Números 19:21 - Bible in Tzotzil de Chenalhó with Deuterocanon

²¹ Li'i ja' jun mantal chcom o ta atojolic; mu xlaj sc'oplal o. Li boch'o ta svij ta ts'u'iltasbil vo' jun xchi'ile, tsc'an ac'o xchuc' lec sc'u' stuc ec. Li boch'o tspic li vo' sventa lecubtasele, soquem chcom o c'alal to ta mal c'ac'al.

Bible in Tzotzil de Chamula

²¹ Taje, ja' ta xc'ot ta jbel c'usi tsots albil ti bejel ta xcom oe. Ti buch'u ta xvits'tavan ta sventa ti jlecubtasvanej vo'e, tsots sc'oplal ta xchuc' sc'u'. Jech ti buch'u ta stsac ti jlecubtasvanej vo'e, ta smalil to c'ac'al ta xlaj yip ti xcuchoj ti sbolile.

Números 19:21 Iomraidhean Croise

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Levítico 11:25

“Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 11:40

Me oy boch'o la sti' li c'usi jech no'ox chcham stuque, ac'o xchuc' lec sc'u', pero chopol chcom o c'alal to ch-och ac'ubal. Jech noxtoc li boch'o chbat xch'ay li c'usi chamene, ac'o xchuc' lec sc'u', pero chopol chcom o c'alal to ch-och ac'ubal.

Números 18:23

Ja' no'ox levietic xu' tsventainic spasel li abtel te ta ch'ulna pasbil ta nucule, xchi'uc ja' chcom ta sventaic noxtoc me oy c'usi chopol chc'ot ta pasel yu'unic tee. Li c'usi chacalboxuc li'i, ja' jun mantal ta xcom o ta atojolic c'alal ta avalab anich'nabic. Li levietique mu'yuc chich' yosilic te ta stojol li achi'iltaquic ta israelale.

Números 19:10

Li boch'o la stsob batel li tane, ac'o xchuc' lec sc'u', pero mu'yuc to lecuben chcom c'alal to ta bat c'ac'al. Li'i ja' jun mantal chcom o ta atojolic, vo'oxuc li israeloxuque, xchi'uc ta stojol li yanlum cristianoetic te nacal ta atojolique.

Números 19:7

Ts'acal ac'o xchuc' lec sc'u'; ac'o atinuc lec, jech xu' ch-och batel ta yut ti bu oy acarpanaique ac'o me mu'yuc to lecuben o c'alal to ta mal c'ac'al.

Números 19:8

Ja' no'ox jech ec li boch'o la xchic' li me' vacaxe ac'o xchuc' lec sc'u', ac'o atinuc lec, ac'o me mu'yuc lecuben o c'alal to ta mal c'ac'al.

Hebreos 10:4

Yu'un li xch'ich'al tot vacaxe xchi'uc li xch'ich'al tot tentsune mu xu' yu'un ti j'ech'el chixch'aybutic o jmultique.

Hebreos 7:19

Yu'un li mantaletique mu'yuc c'usi xtuq'uib yu'un, ja' yu'un ital yan spatubil co'ntontic, jech xu' xa chijnopajutic batel ta stojol Dios yu'un.

Hebreos 9:10

Yu'un ja' no'ox mantaletic sventa sba sbec'talic, sventa ve'liletic, sventa c'usitic chuch'ic, xchi'uc c'usitic yan tspasic sventa tslecubtas sbaic. Ja' jech la spasic o c'alal to la spas ta ach' li Diose.