Números 19:17 - Bible in Tzotzil de Chenalhó with Deuterocanon

¹⁷ “Scotol li boch'otic jech soquemique, ac'o bat yich'ic tal c'uuc yepal li stanil me' vacax ti milbil ta sventa mulile. Ac'o yaq'uic ta jun jayil taq'uin. Ac'o yac'beic ya'lel, ja' li vo' ti lec chanov yoque.

Bible in Tzotzil de Chamula

¹⁷ “Ti jech xcuchojbe ti sbolil taje, ta xich' jopel tal uni jopuc stanil ti me' vacax ti laj yich' svocol ta scoj ti mulile. Ta xich' aq'uel ta jun lech-lech taq'uin ti tane. Ta xich' malbel vo' ta sba ti pulbil talel ta sat vo'e.

Números 19:17 Iomraidhean Croise

Génesis 26:19

Ta yan c'ac'al li smozotac Isaaque la sjoq'uic jch'oj joc' ta stenlejaltic; te la staic jun nio'.

Cantares 4:15

Ja' jechot noxtoc jech chac c'u cha'al nio' ta ts'unubaltic, jech chac c'u cha'al sloq'ueb vo' ti te xcholchun loq'uel tal ta Libanoe.

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

Números 19:9

Yan vinic ti lec oye, ja' ac'o sjopbe batel li stanil me' vacaxe. Ac'o bat yac' ta spat ti bu nacaloxuque. Ja' te ac'o yac' ti bu lec li banamile. Li tan le'e ja' ac'o stunesic achi'iltac ta israelal sventa tsmeltsanic o li ts'u'iltasbil vo'e. Scotol le'e ja' me milbil matanal ta sventa li mulile.

Números 31:23

ja' sc'oplal scotol li c'usitic xcuch yu'un c'oq'ue, tiq'uic ta c'oc' jech lecubtasbil ta xcom o. Xchi'uc poquic o ta vo' sventa lecubtasel. Yan li c'usitic mu xcuch yu'un c'oq'ue ja' no'ox xavaq'uic ta lecubtasel ta vo'.

San Juan 7:38

Li boch'o ta xch'un ti vu'un ta jcoltae ja' jech ta xc'ot ta pasel jech chac c'u cha'al ts'ibabil ta sc'op Diose: ‘Li yut yo'ntone ja' jech ta xc'ot jech chac c'u cha'al nio' ti te xcholchun o ya'lel scotol c'ac'ale’, xi ts'ibabil —xi li Jesuse.

Hebreos 9:13

Li xch'ich'al tot vacax, me xch'ich'al tot tentsun, o me stanil ch'ium me' vacax ti lec c'aq'uem te ta xchic'ubil smoton Diose, itun sventa laj yich' vijel o li boch'o tsbolibtas sbae, jech lecubtasbil icom ta sventa sba sbec'tal.

Apocalipsis 7:17

Yu'un ja' chabibilic o yu'un li Ch'ium Chij te oy ta o'lol yo' bu chotol li Diose; ja' ch-ic'atic batel ta nio' sventa cuxlejal. Tscusbat ya'lel satic yu'un li Diose”, xiyutun.