Números 18:15 - Bible in Tzotzil de Chenalhó with Deuterocanon

¹⁵ “Scotol li sba xnich'on achi'iltaque, xchi'uc li sba yol sts'unub yovolic chiyac'bicune, ja' avu'un. Yan li sba xnich'onic xchi'uc li sba yol sts'unub yovolic ti mu'yuc lequique, c'anbeic taq'uin ta xq'uexol.

Bible in Tzotzil de Chamula

¹⁵ “Scotol sba xnich'nab ti israeletique, mi ja' ti sba yoltac ti xchon sbolomic ti oy sc'oplal ta xiyac'beique, ta xc'ot ta aventa. Ja' no'ox un, ti sba xnich'nab ti viniquetique, yan xa sc'oplal c'u s'elan ta chapel unbi, yu'un tsots sc'oplal ta stoj comel spojel scolelic ti ja' xc'ot ta q'uexolil yu'unique. Jech ti sba yoltac ti yan chon bolom ti albil sc'oplal ti mu stac' lajesele, yu'un ja' no'ox ta xac'anbe yan xq'uexol ti ac'o yac'bote.

Números 18:15 Iomraidhean Croise

Nehemías 10:37

Xchi'uc tsc'an chquich'tic batel ta snail te ta ch'ulna li sba arina ta jvots'tique, xchi'uc li sba sat te'etic cu'untique, xchi'uc li ya'lel ts'usub, xchi'uc aceitee. Xchi'uc chquich'tic batel sventa levietic noxtoc li jun ta lajlajuneb c'usitic chloc' cu'uncutique. Yu'un ja' sc'oplal chich'ic li jun ta lajlajuneb scotol c'usitic chloc' ta cosiltique.

Éxodo 13:15

Yu'un li faraone toj tsots yo'nton jech muc xac' loc'cuncutic tal. Ja' yu'un li Muc'ul Diose la smilbe sba xnich'nabic li egiptoetic ta jujubej snaique xchi'uc scotol li sba yol sts'unub yovolique. Ja' yu'un ja' smelol ti chcac'tic ta smoton Dios li sba yol jts'unub covoltic ti me stote, xchi'uc chcac'becutic xq'uexol li sba jqueremcutique.

Éxodo 13:2

“Voc'bicun li sba anich'nabique, yu'un scotol li sba xnich'nab achi'iltac ta israelale xchi'uc scotol li sba yol sts'unub yovolique ja' cu'un”, xut.

Éxodo 22:29

“Mu me xjalij avu'unic ti chavich'bicun tal jmotonin li sba sat c'usitic chloc' avu'unique xchi'uc li ya'lel ats'usubique. “Voc'bicun me li sba aqueremique.

Éxodo 34:20

Jech noxtoc li sba yol aburoique aq'uic jcotuc ch'ium chij, o me ch'ium tentsun ta xq'uexol. Me muc xavac'beic xq'uexole, ja' xac'asbeic snuc' li unin buroe. Jech noxtoc tsc'an chavac'beic xq'uexol li jujun sba anich'nabique. Mu me junuc boch'o jeche' xmeymun tal sc'ob c'alal chtal ta jtojol, vu'un li Muc'ul Diosune.

Números 18:16

Li taq'uine ja'o ac'o yac' ti c'alal jun xa u svoq'uel li c'usi chac' oxe. Ja' vo' sep saquil taq'uin, buluchib (11) gramo yalal jech chac c'u cha'al yalal chapanbil te ta ch'ulna pasbil ta nucule.

Números 3:13

yu'un ja' ono'ox cu'un li sba avol anich'onique. C'alal la jmilbe scotol sba yol xnich'on li egiptoetique, ja' la jnac' comel scotol li sba avol anich'onic, vo'oxuc li israeloxuque, xchi'uc li sba yol ats'unub avovolique yu'un ta xcu'uninic. Ja' yu'un ja' me cu'untac c'otemic, vu'un li Ajvalilune”, x'utat yu'un Muc'ul Dios li Moisese.

Números 3:46

Pero li sba xnich'nabic achi'iltac ta israelale ja' toj epic; ja' mu'yuc ep xcom li levietique. Ti c'u cha'al xu' colem chcomic li oxlajuneb xchanlajunvinic (273) sjelovenal li sba nich'oniletique,

Deuteronomio 15:19

“Scotol li sba yol avacaxic achijique, me stote voq'uic ta sventa smoton li Muc'ul Dios cu'untique. “Mu me xavaq'uic abtejuc li sba yol avacaxique. Mu me xaloc'beic stsotsil li sba yol achijique.