Números 2:17 - Bible in Tzotzil de Chenalhó with Deuterocanon

¹⁷ “Li levietique cacal ta o'lol ac'o batuc yu'unic chanvoc'uc israeletic. Cha'voc' ac'o batuc ta ba'yucbe. Cha'voc' ac'o batuc ta ts'acalpat. Li Levietique ja' ac'o yich'ic batel li ch'ulna pasbil ta nucule. Li chanvoc' israeletique ja' jech ac'o xanovicuc batel jech chac c'u cha'al xcholoj li scarpanaique, xchi'uc te ta yolon sbandera stuquic ac'o baticuc.

Bible in Tzotzil de Chamula

¹⁷ “Ja'uc ti levitaetic une volibilic ech'el ta xanobal ta chanvoc' ti xcuchojic batel ti Axibalna ti bu nupel ta bee. Jech ti chanvoq'uique, lec svoc'ol voc'ol ta xanavic batel ta be jech c'u cha'al svoc'ol voc'ol ti lamalic ta naclej ti bu pajal ti sbanderaique.

Números 2:17 Iomraidhean Croise

Números 10:17

Te Lic stitunic li ch'ulna pasbil ta nucule, jech li smomnich'nabtac Gersón xchi'uc Merari ti ja' ono'ox oy ta sventaic chich'ic batele, lic xanovicuc batel.

Números 10:21

Ja'o te xtalic ec li smomnich'nabtac Coat ti ja' yabtelic chich'ic batel li c'usitic voc'bilic o sventa chtun te ta ch'ulnae. C'alal ic'otic yo' bu oy li yantique, meltsajem xa'ox c'ot staic li ch'ulna pasbil ta nucule.

Números 2:1

Li Muc'ul Diose la sc'opan li Moisés xchi'uc Aarone. Jech laj yalbe:

Números 2:18

“Ta stuq'uil smaleb c'ac'ale, ja' te ac'o spas scarpanaic li soldadoetic ti chanovic batel ta yolon li bandera yu'un Efraine. Li soldadoetic ti liquemic ta jchop yu'un Efraine, ja' banquilal yu'unic li Elisama, xnich'on Amiude.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

1 Corintios 14:40

Pero oyuc me smelol stuq'uil scotol li c'usitic chapasique, xchi'uc lec me ta scojolcojol xbat avu'unic.

Colosenses 2:5

Yu'un ac'o me mu'yuc te jchi'inojoxuc xchi'uc jbec'tal, pero te jchi'ucoxuc ta co'nton. Jech xcuxet no'ox co'nton, yu'un lec oyoxuc, xchi'uc staoj yav lec jun avo'nton ach'unojic o li Cristoe.