Números 19:15 - Bible in Tzotzil de Chenalhó with Deuterocanon

¹⁵ Scotol li binetic ti mu'yuc macbil sti'e, o me mu'yuc lec ac'bil smaque mu'yuc xa lec chcom o.

Bible in Tzotzil de Chamula

¹⁵ Yu'un scotol ti lech-lech taq'uin ti mu'yuc smaque, xchi'uc ti mu'yuc macbil lec ta smaque, xcuchojbe ti sbolil xtoque.

Números 19:15 Iomraidhean Croise

Levítico 11:32

“Jech noxtoc, me oy c'usi chbaj yalel te chc'ot yo' bu chamen jcotuc li chonetic le'e, chopol chcom o. C'usiuc no'ox, me te', me c'u'il, me nucul, me coxtal, o me abtejebal, chopol chcom o c'alal to ch-och ac'ubal. Ts'acal ac'o yich' ts'ajel ta vo', jech lec chcom yan velta.

Levítico 11:33

“Me oy chbaj ochel ta bin li chamen chon le'e, li bin xchi'uc li sbele chopol xa chcom o. Li bine ac'o yich' voq'uel.

Levítico 14:36

“Li palee ac'o yal batel mantal ti ac'o sloq'uesic c'usitic te oy ta na ti c'alal mu'yuc to chbat sq'uel me ja' li c'a'el chamele yu'un jech mu soc scotol li c'usitic te oy ta nae. Ts'acal ac'o och sq'uel li palee.

Números 19:14

“Li mantal ta sventa c'usi tsc'an chapasic c'alal me oy boch'o chcham te ta yut scarpanae, ja' li'i: Scotol li boch'otic te oyic ta yut li carpanae xchi'uc li boch'otic te ta x'ochic batele, vucub c'ac'al chopol chcomic o.

Números 19:16

“Me oy boch'o la spicbe sbec'tal jun anima ta te'tic ti milbil ichame, o me jech no'ox icham stuque, o me sbaquil anima la sta ta piquel, o me muquinaltic, vucub c'ac'al mu'yuc lec chcom.

Números 31:20

Aq'uic ta lecubtasel noxtoc scotol li ac'u'ique, xchi'uc scotol li c'usitic pasbil ta nucul, pasbil ta tsotsil tentsun, o li c'usi pasbil ta te'e —xut.