Números 18:9 - Bible in Tzotzil de Chenalhó with Deuterocanon

⁹ Li jmoton chiyac'bicun ti chic'bil tsc'ane, ja' xa avu'unic scotol ti bu mu'yuc chich' chiq'uele. Ja' li arinaetique, xchi'uc li matanal chiyac'bicun sventa mulile, xchi'uc li jmoton chiyac'bicun ta sventa c'unil muliletic tstaique. Scotol li matanaletic ti ac'bilun xa ta jtojole, ja' avu'unic o xchi'uc li anich'nabe.

Bible in Tzotzil de Chamula

⁹ Yu'un ti matanaletic ti oy sc'oplal ta xich' svocol ta chiq'uele, oy jch'ac ta xc'ot ta avu'un. Ja' avu'un scotol ti matanal sat ts'unubaletique, ti yan matanaletic ti ta xich' svocol ta scoj ti mulile, mi ja' ti colo'il ti ta xaq'uic ti israeletique. Scotol ti matanaletic taje, ja' ta xc'ot ta avu'un ec xchi'uc ti anich'nabe.

Números 18:9 Iomraidhean Croise

2 Reyes 12:17

Li Hazael, ajvalil ta Siriae, ja'o yorail bat stsac ta pleito li lum Gate, jech i'och o ta sc'ob. Ts'acal ibat noxtoc ta Jerusalén.

Nehemías 10:36

xchi'uc li sba jnich'nabtique xchi'uc li sba yol jts'unub covoltic jech chac c'u cha'al chal li mantaletique. Te chc'ot cac'betic ta sc'ob li paleetic te ch-abtejic ta ch'ulna yu'un Diose.

Ezequiel 42:13

Li vinique jech laj yalbun: “Li cuartoetic le' ta jot ta nortee xchi'uc ta sure ja' ts'u'iltasbil cuartoetic. Yu'un li paleetic ti chtunic yu'un Muc'ul Diose ja' te tsve'ic li lequil ch'ul matanaletique, xchi'uc ja' te tstiq'uic noxtoc; ja' li matanaletic jech chac c'u cha'al trigoe, xchi'uc li matanal sventa xch'ayubil mulile, xchi'uc li matanal sventa bic'tal muliletique. Yu'un li cuartoetic le'e ja' ch'ul cuartoetic.

Ezequiel 44:29

Ja' sve'elic chc'ot li trigoetic, li ts'unub ovoliletic chich' aq'uel sventa muliletique, xchi'uc scotol li ch'ul matanal chiyac'bicun li israeletique.

Levítico 10:17

—¿C'u yu'un muc xati'ic te ta ch'ul banamil li matanal sventa xch'ayubil mulile? yu'un ja' bats'i lequil ch'ul matanal yac'ojboxuc Dios sventa chach'aybeic o smul li jchi'iltactic ta israelale, yu'un jech ch'aybil smul chc'otic ta stojol li Muc'ul Diose.

Levítico 14:13

Ts'acal ac'o smil te yo' bu chich' ono'ox milel li matanal sventa mulile xchi'uc li chic'bil matanaletique. Li milbil matanal ta sventa c'unil mulile ja' chich' li palee, xchi'uc ja' chich' noxtoc li milbil matanal ta sventa mulile yu'un ja' bats'i lequil ch'ul matanal xa c'otem.

Levítico 2:10

Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' ac'o yich'ic li Aarón xchi'uc xnich'nabtaque.

Levítico 22:11

“Me oy smozo ti manbil yu'un li palee, xu' tsti' li c'usi ts'u'iltasbil cu'une. Jech noxtoc li boch'otic te voq'uemic ta sna li palee, xu' te tsti'ic ec li sve'el palee.

Levítico 22:7

Ja' to lecuben chcom c'alal me ich'ay c'ac'ale; xu' xa tsti' li c'usi ts'u'iltasbil cu'une yu'un ja' ono'ox sve'elic.

Levítico 4:22

“C'alal me ja' la sta smul junuc li banquilaletique, me mu spas jech c'u cha'al chal li mantaletic cu'un, vu'un li Muc'ul Diosun avu'unique, oy smul ta jtojol ac'o me muc ta yutsiluc yo'nton la spas.

Levítico 4:27

“Me oy tsta smul junuc boch'o mu'yuc yabtel te ta atojolic ti mu xch'un c'usi chal ta mantaletic cu'un, vu'un li Muc'ul Diosune, ac'o me muc ta yutsiluc yo'nton la spas, oy smul o ta jtojol.

Levítico 5:1

“Me oy boch'o ch-ic'at ta testigoal ta sventa ti ja' yiloj, o ja' sna' lec li c'usi c'otem ta pasele me mu sc'an xale, oy smul chc'ot ec.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 6:17

Mu me sta'ajesic xchi'uc svolesubil xch'ut. Yu'un ja' cac'ojbeic o ti c'u yepal chcom ta chiq'uele. Ja' ts'u'iltasbil matanal, jech chac c'u cha'al li matanal sventa mulil xchi'uc sventa c'unil mulile.

Levítico 6:19

Li Muc'ul Diose la sc'opan yan velta li Moisese, jech laj yalbe:

Levítico 6:30

Pero li matanal chich' aq'uel ta sventa mulil ti chich' ich'bel ochel xch'ich'al ta ch'ulna pasbil ta nucul sventa xch'ayubil mulile, mu xu' chich' ti'el. Ac'o yich' chiq'uel scotol.

Levítico 7:1

“Li milbil matanal sventa bu chajelovic ta jtojole ja' bats'i lequil ch'ul matanal. Ja' yu'un li' oy li chanubtasel ta sventa c'usi tsc'an chapasique:

Levítico 7:6

Scotol li paleetique xu' tsti'ic. Te ac'o sti'ic yo' bu ts'u'iltasbil cu'un li banamile yu'un ja' bats'i lequil ch'ul matanal.

Levítico 7:7

“Li matanal sventa bu chajelovic ta jtojole ja' co'ol xchi'uc li matanal ta sventa mulile. Ja' yu'un jun no'ox mantal ta sventa xchibal: li matanale ja' yu'un chc'ot o li pale ti laj yac' ta ch'ayel mulile.

Números 18:10

Scotol li viniquetique xu' ta sve'ic. Pero te me xave'ic ta ch'ulna, yu'un ja' ch'ul matanal cu'un.

Deuteronomio 18:1

“Li pale levietique, ja' li smomnich'nabtac Leví ta vo'onee, mu'yuc c'usi chich'ic, mu'yuc c'usi xu' chu'uninic jech chac c'u cha'al li yantic xchi'iltaquic ta israelale. Ja' no'ox xu' te tsve'ic li milbil matanal chac'beic Muc'ul Diose xchi'uc li c'usi ja' sc'oplal chich'ique.