Números 20:1 - Bible in Tzotzil de Chenalhó with Deuterocanon

¹ Ta sliquebal jabil ic'otic te ta xocol banamil ta Zin scotol li israeletique. Te la spas scarpanaic jayibuc c'ac'al ta Cades. Te icham li Mariae; te laj yich' muquel.

Bible in Tzotzil de Chamula

¹ Ti sliquebal u yu'un ti jabile, ti israeletique c'otic ta sbajtical banomil yu'un Zin, comic c'uc sjaliluc ta Cades. Ti bu taje, cham ti Mariae. Laj yich' muquel ti bu taje.

Números 20:1 Iomraidhean Croise

Génesis 14:7

C'alal isut batel li Quedorlaomer xchi'uc xchi'iltaque, te ic'otic ta En-mispat, ja' li Cades yan sbie. Laj yulesic comel scotol li c'usitic la staic c'alal ijelovic batel ta yosilal amalequetique. Jech la spasbeic comel noxtoc li amorretic te nacalic ta Hazezon-tamare.

Salmos 29:8

Li sc'opojel Muc'ul Diose chnic yu'un li xocol banamile; li Muc'ul Diose tsniques li muc'ta xocol banamil ta Cadese.

Éxodo 15:20

Ja' yu'un li j'alc'op Mariae, ja' li xvix Aarone, la stsac jun sepsep taq'uin. Scotol li antsetique la xchi'inic ta ac'ot; co'ol la stijic li sepsep taq'uine.

Éxodo 2:4

Li xvix olole te icom sq'uel ta nom c'usi chc'ot ta pasel.

Éxodo 2:7

Li xvix unin quereme jech bat yalbe li stseb faraone: —Me xac'ane chbat quic' tal jun hebreo ants yu'un ac'o sts'ites, ac'o yac'be xchu' —xut.

Ezequiel 47:19

Li sts'aquil ta sure te xlic batel ta Tamar; xjelov batel ta yaxaltic yo' bu chloc' vo'etic ta Meriba-Cades xchi'uc ta yuc'umal Egipto; chc'ot c'alal to ta Nab Mediterráneo.

Miqueas 6:4

Vu'un laj quic'ot loq'uel tal ta Egipto; vu'un la jpojot loq'uel ti bu abul aba ta mozoinele; vu'un la jtac batel ta atojolic li Moisés, li Aarón, xchi'uc li Mariae.

Números 12:1

Li María xchi'uc Aarone lic chopolc'opojicuc ta stojol li Moisese, yu'un li Moisese inupin xchi'uc jun etiope ants.

Números 12:10

C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.

Números 12:15

Jech li Mariae vucub c'ac'al laj yich' loq'uesel batel ti bu oy scarpanaique. Scotol li yantic israeletique mu'yuc bu stotsic batel,

Números 13:21

Jech ibatic li viniquetique, la sq'uelic lec c'u x'elan li osile. Lic sq'uelic te ta xocol banamil ta Zin ta stuq'uil sur, c'alal to ta Rehob ta stuq'uil norte ti nopol yiloj sba xchi'uc bu x'och sbelal Hamate.

Números 13:26

Te ivulic yan velta ta Cades ta xocol banamil ta Parán. Te ivul staic li Moisés, li Aarón, xchi'uc scotol li israeletique. Te vul yalic scotol li c'usi laj yilic tale, xchi'uc vul yaq'uic ta ilel li sat c'usitic yich'ojic tale.

Números 20:16

Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

Números 20:22

Scotol li israeletique iloq'uic batel ta Cades; ibatic ta stuq'uil vits Hor.

Números 20:28

Li Moisese te la sloc'be sc'u' li Aarón sventa paleale, ja' laj yac'be slap li Eleazare. Te no'ox ta jolvits icham li Aarone.

Números 26:59

Li Amrame laj yic' yajnil. Ja' laj yic'be stseb Leví, Jocabed sbi. Li Jocabede ja'o ivoc' ti c'alal te to'ox oy ta Egipto li Levie. Li Amram xchi'uc Jocabede ja' stot sme'ic li Aarón, Moisés, xchi'uc Mariae.

Números 27:14

Yu'un achibalic laj abajbicun jmantal ti c'alal iliquic ta vulajetel ta jtojol li achi'iltaque. Muc xavich'icun ta muc' ta stojol achi'iltaquic ti c'alal laj ac'anbicun vo'e —xut. (Le'e ja' sc'oplal li nio' ta Meriba te ta Cades ta xocol banamil ta Zine.)

Números 33:36

Iloq'uic tal ta Ezión-geber; te vul spas scarpanaic ta xocol banamil ta Zin, ja' li Cades yan sbie.

Deuteronomio 1:46

Ja' yu'un ep jabil te lacomic ta Cades.

Deuteronomio 2:14

“C'alal lijloc'utic tal ta Cades-barnea c'alal to lijelovutic tal ta jot uc'um Zerede, i'ech' xa'ox vaxaclajuneb xcha'vinic (38) jabil. Ichamic xa'ox scotol li boch'otic xu' yu'unic paspleito c'alal te inaquiic ta scarpanaique, yu'un jech ono'ox yalojbutic Dios ti te chchamique.

Deuteronomio 32:51

Yu'un li vo'oxuque achibalic muc tuc'uc xapas abaic ta stojol scotol li achi'iltaquique. Muc xavaq'uicun ta ich'el ta muc' ti c'alal te oyoxuc ta vo'etic ta Meriba-cades ta xocol banamil ta Zine.

Jueces 11:16

C'alal liloc'cutic tal ta Egiptoe, te lixanovcutic tal ta xocol banamil c'alal to ta Tsajal nab; te livulcutic ta Cades.