Números 18:21 - Bible in Tzotzil de Chenalhó with Deuterocanon

²¹ Li levietique ja' chcac'be yu'uninic li jujun ta lajlajuneb ti chaq'uic li achi'iltaque. Ja' stojolic chc'ot yu'un te chtunic cu'un ta ch'ulna pasbil ta nucul.

Bible in Tzotzil de Chamula

²¹ Ti jvoc' levitaetique, ja' xc'ot ta xrextoic cu'un ti c'usitic xloc' x'ayan yu'unic ti israeletic ti tsots sc'oplal ta xaq'uic ti jun ta jujun lajunebe, ti ja' xc'ot ta stojolic ti buch'utic ta xac' sbaic ta tunel ta Axibalna ti bu nupel ta bee.

Números 18:21 Iomraidhean Croise

Génesis 14:20

Ac'o ich'atuc ta muc' li Dios te oy ta vinajele; ja' ti laj yac'bot atsal li avajcontrae”, xut. Ja' yu'un li Abrame te laj yac'be Melquisedec jujun ta lajlajuneb li c'usitic la spoj sutel tale.

Génesis 47:24

Ti c'u yepal chloc' avu'unique, jun me ta vo'vo' chavac'beic li faraone. Li chanchan chcom avu'unique, ja' xa avu'unic sventa te chaloq'ues ats'unubic ti c'alal cha'abtejic yan veltae, xchi'uc ja' sventa te chave'ic o achi'uc avajnil anich'nabic —xut.

Génesis 47:26

Li Josee jech mantal icom o yu'un ta scotol yosilal Egipto ti persa chac'beic faraón li jun ta vo'vo' scotol c'usitic chloc' yu'unique. Li mantal le'e, jech to tspasic o c'alal to tana. Yan li paleetique mu'yuc c'usi chaq'uic li stuquique yu'un li yosilique muc xcom ta sventa li faraone.

2 Crónicas 31:12

ja' te la stiq'uic ochel ta scotol yo'ntonic li sba c'usitic laj yaq'uique, xchi'uc li jun ta lajlajunebe, xchi'uc li c'usi svoc'ojic o ta stojol Muc'ul Diose. Ja' laj yac'beic sventain Conanías leví vinic; ja' banquilal ic'ot. Li xchibale ja' yits'in no'ox, Simei sbi.

Nehemías 10:29

jmoj la xchapanic xchi'uc yuts' yalalic, xchi'uc banquilaletic yu'unic ti ja' no'ox tspasic c'usi chal li mantaletic laj yal Dios ta sventa yajtunele, ja' li Moisese. Laj yalic ta jamal ta stojol Dios ti ja' no'ox chch'unic o li mantaletic, li chanubtaseletic xchi'uc li c'usitic yan yaloj Muc'ul Dios cu'untique.

Nehemías 10:37

Xchi'uc tsc'an chquich'tic batel ta snail te ta ch'ulna li sba arina ta jvots'tique, xchi'uc li sba sat te'etic cu'untique, xchi'uc li ya'lel ts'usub, xchi'uc aceitee. Xchi'uc chquich'tic batel sventa levietic noxtoc li jun ta lajlajuneb c'usitic chloc' cu'uncutique. Yu'un ja' sc'oplal chich'ic li jun ta lajlajuneb scotol c'usitic chloc' ta cosiltique.

Nehemías 10:38

“Jech noxtoc tsc'an te oy junuc pale, smomnich'on Aarón c'alal ch-och ta sc'ob levietic li jun ta lajlajuneb chcac'tique, xchi'uc ac'o bat yaq'uic ta yavil te ta ch'ulna yu'un Dios ec li jun ta lajlajuneb tsloq'uesic levietique.

Nehemías 12:44

C'alal jech ic'ot ta pasele, ja'o yorail la jt'ujcutic boch'o tsventainic li yavil taq'uinetique, li yavil matanaletique, li yavil sba sat c'usitic chloc' cu'uncutique, xchi'uc li jujun ta lajlajunebe. Yu'un ja' te chich' tsobel li c'usitic chaq'uic ta smoton Dios ta jujun slumalic jech chac c'u cha'al chal li mantaletique, ti ja' sventa chich' li paleetic xchi'uc levietique. Yu'un li judaetique toj xcuxet no'ox yo'ntonic ta sventa li paleetic li levietic te ch-abtejique,

Nehemías 12:47

Ja' yu'un c'alal yorail cuxul li Zorobabel xchi'uc vu'un li Nehemiasune, scotol li jchi'iltactic ta israelale laj yac'beic c'usitic chtun yu'unic jujun c'ac'al li jq'uejimoletique xchi'uc li jchabi ti'naetique. Ja' xa laj yac'beic ec li levietique; jech ec li levietique ja' xa laj yac'beic ec li smomnich'nabtac Aarone.

Nehemías 13:12

Jech scotol li judaetique tal yaq'uic ta yavil li jujun ta lajlajuneb sventa strigoic, ya'lel sts'usubic, xchi'uc yaceiteique.

Nehemías 13:5

Ja' yu'un li Eliasibe yac'ojbe sventain Tobías li jun muc'ta cuarto yo' bu snac'ubil to'ox li matanaletique, li pome, li c'usitic chtun ta ch'ulnae, li jujun ta lajlajuneb sventa trigo, ya'lel ts'usub, xchi'uc aceite ti sc'oplal ja' chich'ic li levietique, li jq'uejimoletique, xchi'uc li jchabi ti'naetique, xchi'uc li yantic matanaletic ti sc'oplal ja' chich'ic li paleetique.

Malaquías 2:4

Jech chana'ic o ti vu'un laj cac' li mantal li'i, jech mu soc li c'usi la jchapan jchi'uc li Leví ta vo'onee”, xi li Muc'ul Dios ti tspas ta mantal scotol te ta vinajele.

Malaquías 3:10

Ich'ic tal scotol li jujun ta lajlajunebe; la' aq'uic ta yavil cu'un, yu'un jech oy ve'lil ta jna. Pasic preva avilic; te chavilic me muc ta jamboxuc li sventanail vinajele, me muc ta jmalboxuc yalel tal li bendición sventa ch-epaj c'usitic oy avu'unique.

Números 18:6

Vu'un la jvoc' loq'uel ta stojol achi'iltac ta israelal li levietique yu'un ja' avajcoltaubbailic cu'un, yu'un ac'o scoltaoxuc ta abtel te ta ch'ulna pasbil ta nucul.

Números 3:6

“Ic'o tal scotol li jchop achi'iltac liquemic ta Levie. Ac'o talicuc ta stojol li Aarone. Ac'o tunicuc yu'un; ac'o spasic li c'usi ch-albatique.

Números 31:28

Loq'uesbun comel sventa cu'un ec. Li c'usitic chich'ic li soldadoetique, ja' li tsebetique, li vacaxetique, li buroetique, li chijetique, jujun xaloq'ues ta vo'vo' ciento (500).

Gálatas 6:6

Li boch'o ta xchanubtasat ta sc'op Diose, ac'o me yac'be scotol c'usitic chtun yu'un li jchanubtasvanej yu'une.

Deuteronomio 18:8

Xchi'uc ja' jech yepal ac'o yich' sve'el ec jech chac c'u cha'al chich'ic li yantique, ac'o me oy c'usi ch-ac'bat yu'un stot.

Hebreos 7:5

Ta melel c'alal ja' xa'ox ch-ochilanic ta paleal li smomnich'nab Levie, chal ta smantal Dios ti ja' ac'o yich'ic li jujun ta lajlajuneb chaq'uic xchi'iltaquique, yu'un co'ol smomnich'nab Abraham xchi'uquic.