Números 2:3 - Bible in Tzotzil de Chenalhó with Deuterocanon

³ “Ta stuq'uil sloq'ueb c'ac'ale, ja' te ac'o spas scarpanaic li soldadoetic ti chanovic batel ta yolon bandera yu'un Judae. Li soldadoetic ti liquemic ta jchop yu'un Judae ja' me banquilal yu'unic li Naasón, xnich'on Aminadabe.

Bible in Tzotzil de Chamula

³ “Ta yeloval sloq'ueb c'ac'al, ja' tey ta svol sbaic ti jvoc' ti sts'acliojic ta xanobal sbandera ti Judae. Ti jvoc' ti ja' snitilultac ti Judae, ti ja' banquilal yu'unic ti Naasone, xnich'on ti Aminadabe,

Números 2:3 Iomraidhean Croise

Génesis 35:22

C'alal ja'o te nacal li Israele, li Rubene ibat xchi'in ta vayel li Bilhae, ja' li yan ants yu'un stote. C'alal laj ya'ay li Jacobe, bats'i tsots i'ilin. Li xnich'nabtac Jacobe ja' lajchabic (12) ta voq'uel.

Génesis 35:23

Li yalabtac Leae ja' Rubén sbi li banquilale; ja'o ital Simeón, Leví, Judá, Isacar, xchi'uc Zabulón.

1 Crónicas 2:10

Li Rame inich'naj, Aminadab sbi. Li Aminadabe inich'naj, Naasón sbi. Ja' banquilal ic'ot yu'un li smomnich'nab Judae.

Éxodo 6:23

Li Aarone laj yic' sbaic xchi'uc Elisabet, ja' li stseb Aminadabe xchi'uc ja' xchi'il ta voq'uel li Naasone. Li Elisabete ivoc' yalabtac, ja' Nadab, Abiú, Eleazar, xchi'uc Itamar.

Números 1:5

Li banquilaletic chat'ujic sventa chcoltavanique ja' li'i: “Ta sventa li jchop liquemic ta Rubene ja' Elisur, xnich'on Sedeur.

Números 1:7

“Ta sventa li jchop liquemic ta Judae ja' Naasón, xnich'on Aminadab.

Números 10:5

C'alal me jal chich' jupanel li oq'uese, ja' ac'o lic xanovicuc batel li boch'otic te spasoj scarpanaic ta stuq'uil sloq'ueb c'ac'ale.

Números 2:4

Ja' ti iloq'uic ta atel chanlajuneb xchanvinic ta mil xchi'uc vaquib ciento (74,600) ta scotol li viniquetique.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

Números 7:12

Ta sba c'ac'ale ja' laj yich' batel smoton Dios li Naasón, xnich'on Aminadab ti liquem ta jchop yu'un Judae.

Números 7:17

Ta slajeb laj yic' batel cha'cot tot vacax, vo'cot tot chij, vo'cot tentsun xchi'uc vo'cot ch'ium chij ti jun to jabil svoq'uele. Le'e ja' smoton Dios sventa co'ol yo'ntonic xchi'uc Dios. Ja' jech li smoton Dios laj yich' batel Naasón, xnich'on Aminadabe.

San Mateo 1:4

Inich'naj li Arame, Aminadab sbi. Inich'naj li Aminadabe, Nasón sbi. Inich'naj li Nasone, Salmón sbi.

Rut 4:20

Li Aminadabe inich'naj, Naasón sbi. Li Naasone inich'naj, Salmón sbi.