Números 19:3 - Bible in Tzotzil de Chenalhó with Deuterocanon

³ Vo'oxuc chavac'beic ta sc'ob li pale Eleazare. Li Eleazare, ja' ac'o yic' loq'uel ta spat to yo' bu oy li acarpanaique. Ac'o yal mantal ti te ac'o yich' milel ta stojole.

Bible in Tzotzil de Chamula

³ Ac'beic yich' ti pale Eleazare. Jech ti stuque ta snit loq'uel ta sti'il xa ti bu lamaloxuc ta nacleje, ti ta xal mantal ti va'al ta sq'uel ta xich' milele.

Números 19:3 Iomraidhean Croise

Levítico 16:27

“Li ch'ium tot vacax xchi'uc li tentsun ti chich' milel ta sventa mulil, xchi'uc ti chich' ich'bel ochel xch'ich'al ta yut ch'ulna sventa xch'ayubil mulile, ac'o yich' ich'el batel ta spat to ti bu nacaloxuque. Te ac'o yich' chic'bel li snuculile, li sbec'tale, xchi'uc li sbel xch'ute.

Levítico 24:14

“Loq'uesic batel te ta acarpanaic li boch'o ichopolc'opoje. Li boch'otic laj ya'yic c'usi laj yale ac'o yac' sc'obic ta sjol. Ac'o smilic ta ton scotol li achi'iltac ta israelale.

Levítico 4:11

Li snuculil vacaxe xchi'uc li sbec'tale, li sjole, li yacane, li sbiquile, xchi'uc li stso'e,

Levítico 4:12

o xu' chcaltic ti ja' scotlijil li vacaxe, loq'uesic batel ta spat to acarpanaic, te xbat avaq'uic ti bu lec jamal te ta yav bu chich' busanel tane. Ac'beic lec si'il; ja' te xachiq'uic li vacaxe.

Levítico 4:21

Ac'o sloq'uesic batel ta spat to acarpanaic li ch'ium vacaxe. Te ac'o xchiq'uic jech chac c'u cha'al la xchiq'uic li yan jcot ch'ium vacaxe. Ja' matanal ta sventa smul scotol li achi'iltac ta israelale.

Números 15:36

Jech scotol li israeletique laj yiq'uic batel ta spat to ti bu oy scarpanaique. Laj yac'beic ton, ja' to ilaj yo'ntonic ti c'alal icham yu'unique. Ja' jech la spasic jech chac c'u cha'al i'albat yu'un Muc'ul Dios li Moisese.

Números 19:9

Yan vinic ti lec oye, ja' ac'o sjopbe batel li stanil me' vacaxe. Ac'o bat yac' ta spat ti bu nacaloxuque. Ja' te ac'o yac' ti bu lec li banamile. Li tan le'e ja' ac'o stunesic achi'iltac ta israelal sventa tsmeltsanic o li ts'u'iltasbil vo'e. Scotol le'e ja' me milbil matanal ta sventa li mulile.

Números 3:4

Pero li Nadab xchi'uc Abiue ichamic te ta xocol banamil ta stojol li Muc'ul Diose yu'un la xchiq'uic pom ta stojol Dios ta yipal yo'nton stuquic. Jech mu'yuc xnich'on icom xchibalic. Ja' xa no'ox Eleazar xchi'uc Itamar i'abtejic ta paleal. Ja' iq'uelatic yu'un li stotique, ja' li Aarone.

Números 5:2

“Albo scotol achi'iltac ta israelal ti ac'o sloq'uesic te yo' bu nacalic scotol li boch'otic yich'ojic c'a'el chamele, o me chamel ta sc'unilic ti chloc' ya'lele, o me mu'yuc yac'oj sba ta lecubtasel me oy la spiquic animae.