Números 19:14 - Bible in Tzotzil de Chenalhó with Deuterocanon

¹⁴ “Li mantal ta sventa c'usi tsc'an chapasic c'alal me oy boch'o chcham te ta yut scarpanae, ja' li'i: Scotol li boch'otic te oyic ta yut li carpanae xchi'uc li boch'otic te ta x'ochic batele, vucub c'ac'al chopol chcomic o.

Bible in Tzotzil de Chamula

¹⁴ “Ti smantaliltac ti sc'an pasel ta sventa ti buch'u ta xcham ta yut snaic ti bu lamalic ta nacleje, xi s'elane: Yu'un scotolic ti c'usi x'ayan ta yut axibal na xchi'uc ti buch'u ta x'ochique, vucub c'ac'al sjalil ti xcuchojbe ti sbolile.

Números 19:14 Iomraidhean Croise

Ezequiel 39:12

Scotol li israeletique vucub u puru muclumajel tspasic sventa chch'ubaic scotol li yosilalique.

Ezequiel 44:26

C'alal me laj yac' sbaic ta lecubtasele, ac'o smalaic vucubuc c'ac'al.

Levítico 14:54

Ja' jech li chanubtasel ta sventa se'p, o ta sventa c'usiuc no'ox c'a'el chamelale.

Levítico 15:32

Ja' jech li chanubtasel ta sventa boch'o oy c'usi chloc' yu'une, ac'o me vinic, o me antsetic ti chilic jujun ue, yu'un chopol chcom o xchi'uquic. Xchi'uc ja' mantal ta sventa li vinic me oy chchi'in sba xchi'uc yajnil ti yorail chil jujun ue.

Levítico 21:1

Li Muc'ul Diose jech laj yalbe li Moisese: “Albo li paleetic, xnich'nabtac Aarone, mu me xbat scap sbaic ta sq'uelel me oy chcham junuc yuts' yalale yu'un ta soques sbaic me jech tspasique.

Levítico 21:11

Mu xu' ch-ochic ti bu oy animae, ac'o me stot, me sme'; mu xu' tsbolibtas sbaic o.

Números 19:13

Me oy boch'o la sta ta piquel sbec'tal anima ti mu'yuc chac' sba ta lecubtasele, tsocbe sc'oplal li ch'ulna yu'un Diose. Ac'o loc'uc o ta atojolic, yu'un muc xac' sba ta lecubtasel ta ts'u'iltasbil vo'. Jech te chcom o ta sba stuc ti mu'yuc lecubene.

Números 19:15

Scotol li binetic ti mu'yuc macbil sti'e, o me mu'yuc lec ac'bil smaque mu'yuc xa lec chcom o.

Números 31:20

Aq'uic ta lecubtasel noxtoc scotol li ac'u'ique, xchi'uc scotol li c'usitic pasbil ta nucul, pasbil ta tsotsil tentsun, o li c'usi pasbil ta te'e —xut.

Números 5:2

“Albo scotol achi'iltac ta israelal ti ac'o sloq'uesic te yo' bu nacalic scotol li boch'otic yich'ojic c'a'el chamele, o me chamel ta sc'unilic ti chloc' ya'lele, o me mu'yuc yac'oj sba ta lecubtasel me oy la spiquic animae.

Números 6:6

Ti jayib c'ac'al yaloj oy c'usi tspase, mu xu' chnopaj batel ta sts'el ti bu oy animae.

Números 6:9

“Me oy boch'o te chcham ta ora no'ox ta sts'el li boch'o yac'oj sba o ta jtojole, li stsotsil sjol ti lec to'ox chquile, mu xa lecuc chquil. Ja' tsc'an ac'o yac' sba ta lecubtasel vucubuc c'ac'al jech chac c'u cha'al sc'oplale. Ta svucubal c'ac'al ac'o yac' ta juxel scotol li stsotsil sjole, yu'un ja' sc'ac'alil ti chich' lecubtasele.

Números 9:6

Pero oy jayibuc viniquetic te xchi'uquic, mu'yuc yac'oj sbaic ta lecubtasel ta sventa la spicbeic sbec'tal jun anima, jech muc spasic o li q'uin Coltael ta sc'ac'alil le'e. Li viniquetic le'e ta ora bat sc'opanic li Moisés xchi'uc Aarone.