Números 18:12 - Bible in Tzotzil de Chenalhó with Deuterocanon

¹² Jech noxtoc li sba sat c'usi chloc' yu'unic li achi'iltac ti chiyich'bicun tal ta jujun jabile, xchi'uc li aceite ti ven lequic oy yu'unique, li ya'lel ts'usube, xchi'uc li trigoe, vo'ot chacac'bot scotol.

Bible in Tzotzil de Chamula

¹² Ja' jech xtoc ta xcac'bot avich' ti sba sat ts'unubil ti xi s'elan sc'oplal ta xiyac'beic jujun jabil ti israeletique, ja' ti lequil t'ujbil aceitee, ti lequil t'ujbil vinoe, xchi'uc ti lequil t'ujbil trigoe.

Números 18:12 Iomraidhean Croise

Génesis 27:28

Ac'o yac'bot tal vo' ta vinajel li Diose. Ac'o lec batuc li c'usitic chats'un li' ta banamile. Ac'o epajuc atrigo xchi'uc ats'usub.

2 Reyes 4:42

Ts'acal te ic'ot jun vinic liquem ta Baal-salisa, yich'oj batel ta stojol Eliseo jtob (20) pan pasbil ta sba sat cebada, xchi'uc yaxal bec' trigo stic'oj batel ta smoral. Li Eliseoe jech laj yalbe li smozoe: —Ac'bo sve'ic li jchi'iltactique —xut.

2 Crónicas 31:5

C'alal ipuc batel jeche, li israeletique lic yaq'uic li sba sat c'usitic chloc' yu'unique, ja' li ya'lel ts'usube, li aceitee, li pome, xchi'uc scotol li c'usitic chloc' ta yosilique. Jech noxtoc bats'i ep laj yich'ic tal li jujun ta lajlajuneb c'usitic iloc' yu'unique.

Salmos 147:14

Ja' laj yac' pajuc muc'ta c'op ta avosilal; ja' chayac'bot ta ave' li bats'i lequil trigoetique.

Salmos 81:16

Yan li steclumal Diose ta smac'lin ta lequil trigo; ta snojesbe lec xch'utic ta pom ti chloc' ta ch'entique.

Éxodo 22:29

“Mu me xjalij avu'unic ti chavich'bicun tal jmotonin li sba sat c'usitic chloc' avu'unique xchi'uc li ya'lel ats'usubique. “Voc'bicun me li sba aqueremique.

Éxodo 23:19

“Li sba sat c'usitic ats'unoj ta avosilic ti toj lequique, ich'bicun tal ta Ch'ulna cu'un, vu'un li Muc'ul Diosun avu'unique. “Mu me xapanic ta ya'lel xchu' sme' li unin ch'ium tentsune.

Éxodo 34:26

“Scotol li sba sat c'usitic ats'unojic ti lequique ich'bicun batel ta ch'ulna cu'un, vu'un li Muc'ul Diosun avu'unique. “Mu me xapanic ta ya'lel xchu' sme' li ch'ium tentsune”, xi li Muc'ul Diose.

Ezequiel 44:30

Li sba sat scotol c'usitic chloq'ue xchi'uc scotol li jmoton chquich' ac'bel ta jtojole ja' yu'unic li paleetique. Jech noxtoc li sba vots'elal harina chapasique ja' chavac'beic noxtoc li paleetique, yu'un jech te oy o ta anaic li bendición cu'une.

Levítico 2:12

Ja' no'ox xu' chavac'bicun li svolesubil xch'ut, xchi'uc spom muc'ta pom me ja' sventa sba c'usitic chloc' avu'unique. Pero mu xu' chich' chiq'uel te ta scajleb jmoton jech chac c'u cha'al chich' chiq'uel jmoton ti lec mu yiq'ue.

Levítico 2:14

“Me ja' chavac'bicun li sba sat atrigoic xchi'uc li c'usitic yan jech chac c'u cha'al trigoe, bacubtasic ta c'oc' li jujulic c'alal yox toe. Yan me sbec' chavich'ic tale juch'bil ta tse xavich'ic tal.

Levítico 23:17

Ich'ic tal chibuc pan pasbil ta lequil arina ti yich'oj svolesubil xch'ute. Ja' chanib kilo yalal li jujun pane; ja' jmoton chc'ot ta sventa li sba sat c'usitic chloc' avu'unique.

Levítico 23:20

Li palee ac'o sye' ta jtojol li matanaletique, ja' li spanil sba sat c'usitic chloc' avu'unique xchi'uc li cha'cot ch'ium chije. Li matanaletic le'e ts'u'iltasbil xa chcom o cu'un ta sventa li paleetique.

Deuteronomio 18:3

“Li paleetique ja' oy ta sventa chich'ic li snecub, li yolon ye, xchi'uc stsucut li vacax, li ch'ium chij chaq'uic ta smoton Dios israeletique.

Deuteronomio 18:4

Xchi'uc ja' chich'ic noxtoc li sba sat trigoe li sba ya'lel ts'usube, li aceitee, xchi'uc li sba loq'uelal stsotsil chije.

Deuteronomio 26:2

scotol li sba sat c'usitic ats'unojic ta avosilique, tulic scotol. Ich'ic batel ta jun moch. Bat aq'uic te yo' bu st'ujoj Muc'ul Dios cu'untic sventa chich' ich'el ta muq'ue.

Deuteronomio 32:14

Ta sme' avacaxic laj ataic queso; ta sme' achijic laj ataic lech. Ta lequil bic'tal chijetic avu'unic la ataic ti'bol ati'ic, xchi'uc ta muc'tiquil chijetic ta Basán xchi'uc ta tot tentsunetic. Ja' laj ave'elinic ti bu toj lequic sat trigoe. Laj avuch'ic li ya'lel ts'usube, ja' li xch'ich'al sat ts'usube.