Números 19:2 - Bible in Tzotzil de Chenalhó with Deuterocanon

² “Vu'un Muc'ul Diosun ta xcal li mantal li'i: Albo achi'iltac ta israelal ti ac'o yich'bicun tal jcotuc me' vacax ti tsojtsojtic sba stsotsile, ti mu'yuc xchamele, ti lec oye, xchi'uc ti mu'yuc to chucbil arado sventa slocubil banamile.

Bible in Tzotzil de Chamula

² “Ti vu'un Ajvalilune xichi ta xcalbot ti jmantale: Albo ya'iic ti israeletique ti ac'o yich'ic talel jcotuc tsajal me' vacax ti mu'yuc jutebuc ti xchopolile, ti mu bac'niuc xojbil ta sjol ti yabtejebe.

Números 19:2 Iomraidhean Croise

Éxodo 12:5

Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Lamentaciones 1:14

Li jtoyobbaile chucul lec ta jnuc' jech chac c'u cha'al yabtejeb vacax, pero ja' xchucoj ta sc'ob stuc li Cajvaltic Diose, jech mu'yuc xa jtsatsal o. Li Cajvaltic Diose yac'ojun ta sc'ob cristianoetic, jech mu xu' ta jcolta jba o.

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 14:6

Li palee ac'o stsac li jcot unin mut cuxule, xchi'uc li ch'ut te'e, li tsajal poq'ue xchi'uc li hisopo te'e. Ac'o sts'aj ta xch'ich'al li chamen mut te ta vo' ti lupbil tal ta nio'e.

Números 19:1

Li Muc'ul Diose la sc'opan yan velta li Moisés xchi'uc Aarone. Jech laj yalbe:

Números 19:6

Li palee ac'o stsac jutebuc ch'ut te', xchi'uc jecuc sc'ob hisopo te', xchi'uc tsajal poc'. Ac'o xchic' scotol te yo' bu chcac' li me' vacaxe.

Números 31:21

Li pale Eleazare jech lic yalbe li soldadoetic ti i'ayic tal ta paspleitoe: —Li c'usitic chacalboxuc li'i ja' jun mantal ti i'albat yu'un Muc'ul Dios li Moisese:

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

Deuteronomio 21:3

Li banquilaletic te ta lum ti toj nopole, ac'o stsaquic jcotuc unin tsebal vacax ti mu'yuc to yich'oj chucbel abtejebal sventa slocubil banamile.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.

Hebreos 9:10

Yu'un ja' no'ox mantaletic sventa sba sbec'talic, sventa ve'liletic, sventa c'usitic chuch'ic, xchi'uc c'usitic yan tspasic sventa tslecubtas sbaic. Ja' jech la spasic o c'alal to la spas ta ach' li Diose.

1 Pedro 1:19

Ja' la smanoxuc o ta xch'ul ch'ich'al li Jesucristoe, yu'un ja' laj yich' milel ta jcojtic jech chac c'u cha'al ch'ium chij laj yich' milel, ti toj leque, ti mu'yuc bu chopole.

1 Pedro 2:22

Li Cristoe me jutuc mu'yuc smul, me jutuc mu'yuc x'epalc'opoj.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

1 Samuel 6:7

Ja' lec aq'uic ta pasel junuc ach' careta. Tsaquic cha'cotuc me' vacax ti oy yolique, ti mu'yuc to bu abtejeme; ja' xachucbeic batel li caretae. Pero li yolique mu me xacoltaic batel; comtsanic ta sna.