Números 18:23 - Bible in Tzotzil de Chenalhó with Deuterocanon

²³ Ja' no'ox levietic xu' tsventainic spasel li abtel te ta ch'ulna pasbil ta nucule, xchi'uc ja' chcom ta sventaic noxtoc me oy c'usi chopol chc'ot ta pasel yu'unic tee. Li c'usi chacalboxuc li'i, ja' jun mantal ta xcom o ta atojolic c'alal ta avalab anich'nabic. Li levietique mu'yuc chich' yosilic te ta stojol li achi'iltaquic ta israelale.

Bible in Tzotzil de Chamula

²³ Yu'un c'ajomal no'ox xu' ta xtunic ti levitaetic ta abtel ta Axibalnae. Jech xtoc cajal ta xc'ot ta sbaic ti bu mu lecuc ta xbat yu'unique. Taje, ta xc'ot yu'unic ta jbel c'usi tsots albil ti bejel ta xcom o ta stojol ti totil me'ile, xchi'uc ti alab nich'nabe. Ti levitaetic une mu'yuc yosil sbanomilic ta stojol ti israeletique.

Números 18:23 Iomraidhean Croise

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Ezequiel 44:10

Li levietic ti la svoc' sbaic loq'uel ta jtojol c'alal la scomtsanicun li israeletique, ti ja' ibat yich'ic ta muc' li c'usitic cuybil ta diosetique; le'e oy ono'ox stojol li smulique.

Números 18:1

Li Muc'ul Diose jech laj yalbe li Aarone: “Li vo'ot xchi'uc anich'nabtaque, xchi'uc li yantic achi'iltac ti co'ol smomnich'naboxuc Levie, vo'oxuc chcom ta aventaic me oy c'usi mu lecuc chc'ot ta pasel avu'unic te ta ch'ulna pasbil ta nucule. Me oy chopol chc'ot ta pasel avu'unic li avabtelic ta paleal xchi'uc anich'nabtaque, vo'oxuc no'ox chcom ta aventaic achi'uc anich'nab.

Números 18:20

Li Muc'ul Diose jech laj yalbe noxtoc li Aarone: “Li vo'ote mu'yuc chavich' avosil jech chac c'u cha'al chich'ic li achi'iltac ta israelale. Mu'yuc c'usi oy avu'un. Vu'un avosilun chic'ot. Vu'un avu'unun chic'ot te ta stojol li achi'iltac ta israelale.

Números 19:21

Li'i ja' jun mantal chcom o ta atojolic; mu xlaj sc'oplal o. Li boch'o ta svij ta ts'u'iltasbil vo' jun xchi'ile, tsc'an ac'o xchuc' lec sc'u' stuc ec. Li boch'o tspic li vo' sventa lecubtasele, soquem chcom o c'alal to ta mal c'ac'al.

Números 26:62

Ti c'u yepal ta scotol smomnich'nab Leví ti xlic ta jun u svoq'uel c'alal ta moletique ja' oxib xcha'vinic (23,000) ta mil ta scotol li viniquetique. Le'e mu'yuc te capal i'ochic ta vun xchi'uc scotol li yantic israeletique, yu'un mu'yuc xich'ic yosilic li stuquique.

Números 3:7

Ja' te ac'o tunicuc ta stojol li Aarone xchi'uc ta stojol scotol li achi'iltaque. Ac'o yac' sbaic o ta avajtunelic te ta ch'ulna pasbil ta nucul. Ja' tsventainic o li abtel te ta ch'ulnae.

Números 35:29

“Li mantaletic li'i te chcom o ta atojolic, vo'oxuc li totiloxuque, xchi'uc c'alal ta avalab anich'nabic ti buyuc no'ox chanaquiic batele.

Deuteronomio 10:9

Yu'un li levietique mu'yuc chich' yosilic jech chac c'u cha'al chich'ic li yantique. Yu'un ja' yosilic c'otem ti chtunic yu'un Muc'ul Dios jech chac c'u cha'al yaloj ono'oxe.)

Josué 13:14

Li jchop liquemic ta Levie mu'yuc i'ac'bat yosilic yu'un li Moisese, yu'un li stuquique ja' yu'unic c'otem li smoton Muc'ul Dios chaq'uic israeletic jech chac c'u cha'al yaloj stuc li Muc'ul Diose.