Números 18:2 - Bible in Tzotzil de Chenalhó with Deuterocanon

² Li achi'iltac ti co'ol smomnich'naboxuc Levie, vo'ot avabtel chavac'be yabtelic yu'un ac'o scoltaicot ta spasel li abtel te ta ch'ulna pasbil ta nucule.

Bible in Tzotzil de Chamula

² Yu'un c'otuc ta pasel avu'un ti ac'o xa scoltaot ta abtel xchi'uc anich'nabe ti jvoc' snitilul ti Levi ti ja' ats'unubaltac ti c'usi sc'an pasel ta stojol ti Axibalna yu'un ti tratee.

Números 18:2 Iomraidhean Croise

Génesis 29:34

Ivoc' yan yol noxtoc li Leae, Leví laj yac'beic sbi. Jech laj yal: “Li' ta orae xu' ech'em to tsc'an chixchi'inun li jmalale yu'un oy xa oxib col”, xi.

2 Crónicas 30:16

Jech lic sventainic lec li yabtelic jech chac c'u cha'al xchapanoj ono'ox comel li Moisés yajtunel Diose. Li paleetique ja' la svijic li ch'ich' ti i'ac'batic yu'un levietique.

Ezequiel 44:11

Xu' to chlic tunicuc ta ch'ulna cu'un, xu' chchabiic ti'na, xu' tspasic c'usitic yan abtel te ta ch'ulna cu'un. Xu' tsmilic li matanal sventa chich' chiq'uele xchi'uc li jmoton chaq'uic achi'iltaquique; xu' te chtunic o ta stojol li jteclume.

Ezequiel 44:15

Yan li leví paleetic smomnich'nab Sadoc ti la xch'unic li mantaletic sventa ch'ulna cu'un c'alal la svoc' sbaic batel ta jtojol li israeletique, le'e xu' chnopajic ta jtojol sventa chtunic cu'un, xchi'uc xu' chaq'uic jmotonin li xepuetic xchi'uc li ch'ich'e. Vu'un chcal jtuc, vu'un li Muc'ul Diosune.

Malaquías 2:4

Jech chana'ic o ti vu'un laj cac' li mantal li'i, jech mu soc li c'usi la jchapan jchi'uc li Leví ta vo'onee”, xi li Muc'ul Dios ti tspas ta mantal scotol te ta vinajele.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 17:7

Li Moisese te bat yac' ta stojol Muc'ul Dios ta yut ch'ulna pasbil ta nucul li namte'aletique.

Números 18:4

Xu' chaxchi'inicot ta spasel li abtel te ta ch'ulna pasbil ta nucule, xchi'uc li c'usitic yan ti ja' oy ta sventaic spasele. Pero li boch'o ma'uc smomnich'nab Levie, mu me xnopajic batel ta atojolic me junuc.

Números 3:5

Li Muc'ul Diose bat sc'opan li Moisese. Jech laj yalbe:

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 8:19

Li levietique ja' la jt'uj loq'uel ta stojol scotol li achi'iltac ta israelale. Laj yich'ic aq'uel ta stojol li Aarón xchi'uc xnich'nabe, yu'un jech ja' xq'uexol achi'iltac ta israelal chc'otic, yu'un ja' te chtunic o ta ch'ulna pasbil ta nucul. Xchi'uc jech xu' chch'aybat smulic ta stojol Dios li achi'iltac ta israelale jech mu persauc ja' chnopajic batel ta ch'ulna stuquic, yu'un jech mu'yuc c'usi chc'ot ta pasel ta stojolic”, xi li Muc'ul Diose.

Números 8:22

C'alal ilaj yo'ntonic ta spasel scotole, li levietique bat spasic scotol te ta ch'ulna pasbil ta nucul li yabtelic ti sc'oplal tspasique. Ja' q'uelbilic yu'un li Aarón xchi'uc xnich'nabtaque. Ti c'u x'elan i'albat yu'un Muc'ul Dios li Moisese, ja' jech laj yich'ic pasbel li levietique.

Hebreos 9:6

C'alal ichapaj yu'unic scotole, li paleetique te lic ochilanicuc scotol c'ac'al ta sba c'olal cuarto sventa tspasic li yabtelic sventa Diose.