise

1 Crónicas 15:13

Ta scoj ti muc ono'ox vo'coxuc xapasic ta sba veltae, ja' yu'un oy boch'o icham cu'untic, yu'un muc jac'betic Muc'ul Dios li c'usi lec ta pasele”, xut.

1 Crónicas 15:2

Li Davide jech lic yal: “Mu boch'ouc no'ox xu' chich' batel li caxae; ja' no'ox li levietique yu'un ja' t'ujbilic yu'un Muc'ul Dios ti xu' chq'uechic batele, yu'un ja' te chtunic o ta stojol Dios”, xi.

Salmos 105:41

La sjam jun ch'en noxtoc, te iloc' tal ep vo'; ixanov batel yoc ta xocol banamil jech chac c'u cha'al jun uc'um.

Salmos 114:8

Ja' la sc'atajes ta loq'uem-vo' li ch'entique; ja' la sc'atajes ta nio'etic li tontique.

Salmos 74:15

Laj at'omes loq'uel tal vo' xchi'uc uc'umetic; laj ataquijes li uc'um ti mu ono'ox sna' x'ul oe.

Salmos 78:15

La sjam jun ch'en te ta xocol banamil; bats'i epal vo' te iloc', ja' laj yac'be yuch'ic.

Salmos 78:16

Toj tsots yoc li vo' iloc' ta ch'ene; ixanov batel jech chac c'u cha'al uc'um.

Salmos 78:20

Ta melel ja' la sjam li muc'ta ch'ene, jech iloc' tal ep li vo'e; tsots xtomet loq'uel li vo'e, ixanov batel ta banamil. ¿Pero me xu' yu'un chijyac'butic jve'eltic noxtoc? ¿Me xu' yu'un chac'be ti'bol sti' noxtoc li steclumale?”, xiic.

Éxodo 17:6

Te chajmalaot ta vits Horeb ta ba ch'en. Xc'ot amaj li ch'ene; te chloc' tal li vo'e, jech tsta yoxo' yuch'ic li achi'iltaque —x'utat li Moisese. Li Moisese te ta sat banquilaletic yu'un israeletic la smaj li ch'ene.

Isaías 43:19

Q'uelavilic, vu'un ta jpas c'usi ach'. Ta xa xc'ot ta pasel cu'un, ¿me mu'yuc to chavilic? Ta jam batel be ta xocol banamil; ta xcac' loc'uc uc'umetic ta taqui banamil.

Isaías 48:21

C'alal laj quic'oxuc batel ta xocol banamile, mu'yuc bu xava'yic taqui-o'nal cu'un. La jloq'uesboxuc vo' avuch'ic ta ton; la jamboxuc muc'tic ch'en, te it'om loq'uel tal uc'umetic.

Oseas 13:5

Vu'un la jchabioxuc te ta xocol banamil ti bu solel taquin oe, ti toj c'ux c'ac'ale.

Levítico 10:1

Li Nadab xchi'uc Abiú, ja' li xnich'nabtac Aarone, la stsaquic jujun yav yac'alic. Laj yac'beic sc'ac'al xchi'uc pom; la stsanic yan c'oc' ta stojol Muc'ul Dios ti c'alal mu'yuc albilic jech tspasique.

Números 20:8

—Ich'o batel li anamte'e. Tsobo batel scotol li achi'iltaque. Ac'o scoltaot li abanquil Aarone. Te ta sat scotol achi'iltac xavalbe mantal li ch'ene yu'un ac'o loc'uc tal vo', ja' ac'o yuch'ic li achi'iltaque xchi'uc li sts'unub yovolique —x'utat.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

1 Corintios 10:4

Scotolic laj yuch'ic li ch'ul vo'e, yu'un laj yuch'beic ya'lel li ch'ul ch'en te xchi'uquique. Li ch'ene ja' li Cristoe.

Deuteronomio 8:15

Xchi'uc ti laj yac' jelovanic tal ta muc'ta xocol banamil ti toj xi'bal sbae, ti oy ep jti'val chonetic xchi'uc stsequetique, xchi'uc ti mu'yuc vo' tee. Pero laj yac' loc'uc ep vo' ta tsatsal ch'en, jech laj avuch'ic.

Santiago 1:20

Yu'un li boch'o ta x'iline, mu xa ja'uc tspas li c'usi lec chil Diose.

Jueces 15:19

Ja' yu'un li Diose la sjam jun vomlum te ta Lehi, jech te iloc' tal vo'; ja' laj yuch' li Sansone. Jech i'ayin lec stsatsal yan velta; itsatsub lec yo'nton. En-hacore laj yac'be sbi li nio' te ta Lehie. Te to oy o c'alal to tana.

1 Samuel 15:19

Pero ¿c'u yu'un muc xach'unbe c'usi laj yalbot li Muc'ul Diose yu'un laj avich' tal c'usi laj apojbeic li cajcontratique? Toj chopol c'usi laj apas ta stojol li Muc'ul Diose —xut.

1 Samuel 15:24

Li Saule jech laj yalbe li Samuele: —Ta melel laj xa jta jmul; ja' la jbajbe smantal li Muc'ul Diose xchi'uc li mantal laj avalbune yu'un ja' lixi' yu'un li jchi'iltactique; ja' la jch'unbeic li c'usi la sc'anique.