Números 17:5 - Bible in Tzotzil de Chenalhó with Deuterocanon

⁵ Li boch'o t'ujbil cu'une ja' ta xcac' q'uelumajuc li snamte'e. Jech xu' ta xpajic o ta yalel c'usi chopol li achi'iltac ta israelale”, x'utat.

Bible in Tzotzil de Chamula

⁵ Yu'un ta xc'ot ta pasel cu'un ti ta xcac' q'uelomajuc snamte' ti buch'u t'ujbil cu'une. Ja' to jech ta xicta sbaic ta chopol c'opojel ta atojol ti israeletique.”

Números 17:5 Iomraidhean Croise

2 Crónicas 26:16

C'alal ivinaj ti lec xu' yu'une, lic stoy sba, pero ja' no'ox sventa isoc o. Lic spas c'usi mu sc'an li Muc'ul Dios yu'une, yu'un i'och ta ch'ulna; la xchic' pom te ta scajleb.

Esdras 2:62

La st'unic me te tsacal sbi ta svunal li smoltotaquique, pero mu'yuc la staic, jech muc xa x'ochic o ta paleal.

Salmos 105:26

Ja' yu'un li Diose lic stac batel li yajtunele, ja' li Moisese, xchi'uc li Aarón ti t'ujbil yu'une.

Éxodo 16:7

Sob oc'ome chavilbeic slequilal li Muc'ul Diose, yu'un laj ya'ay ti chachopolc'opojic ta stojole. Li vu'uncutique ¿c'usi xu' cu'uncutic ec ti chachopolc'opojic ta jtojolcutique? —xut.

Isaías 11:1

Li jbej chumante' ja' li Isaie, ta xloc' jun sq'uelum; ta xlic loc'uc tal jbej sq'uelum ta mero yibel.

Isaías 13:11

Jech chal noxtoc li muc'ul Diose: “Ta xcac'be stoj smul sbejel banamil ta scoj xchopolil xchi'uc ta scoj sbolil li chopol cristianoetique. Ta jlajesbe sc'oplal stoyobbailic li jtoybaetique; ta jbic'tajesic o li boch'otic muc' yac'oj sbaique.

Isaías 27:6

Ta ts'acal, chlic yac' lec yisim li sts'unubal Jacobe; chlic q'uelumajuc, chlic nichinuc li Israele; chlic nojuc banamil yu'un li sate.

Isaías 5:24

A'yo ava'yic, jech chac c'u cha'al chc'ac' ta c'oc' c'ajbene, jech chac c'u cha'al ta yat c'oc' no'ox chlaj li jobele, ja' jech chalajic ec li vo'oxuque; ja' jech cha'ulic jech chac c'u cha'al te' ti chc'a' batel c'alal ta yibele, ti tspas ta pucuc li xniche, yu'un laj abajbeic smantal li Muc'ul Dios ti ech'em svu'ele; chopol laj avilbeic tojobtasel yu'un li Ch'ul Dios yu'un Israele.

Ezequiel 16:41

Ta xchiq'uic ta c'oc' li anae; ta stojol scotol antsetic chaq'uic atoj li amule. Ja' to jech chcom avu'un o li mulivajele, jech mu'yuc xa chlic atoj ta taq'uin li ac'upil vinictaque.

Ezequiel 23:27

Ta jpajes li c'usi tsc'an abec'tale xchi'uc li muliletic laj apas te ta Egiptoe, jech mu'yuc xa bu chlic t'abuc batel ta avo'nton; mu'yuc xa bu chana' batel yan velta li Egiptoe.

Oseas 14:5

Ja' jech chic'ot yu'unic jech chac c'u cha'al job osil; xojobanic no'ox ta nich liquel jech chac c'u cha'al lirio nichim. Ta sts'un sba lec yibelic jech chac c'u cha'al te'etic ta Líbano.

Números 1:51

C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 11:1

Li israeletique oy jun c'ac'al iliquic ta bic'talvulajetel ta stojol Muc'ul Dios ta sventa ti oy svocolique. C'alal laj ya'ay li Muc'ul Diose, tsots i'ilin ta stojolic, jech la stac tal c'oc'; ic'ac' sjoylijil sti'ti' ti bu spasoj scarpanaique.

Números 16:11

Ta melel ma'uc ta sventa Aarón ti chachopolc'opojic ta stojole. Ja' xa chacontrainic stuc li Muc'ul Diose. Chatoy abaic ta stojol achi'uc li achi'iltaque —xut.

Números 16:5

Jech laj yalbe li Coré xchi'uc xchi'iltaque: —Li Muc'ul Diose sob oc'om chac' ta ilel li boch'o ja' yu'une xchi'uc li boch'o t'ujbil yu'un sventa chchic'be smotone. Ja' no'ox xu' chchic'be smoton Dios li boch'o t'ujbil yu'un stuque.

Números 17:10

Li Muc'ul Diose jech laj yalbe li Moisese: “Bat ac'o yan velta te ta stuq'uil xcaxail jmantal li snamte' Aarone; te xaq'uej lec comel. Ja' chtun sventa cht'ab ta yo'ntonic c'usi ic'ot ta pasel li jtoyba cristianoetic li'i. Jech chpajic o ta yalel c'usi chopol ta jtojol, xchi'uc jech mu xchamic”, x'utat li Moisese.

Números 17:6

Li Moisese ja' jech lic yalbe scotol li xchi'iltac ta israelale. Jech laj yich'ic tal jujuch'ix snamte'ic li banquilaletic yu'unic ta jujuchope. Ja' lajcha'ch'ix namte'al ic'ot ta scotol. Te oy ec li snamte' Aarone.

Números 17:8

Ta yoc'omal c'alal ibat ta ch'ulna li Moisese, laj yil ti q'uelumajem xa li snamte' Aarón ti ja' yu'unic li jchop liquemic ta Levie. Oy xa lec sq'uelum xchi'uc xnich, xchi'uc oy xa lec sat toc'onic xa, almendra sbi.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.