Números 19:4 - Bible in Tzotzil de Chenalhó with Deuterocanon

⁴ Li pale Eleazare, ac'o sts'aj sbic'tal sc'ob ta xch'ich'al li vacaxe, ac'o svij batel vucubuc velta ta stuq'uil li ch'ulna pasbil ta nucule.

Bible in Tzotzil de Chamula

⁴ Jech ti pale Eleazare ta sts'aj jutebuc sni' sc'ob ta xch'ich'ele. Vucub velta ta svij ech'el ta stuq'uil yeloval Axibal na ti bu nupel ta bee.

Números 19:4 Iomraidhean Croise

Levítico 16:14

Ac'o stsac jutebuc xch'ich'al li ch'ium vacaxe; ac'o svij ta jot sjol li smac caxa ta stuq'uil sloq'ueb c'ac'ale. Xchi'uc ac'o svij ta ch'ich' vucub velta li jot sti' smac caxa ta yelovale.

Levítico 16:19

Xchi'uc ac'o svij ta sbic'tal sc'ob vucub velta ta ch'ich' li scajleb jmotone. Jech lecubtasbil chcom o ta sventa yi'lalic li achi'iltaque, jech ts'u'iltasbil chcom o.

Levítico 4:17

Ac'o sts'aj sbic'tal sc'ob ta ch'ich' li palee. Ac'o svij batel vucub velta ta jtojol te ta poc' ti te joc'ol ta ch'ulnae.

Levítico 4:6

Ac'o sts'aj sbic'tal sc'ob ta ch'ich'. Ac'o svij batel vucub velta ta jtojol ta stuq'uil li poc' te joc'ol ta ch'ulnae.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.