Números 2:2 - Bible in Tzotzil de Chenalhó with Deuterocanon

² “Scotol li achi'iltac ta israelale nom me jutuc ac'o spas scarpanaic ta spat xocon li ch'ulna pasbil ta nucule. Ta jujuchop ac'o yac' scarpanaic te ta yolon li sbanderaique xchi'uc ja' te ac'o yac' sbaic ti bu oy senyail yu'unic ta jujuchop sbiique.

Bible in Tzotzil de Chamula

² “Ti israeletique, tsots sc'oplal sc'an ti nom nomtic ta sjoy sbaic ta naclej ti bu ta sbejanic ti Axibalna ti bu nupel ta bee, yu'un vololic ta jujuchop ta yolon ti bu pajal ti sbanderaique, ti xvinajic lec ta q'uelel buch'uic ti jujuvoq'ue.

Números 2:2 Iomraidhean Croise

Salmos 74:4

Li avajcontrataque x'avlajetic no'ox te ta yav li ch'ulna avu'une, yu'un itsalvanic xa; laj xa sjoc'anbeic senyail ti spasojic xa canale.

Salmos 76:11

Alic ta jamal ta stojol Muc'ul Dios li c'usi chac'an chapasique, pero c'otuc me ta pasel avu'unic. Acotolic vo'oxuc ti te seteloxuc ta spat ta xocone, ich'beic tal smoton, yu'un ja' no'ox stuc tsc'an ta jxi'tic.

Isaías 12:6

Jnaclumetic ta Sión, cuxetuc avo'ntonic; q'uejinanic yu'un li Ch'ul Dios yu'un Israele, yu'un te oy ta atojolic xchi'uc li smuc'ule”, xachiic.

Isaías 18:3

Vo'oxuc jnaclumetic, yajvaltac osil banamil, ta to xavilic chmuy bandera ta vitsetic; ta to xava'yic chbac' oq'ues te noxtoc.

Ezequiel 43:7

Jech laj yalbun li boch'o la sc'opanune: “Li vo'ote xnich'on cristiano, li'i ja' yavil jchotleb bu ta jpas mantal; ja' yavil bu ta jtec'an cacan. Ja' li' ta jchi'in o ta naclej sbatel osil li smomnich'nab Israele. Li stuquique xchi'uc li ajvaliletic yu'unique mu'yuc xa chlic soquesbicun sc'oplal jch'ulbi ta scoj li mulivajeletic tspasique, xchi'uc ta scoj sbec'tal li anima ajvaliletic yu'unique.

Zacarías 9:16

Me la sta li sc'ac'alil le'e, li Muc'ul Dios cu'untique ta xlic scolta li steclumal ti ja' jechic jech chac c'u cha'al jtsob chijetique; xojobanic no'ox liquel ta yosilal stuquic li steclumale, ja' jechic liquel jech chac c'u cha'al lequil tonetic ti ac'bil ta coronae.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 10:14

Ja' ba'yucbe ibat li soldadoetic ti chanovic ono'ox ta yolon li bandera yu'un Judae, ti ja' banquilal yu'unic li Naasón xnich'on Aminadabe.

Números 10:18

Ja' te nabal ibatic ec li soldadoetic ti chanovic batel ta yolon bandera yu'un Rubene, ti ja' banquilal yu'unic li Elisur xnich'on Sedeure.

Números 10:22

Ts'acal ja'o te xtalic ec li soldadoetic ti chanovic tal ta yolon bandera yu'un Efraine, ja' banquilal yu'unic li Elisama xnich'on Amiude.

Números 10:25

Ja'o te nabalic tal ta patil ec li soldadoetic ti chanovic tal ta yolon bandera yu'un Dane, ja' banquilal yu'unic li Ahiezer xnich'on Amisadai.

Números 2:1

Li Muc'ul Diose la sc'opan li Moisés xchi'uc Aarone. Jech laj yalbe:

Números 2:10

“Ta stuq'uil sure, ja' te ac'o spas scarpanaic li soldadoetic ti chanovic batel ta yolon bandera yu'un Rubene. Li soldadoetic ti liquemic ta jchop yu'un Rubene, ja' banquilal yu'unic li Elisur, xnich'on Sedeure.

Números 2:3

“Ta stuq'uil sloq'ueb c'ac'ale, ja' te ac'o spas scarpanaic li soldadoetic ti chanovic batel ta yolon bandera yu'un Judae. Li soldadoetic ti liquemic ta jchop yu'un Judae ja' me banquilal yu'unic li Naasón, xnich'on Aminadabe.

Números 24:2

C'alal laj yil Balaam ti lec ta jujuchop spasoj scarpanaic li israeletique, ital stsatsal Dios ta stojol.

1 Corintios 14:33

Yu'un li Diose mu ja'uc Dios ti lec chil vochlajetele. Ja' Dios ti tsc'an lec no'ox lamalutic, ti jun no'ox co'ntontique. Tsc'an jech chapasic noxtoc jech chac c'u cha'al tspasic scotol li steclumal Diose.

1 Corintios 14:40

Pero oyuc me smelol stuq'uil scotol li c'usitic chapasique, xchi'uc lec me ta scojolcojol xbat avu'unic.

Filipenses 1:27

Ja' no'ox tsots sc'oplal ti ac'o apasic batel jech chac c'u cha'al chal li Lequil A'yej yu'un Cristoe. Yu'un jech c'alal chtal jq'ueloxuc, o c'alal nom oyune, ta xca'ay ac'oplalic ti staoj yav jun avo'ntonic oe, ti co'ol avo'nton chavac'beic yipal xch'unel li Lequil A'yeje,

Colosenses 2:19

Mu'yuc bu stsacoj sbaic xchi'uc li Sjolique ja' li Cristoe, ti ja' chac' ch'iuc, ti ja' tsmac'lin lec li sbec'tal ta sventa ti lec stsacoj sbaic ta sts'acaliltac xchi'uc ta xch'uxuviltaque, jech lec chch'i batel ta sventa li ts'itesel chac' Diose.

Josué 3:4

Yu'un jech chana'ic c'uxi chabatic. Yu'un me junuc mu'yuc boch'o xanoven avu'unic li' ta bee. Pero mu me xanopajic batel ta sts'el li caxae; nom no'ox xacomic ta spat. Comtsan abaic junuc kilómetro snatil”, xutic.