Números 18:3 - Bible in Tzotzil de Chenalhó with Deuterocanon

³ Ja' no'ox xu' chascoltaoxuc ta abtel, xchi'uc ja' no'ox xu' tspasic li abtel te ta ch'ulna pasbil ta nucule. Pero mu xu' chnopajic batel te yo' bu oy li c'usitic te chtune, xchi'uc ta scajleb li jmotone. Me jech tspasique, ta me xchamic. Jech ta xachamic ec li vo'oxuque.

Bible in Tzotzil de Chamula

³ Yu'un ti stuquique ta xc'otic ta avajtuneltac, ti ta xtunic ta Axibalnae. Ja' no'ox un, mu me xnopajic ech'el ta sts'el ti c'usitic oy ta Axibalnae, ti ta stojol ti altare. Yu'un mi mu jechuque, xu' ta xchamic xchi'uc ta xachamic ec.

Números 18:3 Iomraidhean Croise

Ezequiel 44:13

Jech mu xa xu' ch-abtejic o ta paleal cu'un; mu xu' chnopajic batel ta sts'el li c'usitic voc'bilic ta jtojole xchi'uc li c'usitic bats'i tsots sc'oplal ti ts'u'iltasbilic oe. Yu'un te chcom o ta stojolic li q'uexlale xchi'uc li c'usitic chopol spasojique.

Números 1:51

C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 18:4

Xu' chaxchi'inicot ta spasel li abtel te ta ch'ulna pasbil ta nucule, xchi'uc li c'usitic yan ti ja' oy ta sventaic spasele. Pero li boch'o ma'uc smomnich'nab Levie, mu me xnopajic batel ta atojolic me junuc.

Números 18:7

Pero ja' no'ox vo'oxuc achi'uc anich'nab oy ta aventaic li abtel sventa paleal te ta scajleb jmotone xchi'uc li c'usitic tsc'an pasel te ta spat li veloe. Li abtel le'e, ja' no'ox vo'oxuc oy ta aventaic spasel, yu'un vo'oxuc t'ujbiloxuc cu'un sventa cha'ochic ta paleal. Me oy boch'o ch-abtej ta paleal ta yo'nton no'ox stuque, ac'o yich' milel”, x'utat yu'un Muc'ul Dios li Aarone.

Números 3:25

Ja' ic'ot ta sventaic xchabiel li ch'ulna pasbil ta nucule. Ja' yabtel tsq'uelic lec li nuculetic sventa smac sjole, xchi'uc li poq'uetic sventa smac sti'e,

Números 3:31

Ja' chchabiic li xcaxail smantal Diose xchi'uc li mexae, li candeleroe, li scajleb smoton Diose, xchi'uc li c'usitic voc'bil yu'un Dios ti ja' no'ox chtun sventa c'alal tstsob sbaic chich'ic ta muc' li Diose, xchi'uc li veloe, xchi'uc scotol li c'usitic yantic te chtune.

Números 3:36

Li smomnich'nabtac Merarie ja' oy ta sventaic xchabiel li tenalte'etic sventa ch'ulna pasbil ta nucule, xchi'uc xq'uechubiltac li tenalte'etique, xchi'uc li yoyaltaque, xchi'uc li snacleb yoyaltaque, xchi'uc scotol li c'usitic yantic ti ja' sventa ch'ulnae.

Números 31:30

Li yan jvoc' ti ja' xa ta sventaic li achi'iltac ta israelale, ja' li tsebetique, li vacaxetique, li buroetique, xchi'uc li chijetique, loq'ueso jujun ta lajuneb yoxvinic (50). Ja' xavac'be li levietique yu'un ja' sventainojic li cabtel te ta ch'ulna pasbil ta nucule”, xut.

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.