Números 19:9 - Bible in Tzotzil de Chenalhó with Deuterocanon

⁹ Yan vinic ti lec oye, ja' ac'o sjopbe batel li stanil me' vacaxe. Ac'o bat yac' ta spat ti bu nacaloxuque. Ja' te ac'o yac' ti bu lec li banamile. Li tan le'e ja' ac'o stunesic achi'iltac ta israelal sventa tsmeltsanic o li ts'u'iltasbil vo'e. Scotol le'e ja' me milbil matanal ta sventa li mulile.

Bible in Tzotzil de Chamula

⁹ Ta xtal yan vinic ti mesbil tusbile, ja' ta stsob loq'uel stanil ti me' vacaxe. Ta xbat yac' ti bu tuc'ulanbil lec ti oy ta sti'il xa ti bu lamalic ta nacleje. Stanil ti me' vacax taje, ja' ta stunesic ti israeletic c'alal ta smeltsanic ti vo' sventa ti mesel tusele. Scotol taje, ja' no'ox ta xtun ta sventa ti c'usi laj yich' aq'uel yu'un ti mulil colo'ile.

Números 19:9 Iomraidhean Croise

Levítico 15:20

“C'usiuc no'ox ta stasbin c'alal chvay li ants c'alal chil jujun ue, chopol chcom o ec. “Jech noxtoc c'usiuc no'ox ta xchotlebin, chopol chcom noxtoc.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

Números 19:13

Me oy boch'o la sta ta piquel sbec'tal anima ti mu'yuc chac' sba ta lecubtasele, tsocbe sc'oplal li ch'ulna yu'un Diose. Ac'o loc'uc o ta atojolic, yu'un muc xac' sba ta lecubtasel ta ts'u'iltasbil vo'. Jech te chcom o ta sba stuc ti mu'yuc lecubene.

Números 19:17

“Scotol li boch'otic jech soquemique, ac'o bat yich'ic tal c'uuc yepal li stanil me' vacax ti milbil ta sventa mulile. Ac'o yaq'uic ta jun jayil taq'uin. Ac'o yac'beic ya'lel, ja' li vo' ti lec chanov yoque.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

Números 19:3

Vo'oxuc chavac'beic ta sc'ob li pale Eleazare. Li Eleazare, ja' ac'o yic' loq'uel ta spat to yo' bu oy li acarpanaique. Ac'o yal mantal ti te ac'o yich' milel ta stojole.

Números 19:8

Ja' no'ox jech ec li boch'o la xchic' li me' vacaxe ac'o xchuc' lec sc'u', ac'o atinuc lec, ac'o me mu'yuc lecuben o c'alal to ta mal c'ac'al.

Números 6:12

Jech chlic stsac yan velta ta ach' ti c'u yepal c'ac'al yaloj tsvoc' sba o ta sventa cabtele. Ti c'u xa'ox yepal c'ac'al lic stsac tale, mu'yuc xa tsacbil ta venta chcom. Yu'un li stsotsil sjol ti lecubtasbil xa'oxe, isoc xa. Jech noxtoc tsc'an ac'o yic' batel ta jtojol jcotuc chij jun jabil svoq'uel sventa jmoton ta scoj ti bu ijelov ta jtojole.

Números 8:7

Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

2 Corintios 7:1

Ja' yu'un vo'oxuc ti lec jc'anojoxuque, ja' jc'oplaltic ti va'ay x'elan yaloj li Diose. Jech tsc'an ac'o me jq'uel jbatic ta sventa li c'usi tsoques jbec'taltic xchi'uc co'ntontique. Ja' tsc'an chijlecubutic o batel ta sventa ti quich'ojtic xa ta muc' li Diose.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.

Hebreos 9:13

Li xch'ich'al tot vacax, me xch'ich'al tot tentsun, o me stanil ch'ium me' vacax ti lec c'aq'uem te ta xchic'ubil smoton Diose, itun sventa laj yich' vijel o li boch'o tsbolibtas sbae, jech lecubtasbil icom ta sventa sba sbec'tal.