Números 18:22 - Bible in Tzotzil de Chenalhó with Deuterocanon

²² Yu'un li yantic achi'iltac ta israelale, mu xu' chnopajic tal ta ch'ulna pasbil ta nucul. Me jech tspasique, ja' jun mulil tstaic ti persa chchamic oe.

Bible in Tzotzil de Chamula

²² Ja'uc ti yan israeletique mu stac' xnopajic ech'el ti ta Axibalnae. Yu'un xu' sta smulic ti ta xchamic o xchi'uquique.

Números 18:22 Iomraidhean Croise

Éxodo 28:43

Jech te slapojic o c'alal ch-ochic ta ch'ulna ti pasbil ta nucule xchi'uc ti c'alal chnopajic ta sts'el scajleb jmoton ta spasel yabtelique. Yu'un jech mu sta smulic ta jtojol, jech mu xchamic. Ja' jech jmantal chcom o ta stojolic c'alal ta smomnich'nabic.

Levítico 20:20

“Me oy boch'o ta sc'opanbe yajnil sjuntote, ta xuts'inta li sjuntote. Li boch'o jech tspase, te xcuchoj smul chcom xchibalic: mu'yuc yol xnich'onic o c'alal chchamic.

Levítico 22:9

“Albo ya'yic ti ac'o me xch'unic li jmantaltaque yu'un jech mu sta smulic ta jtojol, jech mu xchamic yu'un voc'bilic cu'un; vu'un li Muc'ul Diosune.

Números 18:7

Pero ja' no'ox vo'oxuc achi'uc anich'nab oy ta aventaic li abtel sventa paleal te ta scajleb jmotone xchi'uc li c'usitic tsc'an pasel te ta spat li veloe. Li abtel le'e, ja' no'ox vo'oxuc oy ta aventaic spasel, yu'un vo'oxuc t'ujbiloxuc cu'un sventa cha'ochic ta paleal. Me oy boch'o ch-abtej ta paleal ta yo'nton no'ox stuque, ac'o yich' milel”, x'utat yu'un Muc'ul Dios li Aarone.

Números 3:10

Xchi'uc ja' me xavac'be o comel ta sventa Aarón xchi'uc smomnich'nab li abtel sventa paleale. Me oy boch'o chlic scuy sba ta paleal ti c'alal mu ja'uque, ac'o yich' milel”, x'utat yu'un Muc'ul Dios li Moisese.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.