Números 19:13 - Bible in Tzotzil de Chenalhó with Deuterocanon

¹³ Me oy boch'o la sta ta piquel sbec'tal anima ti mu'yuc chac' sba ta lecubtasele, tsocbe sc'oplal li ch'ulna yu'un Diose. Ac'o loc'uc o ta atojolic, yu'un muc xac' sba ta lecubtasel ta ts'u'iltasbil vo'. Jech te chcom o ta sba stuc ti mu'yuc lecubene.

Bible in Tzotzil de Chamula

¹³ Ti mi oy buch'u laj stic' sba ta spiquel ti animae, ti mi mu smes stus sbae, ta soquesbe sc'oplal ti xch'ulna Dios yu'une. Tsots sc'oplal tenbil ta xloc' ta stojol ti israeletique, ja' ti mu'yuc laj yich' mesel tusel yu'un ti jtusvanej vo'e. Staoj yav ti xcuchoj ti sbolile.

Números 19:13 Iomraidhean Croise

Éxodo 30:33

Me oy boch'o tspas yan aceite co'ol jech chac c'u cha'al li'i, o me tsmalbe ta sjol boch'ouc no'oxe, ac'o yich' loq'uesel ta atojolic’, uto”, xi li Muc'ul Diose.

Proverbios 14:32

Li boch'o chopole chich' ulesel o ta scoj li xchopolile; yan li boch'o leque jun no'ox yo'nton ti c'alal chchame.

Ezequiel 44:26

C'alal me laj yac' sbaic ta lecubtasele, ac'o smalaic vucubuc c'ac'al.

Levítico 15:31

Ja' jech tsc'an chapasic yu'un jech chavoq'uic ta sventa yi'lalic li achi'iltaque, xchi'uc jech mu xchi'ucuc yi'lalic chtalic ta ch'ulna pasbil ta nucul yo' bu chajchi'inoxuque, jech mu xchamic cu'un”, xi li Muc'ul Diose.

Levítico 20:3

Li vu'une ta jcontrain li boch'o jech tspase; ta xcules te ta atojolic yu'un tsoques li ch'ulna cu'une, xchi'uc tsoquesbe sc'oplal jch'ulbi ta sventa ti chac'be smotonin Moloc li xnich'one.

Levítico 22:3

“Jech xavalbe ya'ay: Li' ta ora, xchi'uc le' to batele, me oy junuc smomnich'nab mu'yuc lec ti c'alal chtal yac' ta jtojol li ch'ul matanaletic yac'ojbicun achi'iltaque, ac'o yich' loq'uesel o ta jtojol; vu'un li Muc'ul Diosune.

Levítico 22:4

“Me oy junuc smomnich'nab Aarón ip cha'ay c'a'el chamel, o me oy c'usi chloc' ta sbec'tale, mu xu' tsti' li ch'ul matanaletique; ja' to xu' tsti' me laj yich' lecubtasele. “Me oy boch'o ta spic li c'usi soquem ta scoj junuc animae, o me ta spic jun vinic ti oy c'usi tsjelubtase,

Levítico 5:17

“Me oy boch'o la spas c'usi chopol ti mu jechuc chal li mantaletic cu'une, ac'o me muc sna' ti la sta smule, pero oy ono'ox smul o ta jtojol.

Levítico 5:3

“Me oy boch'o tspicbe c'usiuc no'ox chopol yu'un achi'iltaquique, ja' li c'usi chopol, li c'usi ip yu'une, ac'o me muc sna' ta ora, pero me ts'acal to la sna'e, li boch'o la spique, oy smul chc'ot o.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 7:20

“Li boch'o mu'yuc lecubtasbil ti tsti' li jmoton sventa co'ol co'ntontique, ac'o yich' loq'uesel ta atojolic.

Levítico 7:21

“Jech noxtoc li boch'o ta spic c'usiuc no'ox chopole, me ja' c'usi chopol yu'un xchi'ile, o me ja' c'usi chopol yu'un chonbolom, o me oy c'usi yan toj chopol, me la sti' li milbil matanal sventa co'ol co'ntontique, ac'o yich' loq'uesel ta atojolic”, xi li Muc'ul Diose.

Números 15:30

“Pero me oy junuc boch'o yutsil yo'nton la sa' smule, oy xa smul o ta jtojol, boch'ouc no'ox, me israel, o me yanlum cristiano. Li boch'o jech la spase, ac'o yich' loq'uesel ta atojolic.

Números 19:14

“Li mantal ta sventa c'usi tsc'an chapasic c'alal me oy boch'o chcham te ta yut scarpanae, ja' li'i: Scotol li boch'otic te oyic ta yut li carpanae xchi'uc li boch'otic te ta x'ochic batele, vucub c'ac'al chopol chcomic o.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

Números 19:19

Li vinic ti lec oye xu' ja' ac'o svij ta ya'lel stanil me' vacax ta yoxibal c'ac'al xchi'uc ta svucubal c'ac'al li boch'o soquem sc'oplale. C'alal me laj xa yich' lecubtasel ta svucubal c'ac'ale, ac'o xchuc' lec sc'u'. Ac'o atinuc lec; ta yic'ubel osil lecuben xa chcom.

Números 19:20

Me oy boch'o soquem ti mu xac' sba ta lecubtasele, ac'o loc'uc ta atojolic yu'un tsocbe sc'oplal li ch'ulna yu'un Muc'ul Diose, yu'un muc xac' sba o ta vijel ta vo' ti ja' sventa lecubtasele. Jech mu'yuc lecuben chcom o.

Números 19:9

Yan vinic ti lec oye, ja' ac'o sjopbe batel li stanil me' vacaxe. Ac'o bat yac' ta spat ti bu nacaloxuque. Ja' te ac'o yac' ti bu lec li banamile. Li tan le'e ja' ac'o stunesic achi'iltac ta israelal sventa tsmeltsanic o li ts'u'iltasbil vo'e. Scotol le'e ja' me milbil matanal ta sventa li mulile.

Números 8:7

Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.

San Juan 8:24

Ja' yu'un laj calboxuc ti te acuchoj amul chachamique, yu'un mu xach'unic ti Vu'une, jech te acuchoj o amul chachamic —xi li Jesuse.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

Hebreos 9:10

Yu'un ja' no'ox mantaletic sventa sba sbec'talic, sventa ve'liletic, sventa c'usitic chuch'ic, xchi'uc c'usitic yan tspasic sventa tslecubtas sbaic. Ja' jech la spasic o c'alal to la spas ta ach' li Diose.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Apocalipsis 22:11

Li boch'otic mu'yuc tuc' c'usi tspasique, ja' ac'o spasic o li c'usi mu'yuc tuq'ue. Li boch'otic toj chopol c'usitic tspasique, ja' ac'o spasic o li c'usitic toj chopolique. Li boch'otic lecubtasbilic xae, ac'o to yac' sbaic ta lecubtasel. Li boch'o voc'bilic yu'un Diose, ac'o svoc' sba o ta sventa li mulile”, xiyutun li j'almantale.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.