Números 19:5 - Bible in Tzotzil de Chenalhó with Deuterocanon

⁵ Ts'acal te sq'ueloj ac'o yich' chiq'uel li me' vacaxe. Ac'o yich' chiq'uel li snuculile, li sbec'tale, li xch'ich'ale, xchi'uc scotol li sbel xch'ut c'alal ta stso'e.

Bible in Tzotzil de Chamula

⁵ Mi laj taj une, va'al sq'ueloj ta xich' chiq'uel ti me' vacaxe, xchi'uc ta xich' chiq'uel xtoc ti snuculile, sjunul ti sbec'tale, ti xch'ich'ele, xchi'uc yic'obal ti xch'ute.

Números 19:5 Iomraidhean Croise

Salmos 22:14

Ja' jechun jech chac c'u cha'al vo' ti chmal batele; li jbaquiltaque bichc'ujemic xa loq'uel ta sts'acaliltac. Li co'ntone ta x'ul batel ta yut jbec'tal jech chac c'u cha'al chab.

Éxodo 29:14

Yan li sbec'tale, li sbel xch'ute, xchi'uc li snuculile bat chiq'uic ta spat to ti bu apasoj acarpanaique yu'un ja' matanal ta sventa mulil.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Levítico 4:21

Ac'o sloq'uesic batel ta spat to acarpanaic li ch'ium vacaxe. Te ac'o xchiq'uic jech chac c'u cha'al la xchiq'uic li yan jcot ch'ium vacaxe. Ja' matanal ta sventa smul scotol li achi'iltac ta israelale.