Números 18:5 - Bible in Tzotzil de Chenalhó with Deuterocanon

⁵ Vo'oxuc no'ox oy ta aventaic spasel li abtel ta ch'ulna xchi'uc ta scajleb jmotone. Jech mu xi'ilin yan velta ta stojol li achi'iltaquic ta israelale.

Bible in Tzotzil de Chamula

⁵ Yu'un vo'oxuc abainojic ta spasel ti abtel ti c'usi sc'an pasel ta ch'ul cuartoe xchi'uc ti ta altare. Ti mi jech taj une, mu xa soc jol xchi'uc ti israeletic yan veltae.

Números 18:5 Iomraidhean Croise

1 Crónicas 23:24

Scotol ti li' tsacajtic icom sbiique ja' yalab xnich'nab li Levie. Ja' banquilaletic ta jujuchop sbiic ti xlic ta jtob (20) jabil sjabilalique. Ja' la sventainic o spasel li abtel te ta ch'ulnae.

1 Crónicas 23:32

Ja' oy ta yac'olic o xchabiel li ch'ulna pasbil ta nucule xchi'uc ti c'u smuc'ul smacoj li ch'ulnae. Ja' ventainbilic yu'un li xnich'nab Aarón ti jun sts'unubal xchi'uquique.

1 Crónicas 24:5

Lic spasic canal tajimol, yu'un jech chilic ti c'u x'elan ch-abtejic ta jujuvoq'ue. Li smomnich'nab Eleazar xchi'uc Itamare oy ono'ox yabtelic te ta ch'ulna; te ono'ox chtunic ta stojol li Diose.

1 Crónicas 9:19

Li Salum xnich'on Coré ja' li xnich'on Ebiasaf xnich'on yan Coree xchi'uc li yan coreetic ti jun smoltot xchi'uquique ja' yabtelic o chchabiic li sti' yochebal ch'ulna, jech chac c'u cha'al smoltotic ta vo'one ti ja' yabtelic o xchabiel li ti'ch'ulna pasbil ta nucul yu'un Muc'ul Diose.

1 Crónicas 9:23

Scotolic c'alal ta xnich'nabic la sjelilan sbaic ta xchabiel li sti' yochebal ch'ulna yu'un Muc'ul Diose.

1 Crónicas 9:33

Jech noxtoc oy jq'uejimoletic; ja' banquilaletic yu'un li levietique. Te nacalic ta cuartoetic yu'un ch'ulna. Mu'yuc sventainojic yantic abtel, yu'un ta c'ac'al ta ac'ubal mu xocobic o ta spasel li yabtelique.

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Jeremías 23:15

Ja' yu'un, vu'un li Muc'ul Diosun, ti ta jpas ta mantal scotol te ta vinajele, jech chcal ta sventa li j'alc'opetique: Ta xcac'be slo'ic ch'ail vomol, xchi'uc ta xcac'be yuch'ic vo' oy svenenoal, yu'un ja' ta sventa j'alc'opetic ta Jerusalén ipuc batel c'usitic chopol ta scotol li yosilalique”, xi li Muc'ul Diose.

Ezequiel 44:15

Yan li leví paleetic smomnich'nab Sadoc ti la xch'unic li mantaletic sventa ch'ulna cu'un c'alal la svoc' sbaic batel ta jtojol li israeletique, le'e xu' chnopajic ta jtojol sventa chtunic cu'un, xchi'uc xu' chaq'uic jmotonin li xepuetic xchi'uc li ch'ich'e. Vu'un chcal jtuc, vu'un li Muc'ul Diosune.

Ezequiel 44:16

Xu' ch-ochic ta ch'ulna cu'un; xu' chnopajic batel ta scajleb jmoton sventa chtunic cu'un; xu' tsventainic li abtele.

Levítico 10:6

Li Moisese jech laj yalbe li Aarón xchi'uc xnich'nabe, ja' li Eleazar xchi'uc Itamare: —Mu me jeche'uc spispun li ajolique, xchi'uc mu me xali' ac'u'ic ta scoj me'nal, yu'un jech mu xachamic, xchi'uc jech mu x'ilin Muc'ul Dios ta stojol li jchi'iltactic ta israelale. Scotol li cuts' calaltic ti jun jts'unubal jchi'uctique ja' ac'o yat yo'ntonic ta sventa ti persa chtal yac' jtoj jmultic li Muc'ul Diose.

Levítico 24:3

Ja' oy ta sventa chchapan li Aarone yu'un jech te ac'o tsanaluc o scotol c'ac'al ta jtojol te ta ch'ulna pasbil ta nucul ta sc'al li velo ta sts'el xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Zacarías 10:3

Ja' yu'un jech chal li Muc'ul Diose: “Tsanem sc'ac'al co'nton ta stojol li jchabichijetique; ta xcac'be stoj smulic li j'uts'intavanejetique”, xi. Li Muc'ul Diose ta xchabi li xchijtaque, ja' li smomnich'nab Judae; ja' jech ta xc'ot yu'un jech chac c'u cha'al tsatsal ca' sventa pasc'op.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 16:46

Li Moisese jech laj yalbe li Aarone: —Bat ich'o tal li xchic'ubil pom avu'une. Ac'bo yac'alil, ja' xavac' li ac'al te ta scajleb smoton Diose, xchi'uc pom. Batan ta ora yo' bu oyic li jchi'iltactique; bat c'anbo Muc'ul Dios ti ac'o xch'aybe ta yo'nton li smulique. Yu'un li Muc'ul Diose bats'i tsots ilinem ta stojolic, xchi'uc liquem xa ta stojolic li tsatsal chamel ti chmilvane —xi.

Números 18:4

Xu' chaxchi'inicot ta spasel li abtel te ta ch'ulna pasbil ta nucule, xchi'uc li c'usitic yan ti ja' oy ta sventaic spasele. Pero li boch'o ma'uc smomnich'nab Levie, mu me xnopajic batel ta atojolic me junuc.

Números 4:18

“Li jchop sbiic liquemic ta Coate, mu me xavaq'uic ch'ayuc sts'unubalic te ta stojol li levietique.

Números 8:19

Li levietique ja' la jt'uj loq'uel ta stojol scotol li achi'iltac ta israelale. Laj yich'ic aq'uel ta stojol li Aarón xchi'uc xnich'nabe, yu'un jech ja' xq'uexol achi'iltac ta israelal chc'otic, yu'un ja' te chtunic o ta ch'ulna pasbil ta nucul. Xchi'uc jech xu' chch'aybat smulic ta stojol Dios li achi'iltac ta israelale jech mu persauc ja' chnopajic batel ta ch'ulna stuquic, yu'un jech mu'yuc c'usi chc'ot ta pasel ta stojolic”, xi li Muc'ul Diose.

Números 8:2

“Jech xavalbe li Aarone: C'alal chatsan li candiletique, te xavac'be batel xojobal ta stuq'uil yo' bu oy li candeleroe”, uto.

1 Timoteo 1:18

Timoteo, vo'ot ti xco'laj xchi'uc jnich'onote, ja' jech li bijubtasel chacac'bote. Ja' co'ol jech chac c'u cha'al i'ac'bat sna'ic yu'un Dios ti laj yalic ta aventae, jech ac'o me persa scontrainel li c'usi chopole.

1 Timoteo 3:15

yu'un naca me lijalij to, yu'un jech chana' c'u x'elan ac'o spasic ta stojol Dios li jch'unolajeletique, ja' li steclumal cuxul Diose, yu'un ja' yoyal; ja' snacleb c'otem li c'usi melele.

1 Timoteo 5:21

Ta xcalbot mantal ta stojol Dios, xchi'uc ta stojol Cajvaltic Jesucristo, xchi'uc ta stojol li yaj'almantaltac st'ujoje. Ja' me jech xapas batel jech chac c'u cha'al laj calbot li'i. Co'ol me xapas; mu me t'ujbiluc no'ox boch'o jech xapasbe.

1 Timoteo 6:20

Timoteo, chabio me li c'usitic la'ac'bat aventaine. Mu me xatuc'ulan li lo'iletic sventa no'ox banamil ti mu'yuc stue, xchi'uc c'u x'elan tstsaquilanvanic ta c'op li boch'otic lec sna' scuyoj sbaique.