Números 19:19 - Bible in Tzotzil de Chenalhó with Deuterocanon

¹⁹ Li vinic ti lec oye xu' ja' ac'o svij ta ya'lel stanil me' vacax ta yoxibal c'ac'al xchi'uc ta svucubal c'ac'al li boch'o soquem sc'oplale. C'alal me laj xa yich' lecubtasel ta svucubal c'ac'ale, ac'o xchuc' lec sc'u'. Ac'o atinuc lec; ta yic'ubel osil lecuben xa chcom.

Bible in Tzotzil de Chamula

¹⁹ Jech ti vinic ti smesoj stusoj sbae, ta yoxibal c'ac'al, xchi'uc ta yucubal c'ac'al, ta svits'ulta ta vo' ti buch'u mu'yuc mesbil tusbile. Va'i un, ti ta yucubal c'ac'al une, ta sta ti mesbil tusbil ta xc'ote. Jech ti buch'u xcuchoj ti sbolile, ta xchuc' sc'u', ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 19:19 Iomraidhean Croise

Génesis 2:2

Li Diose la xcux yo'nton ta svucubal c'ac'al, yu'un meltsajem xa'ox yu'un scotol.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Levítico 14:7

Ts'acal ac'o svij ta ch'ich' vucub velta li boch'o chich' lecubtasel ta sventa c'a'el chamele. Ac'o yal ti lec xa icome. Li jcot mut cuxul icome ac'o scolta batel.

Levítico 14:9

Ta svucubal c'ac'al ac'o xjux yan velta li stsotsil sjole, li yisime, li smotsobe xchi'uc scotol li stsotsile. Ac'o xchuc' lec sc'u'; ac'o atinuc lec, jech lecubtasbil xa chcom o.

Números 19:12

Ta yoxibal xchi'uc ta svucubal c'ac'al ac'o yac' sba ta lecubtasel ta sventa li ts'u'iltasbil vo'e. Ta svucubal c'ac'ale lec xa chcom o. Me mu'yuc chac' sba ta lecubtasel ta yoxibal c'ac'al xchi'uc ta svucubal c'ac'ale, mu'yuc lec chcom o.

Números 19:13

Me oy boch'o la sta ta piquel sbec'tal anima ti mu'yuc chac' sba ta lecubtasele, tsocbe sc'oplal li ch'ulna yu'un Diose. Ac'o loc'uc o ta atojolic, yu'un muc xac' sba ta lecubtasel ta ts'u'iltasbil vo'. Jech te chcom o ta sba stuc ti mu'yuc lecubene.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

Números 31:19

Ti jayiboxuc lamilvanique, o me laj apicbeic sbec'tal li animae, comanic vucubuc c'ac'al ta spat jcarpanatic. Tsc'an chavac' abaic ta lecubtasel ta yoxibal c'ac'al xchi'uc ta svucubal c'ac'al achi'uquic li boch'otic laj achuquic tale.

Números 31:24

Ta svucubal c'ac'al ac'o xchuc' lec sc'u'ic, jech lecubtasbil xa chcomic o. Ts'acal ac'o ochicuc batel ti bu oy acarpanaique, xi yaloj li Muc'ul Diose —xut.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Hebreos 10:22

jech ac'o nopajcutic batel ta scotol co'ntontic, xchi'uc ta sventa ti j'ech'el jch'unojtic oe. Yu'un lecubtasbil xa co'ntontic, jech pocbil xa li c'usi chopol oy ta jol ta co'ntontique, xchi'uc pocbil xa jbec'taltic ta lequil vo'.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

Judas 1:23

Coltaic, pojic to me loq'uel ta c'oc' li boch'otic stamojic xa batel sbelal ch'ayele. C'uxuc me ta avo'ntonic noxtoc scotol li yantique. Pero bijanic me yu'unic, contrainic me li c'usi chopol tspasique, yu'un bats'i bolibenic o ta jyalel; c'alal ta sc'u' spoq'uic xcuchoj o li xchopolilique.