Números 2:18 - Bible in Tzotzil de Chenalhó with Deuterocanon

¹⁸ “Ta stuq'uil smaleb c'ac'ale, ja' te ac'o spas scarpanaic li soldadoetic ti chanovic batel ta yolon li bandera yu'un Efraine. Li soldadoetic ti liquemic ta jchop yu'un Efraine, ja' banquilal yu'unic li Elisama, xnich'on Amiude.

Bible in Tzotzil de Chamula

¹⁸ “Ta yeloval ti smaleb c'ac'ale, ja' ta svol sbaic ta naclej ti jvoc' ti xvoletic ti bu lich'il sbandera ti Efraine, ti ja' banquilal yu'unic ti Elisamae, xnich'on ti Amiude,

Números 2:18 Iomraidhean Croise

Génesis 48:5

Ja' yu'un li anich'nab ti ivoc' li' ta Egipto c'alal mu'yuc to'ox li' jmoj tsobolutique, ja' li Efraín xchi'uc Manasese, ja' cu'untac chc'otic. Jech chac c'u cha'al ja' cu'un li Rubén xchi'uc Simeone, ja' no'ox jech ja' mero cu'untac chc'ot ec li chib anich'nabe.

Jeremías 31:9

C'alal ta sutic tale, x'oc' x'avanic tal, li vu'une ta xc'uxul co'nton ta xcac' suticuc tal. Te ta xquiq'uic tal ti bu oy lec vo'etique; ta tuq'uil be lec chtalic cu'un jech mu sbosi tal yacanic. Yu'un vu'un stotun li Israele, ja' sba jnich'on li Efraine.

Números 1:10

“Ta sventa li cha'chop liquemic ta xnich'nab Josee ja' Elisama, xnich'on Amiud, ja' ta sventa li Efraine. Ta sventa li Manasese ja' Gamaliel, xnich'on Pedasur.

Números 1:32

Li smomnich'nabtac Josee ja' iloc' cha'vinic ta mil xchi'uc vo'ob ciento (40,500) ta scotol ti liquemic ta Efraine. Yan li jchop liquemic ta Manasese ja' iloc' lajchab xcha'vinic ta mil xchi'uc chib ciento (32,200) ta scotol.

Números 10:22

Ts'acal ja'o te xtalic ec li soldadoetic ti chanovic tal ta yolon bandera yu'un Efraine, ja' banquilal yu'unic li Elisama xnich'on Amiude.

Números 2:19

Ja' ti iloq'uic ta atel cha'vinic ta mil xchi'uc vo'ob ciento (40,500) ta scotol li viniquetique.

Números 7:48

Ta svucubal c'ac'ale ja' laj yich' batel smoton Dios li Elisama, xnich'on Amiude, ja' li banquilal yu'unic li jchop liquemic ta Efraine.

Deuteronomio 33:17

Toj jun yutsil jech chac c'u cha'al sba xnich'on jcot muc'ta tot vacax. Toj tsots slomo jech chac c'u cha'al muc'ta tot vacax. Ta xul ta xulub scotol lumetic c'alal to ta jujujot sti' li banamile. Ja' jech stsatsal chc'ot li yepal smomnich'nab Efraine. Ja' jech stsatsal chc'ot li epal mil yu'untac Manasese”, xi.