Números 18:19 - Bible in Tzotzil de Chenalhó with Deuterocanon

¹⁹ Scotol li c'usi chiyac'bicun achi'iltac sventa tstoj o spatanique, ja' vo'ot chacac'bot achi'uc li aquerem atsebetic ti te co'ol nacalot achi'uque. Ja' jech jmantal ta xcom o. Ja' jun c'usi chapal chcom o cu'un ta atojol xchi'uc ta stojol li amomnich'nabtaque. Mu'yuc boch'o xu' ta sjel o”, x'utat yu'un Muc'ul Dios li Aarone.

Bible in Tzotzil de Chamula

¹⁹ Yu'un scotol matanaletic ti ye'bil laj yich' aq'uel ti laj st'ujbeicun ti israeletique, ta xc'ot ta avu'un ec xchi'uc ti anich'nabe, xchi'uc ti avantsiquil nich'nab ti achi'ucanoj ta nacleje. Taje, ta xc'ot ta jbel c'usi tsots albil ti bejel ta xcom ta j'ech'ele. Ja' jun trate ta xc'ot ta atojolic xchi'uc ti anitilultac ti mu stac' jelel sbatel osil ta j'ech'ele.”

Números 18:19 Iomraidhean Croise

2 Reyes 12:16

Li yantic taq'uin smoton Dios ta sventa muliletic xchi'uc ta sventa bu chjelovic ta stojol Diose, mu'yuc laj yich'ic batel ta ch'ulna, yu'un ja' yu'unic xa li paleetique.

2 Crónicas 13:5

¿Me mu xana'ic ti yaloj ono'ox Muc'ul Dios yu'un Israel ti j'ech'el ja' laj yac'be o David xchi'uc yalab xnich'nab li abtel sventa ajvalilale? Ja' jech xchapanoj Dios ti mu xu' chlaj sc'oplal oe.

2 Crónicas 31:4

Jech noxtoc laj yalbe scotol boch'otic te nacajtic ta Jerusalén ti ac'o yac'beic paleetic xchi'uc levietic li c'usi sc'oplal ja' chich'ique, yu'un jech xu' chac' sbaic o ta spasel scotol jech chac c'u cha'al chal li smantal Muc'ul Diose.

Éxodo 29:27

Slecoj xavac' li sna yo'nton xchi'uc li jec yo' chich' aq'uel ta jtojol sventa chich' yabtelic o li Aarón xchi'uc xnich'nabe.

Ezequiel 43:24

xlic avac'bun ta jtojol vu'un li Muc'ul Diosune. Li paleetique ac'o yac'beic yats'amil; ac'o xchiq'uic jmotonin vu'un li Muc'ul Diosune.

Levítico 2:13

“Scotol li c'usitic chavac'bicun jmotonine ac'beic yats'amil. Mu me xapasic jech ti mu'yuc chavac'beic yats'amil li jmoton chavaq'uique. Yu'un li ats'ame ja' senyail li c'usi chapanbil cu'un, vu'un li Diosun avu'unique. Scotol li atrigoic chavac'bicun jmotonine ac'beic yats'amil.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 7:14

Ta scotol ti c'u yepal jmotone ac'o yich' aq'uel c'uuc yepal ta jtojol. Li pale ti tsvij li ch'ich' sventa xu' chanopajic ta jtojole ja' yu'un chcom li scomelale.

Números 18:11

“Jech noxtoc li muc'tic matanal chiyac'bicun li achi'iltac ta israelale, vo'ot chacac'bot achi'uc aqueremetic atsebetic ti te nacaloxuc achi'uquique. Ja' jech jmantal ta xcom o ta atojolic. Scotol li avalab anich'nab ti lecubtasbilique xu' tsve'ic.

Números 18:8

Li Muc'ul Diose jech laj yalbe noxtoc li Aarone: “Vu'un laj cac'bot aventain li jmoton chquich' ac'bele. Scotol li c'usitic voc'bil cu'un sventa jmoton chiyac'bicun achi'iltac ta israelale, vo'ot chacac'boxuc achi'uc li anich'nabe. Ja' jech jmantal ta xcom o ta atojolic.

Números 31:29

Ja' xavac'be li pale Eleazare; ja' sventa apatanic chc'ot.

Números 31:41

Li Moisese ja' laj yac'be ta sc'ob Eleazar scotol li spatanic jech chac c'u cha'al yaloj Muc'ul Diose.

Deuteronomio 12:26

Yan li c'usi avoc'ojic xa ta sventa smoton Muc'ul Dios cu'untique, xchi'uc li c'usi avalojic xa ta jamal chavac'beique, te xbat avaq'uic ta yavil ti bu t'ujbil yu'une.

Deuteronomio 12:6

Xu' te chbat amilic, chbat achiq'uic li achijic avacaxic sventa chavich'ic ta muq'ue. Te xavich'ic batel li jujun ta lajuneb chavaq'uique, xchi'uc li c'usitic chapal avu'unic chavaq'uique. Xchi'uc te xavich'ic batel noxtoc li smoton Dios ti slequil no'ox avo'nton chavaq'uique, xchi'uc li sba yol avacaxic, sba yol achijique.