Números 18:7 - Bible in Tzotzil de Chenalhó with Deuterocanon

⁷ Pero ja' no'ox vo'oxuc achi'uc anich'nab oy ta aventaic li abtel sventa paleal te ta scajleb jmotone xchi'uc li c'usitic tsc'an pasel te ta spat li veloe. Li abtel le'e, ja' no'ox vo'oxuc oy ta aventaic spasel, yu'un vo'oxuc t'ujbiloxuc cu'un sventa cha'ochic ta paleal. Me oy boch'o ch-abtej ta paleal ta yo'nton no'ox stuque, ac'o yich' milel”, x'utat yu'un Muc'ul Dios li Aarone.

Bible in Tzotzil de Chamula

⁷ Ja'uc ti c'usi sc'an pasel ta stojol ti altare, xchi'uc ti c'usi sc'an ta spat ti bu lich'il ti muc' ta poc' ta sventa ti paleale, ja' me avabtelic ta xapasic xchi'uc ti anich'nabe. Taje, ja' avabtelic ta sbainel. Yu'un c'ot ta nopel cu'un ti ta xa'abtejic ta paleale. Mi oy buch'u ta x'abtej ta paleal s'elan ti c'alal ma'uc yabtele, chapal sc'oplal ta xich' milel.”

Números 18:7 Iomraidhean Croise

Salmos 115:10

Smomnich'nabtac Aarón, ja' pato avo'ntonic yu'un li Muc'ul Diose; ja' xu' yu'un chascoltaoxuc, chaxchabioxuc.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Éxodo 29:9

Chucanbo lec li xchuquilal sc'u'ic jech chac c'u cha'al chapasbe li Aarone, xchi'uc meltsanbo lec li xpix sjolique. Jech yich'oj yabtel chcomic o avu'un. Jech mantal chcom ti ja' yabtelic oe.

Ezequiel 44:15

Yan li leví paleetic smomnich'nab Sadoc ti la xch'unic li mantaletic sventa ch'ulna cu'un c'alal la svoc' sbaic batel ta jtojol li israeletique, le'e xu' chnopajic ta jtojol sventa chtunic cu'un, xchi'uc xu' chaq'uic jmotonin li xepuetic xchi'uc li ch'ich'e. Vu'un chcal jtuc, vu'un li Muc'ul Diosune.

Ezequiel 44:16

Xu' ch-ochic ta ch'ulna cu'un; xu' chnopajic batel ta scajleb jmoton sventa chtunic cu'un; xu' tsventainic li abtele.

Ezequiel 44:8

Yu'un muc xapasic li c'usitic tsc'an pasel ta sventa li c'usitic ts'u'iltasbil cu'une. Ja' laj avac'beic sventainic li yanlum cristianoetique’, uto.

Levítico 16:2

Jech i'albat: “Albo abanquil Aarón ti mu me c'usiuc no'ox ora ch-och ta yut ch'ulna pasbil ta nucul te ta xcha'c'olal ta spat yo' bu joc'ol li poc' te ta yeloval smac caxae yu'un jech mu xcham. Yu'un li vu'une te chtal cac' jba ta ilel ta jun toc ta sba smac li caxae.

Levítico 7:35

Ja' jech spuculal laj yich'ic li Aarón xchi'uc xnich'nab c'alal chchic'beic li smoton Diose. Ja' te ora lic yu'uninic o li Aarón xchi'uc smomnich'nabtac ti c'usi ora voc'bil icomic o ta sventa paleale.

Números 1:51

C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 18:20

Li Muc'ul Diose jech laj yalbe noxtoc li Aarone: “Li vo'ote mu'yuc chavich' avosil jech chac c'u cha'al chich'ic li achi'iltac ta israelale. Mu'yuc c'usi oy avu'un. Vu'un avosilun chic'ot. Vu'un avu'unun chic'ot te ta stojol li achi'iltac ta israelale.

Números 18:3

Ja' no'ox xu' chascoltaoxuc ta abtel, xchi'uc ja' no'ox xu' tspasic li abtel te ta ch'ulna pasbil ta nucule. Pero mu xu' chnopajic batel te yo' bu oy li c'usitic te chtune, xchi'uc ta scajleb li jmotone. Me jech tspasique, ta me xchamic. Jech ta xachamic ec li vo'oxuque.

Números 3:10

Xchi'uc ja' me xavac'be o comel ta sventa Aarón xchi'uc smomnich'nab li abtel sventa paleale. Me oy boch'o chlic scuy sba ta paleal ti c'alal mu ja'uque, ac'o yich' milel”, x'utat yu'un Muc'ul Dios li Moisese.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

San Mateo 10:8

Coltaic jchameletic. Cha'cuxesic animaetic. Coltaic boch'o yich'ojic c'a'el chamel. Loq'uesic pucujetic ta yo'nton cristianoetic. Amotonic laj cac'boxuc, jech ta matanal me xacoltavanic ec.

San Juan 3:27

Itac'ov li Juane: —Mu xu' chich' yabtel jun cristiano me muc ac'biluc yu'un li boch'o oy ta toyole.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Deuteronomio 18:2

Li stuquique mu'yuc chich' yosilic jech chac c'u cha'al li yantique. Li c'usi yu'unic chc'ote ja' li Muc'ul Diose jech chac c'u cha'al yaloj ono'oxe.

Hebreos 5:4

Mu'yuc boch'o ta stic' sba stuc ta lequil abtel jech chac le'e. Persa ic'bil yu'un Dios li boch'o i'oche jech chac c'u cha'al li Aarone.

Josué 18:7

Li levietique mu'yuc chich' voc'bel yosilic jech chac c'u cha'al li vo'oxuque. Li c'usi ja' yu'unique ja' li paleal ta stojol Diose. Li jchop liquemic ta Gad, ta Rubén, xchi'uc li o'lol jchop liquemic ta Manasese te xa staoj comel yosilic le' ta jot uc'um Jordán ta sloq'ueb c'ac'ale. Ja' ti i'ac'batic ono'ox comel yu'un Moisese, ja' li yajtunel Muc'ul Diose”, xut.

1 Pedro 5:2

Chabiic me li xchijtac Dios ti ac'bil aventainique. Mu me ta sujeluc xapasic; yutsiluc me avo'nton xapasic jech chac c'u cha'al tsc'an li Diose. Mu me ja'uc ta scoj ti xpich'et avo'ntonic yu'un taq'uine. Scotoluc avo'nton xapasic li avabtelique.

1 Pedro 5:3

Mu me xacuy abaic ta jpasmantal ta stojol li boch'otic aventainojique. Ja' tsc'an vo'oxuc chavaq'uic ta ilel c'usi lec ta pasel ta stojolic.

1 Samuel 2:28

Vu'un la jt'uj loq'uel ta stojol li jaychop achi'iltac ta israelale, yu'un la jtic' ta paleal, yu'un ja' chchic'bicun jmoton te ta scajleb, xchi'uc chchiq'uic pom, xchi'uc tslapic tal ta jtojol li mocan c'u'ile. Xchi'uc ja' laj cac'beic ta sc'ob amoltotac li jmoton chaq'uic achi'iltaquic ta israelale.