Números 17:8 - Bible in Tzotzil de Chenalhó with Deuterocanon

⁸ Ta yoc'omal c'alal ibat ta ch'ulna li Moisese, laj yil ti q'uelumajem xa li snamte' Aarón ti ja' yu'unic li jchop liquemic ta Levie. Oy xa lec sq'uelum xchi'uc xnich, xchi'uc oy xa lec sat toc'onic xa, almendra sbi.

Bible in Tzotzil de Chamula

⁸ Ta yoc'omal un, c'alal bat ta ch'ulnae, laj yil ti q'uelomajem xa snamte' ti Aarone, ti ja' c'otem ta yu'unic ti jvoc' snitilul ti levitaetique, yu'un q'uelomaj xa. Yac'oj xa xnich. Toc'onic xa sat ti almendroe.

Números 17:8 Iomraidhean Croise

Génesis 40:10

Oy oxjec sc'ob. Li ts'usube iq'uelumaj, inichin. Ta ora icom sat, lec i'ic'ub li sate.

Salmos 110:2

Li Muc'ul Diose te ta Sión chayac'bot avaston sventa chavich' lec muc' avabtel, ja' yu'un paso me mantal ta stojol li avajcontrataque.

Cantares 2:3

Li jc'upil vinique ja' jech c'otem ta stojol yantic viniquetic jech chac c'u cha'al jpets mantsano ch'iem ta o'lol te'tic. Toj jun no'ox yutsil chca'ay ti c'alal te chichoti ta xyaxinale; li sate toj chi' ta lo'el chca'ay.

Isaías 4:2

Me la sta yoraile, li Muc'ul Diose ta xac' q'uelumajuc li sts'unube. Li sq'uelume ja' slequilal, yutsilalic chc'ot li israeletic ti cuxajtic to chcomique. Li sat c'usitic chloc' yu'unique ja' yich'elic ta muc' chc'ot.

Ezequiel 17:24

Jech chlic sna'ic scotol te'etic ti vu'un ta jbic'tajes scotol li yantic muc'tic te'etique, ti vu'un ta jnatubtas li te' ti peq'uelique. Vu'un ta xcac' taquijuc li te'etic ti lec yoxique, xchi'uc vu'un la jyaxubtas lec li te' ti taquijemique. Vu'un chcal jtuc, vu'un li Muc'ul Diosune; ta persa jech ta jpas’, uto”, xi li Diose.

Ezequiel 19:12

Pero ibulat loq'uel ta sc'ac'al o'ntonal; laj yich' lomesel yalel c'alal ta banamil. Te imats' sat ta scoj li ic' chtal ta sloq'ueb c'ac'ale., Li sc'ob ti lec tsotse ic'as, itaquij, jech laj yich' chiq'uel ta c'oc'.

Ezequiel 19:14

Te chloc' c'oc' ta o'lol sc'obc'obtac; te chc'ac' o li sc'obc'ob xchi'uc sate, jech mu'yuc sc'ob chcom ti lec tsots sventa chtun ta svaston ajvaliletique’, xi li q'ueoj xaq'uejintae”, xiyutun. (Li'i ja' q'ueoj sventa at-o'nton; ja' ac'o tunuc o avu'unic sventa at-o'nton.)

Números 16:5

Jech laj yalbe li Coré xchi'uc xchi'iltaque: —Li Muc'ul Diose sob oc'om chac' ta ilel li boch'o ja' yu'une xchi'uc li boch'o t'ujbil yu'un sventa chchic'be smotone. Ja' no'ox xu' chchic'be smoton Dios li boch'o t'ujbil yu'un stuque.

Números 17:5

Li boch'o t'ujbil cu'une ja' ta xcac' q'uelumajuc li snamte'e. Jech xu' ta xpajic o ta yalel c'usi chopol li achi'iltac ta israelale”, x'utat.

Números 17:9

Jech li Moisese laj yich' loq'uel te ta stojol Muc'ul Dios scotol li namte'aletique, laj yac'be yil scotol li israeletique. C'alal laj yilique, lic stsacan li snamte'ic jujunique.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.