Números 17:10 - Bible in Tzotzil de Chenalhó with Deuterocanon

¹⁰ Li Muc'ul Diose jech laj yalbe li Moisese: “Bat ac'o yan velta te ta stuq'uil xcaxail jmantal li snamte' Aarone; te xaq'uej lec comel. Ja' chtun sventa cht'ab ta yo'ntonic c'usi ic'ot ta pasel li jtoyba cristianoetic li'i. Jech chpajic o ta yalel c'usi chopol ta jtojol, xchi'uc jech mu xchamic”, x'utat li Moisese.

Bible in Tzotzil de Chamula

¹⁰ Va'i un, ti Moisese xi albat yu'un ti Diose: “Bat ac'o yan velta ta xcaxail yu'un trate snamte' ti Aarone. Q'uejo ti bu taje, ti ja' ta xtun ta sventa sbijubtaselic ti toyobba jteclume. Ti jech taj une, ja' to ta xicta sbaic ta xchopol c'optaelun, mi ja'uc ta xchamic.”

Números 17:10 Iomraidhean Croise

Salmos 57:4

Xco'laj xchi'uc oyun ta o'lol leonetic; te xa mocholun ta stojol li viniquetic ti tsc'an chisti'icune. Li stanal yeique xco'laj xchi'uc lanza xchi'uc flechaetic; li yoq'uique ja' jech chac c'u cha'al espada ti lec ts'ubts'ub sni'e.

Éxodo 16:32

Ts'acal jech laj yal li Moisese: —Li Muc'ul Diose jech yaloj: ‘Tsobic chanibuc boch li manavaje; naq'uic sventa amomnich'nabic yu'un ac'o yotquinic ec c'u x'elan li ave'elic laj cac'boxuc ta xocol banamil c'alal la jloq'uesoxuc tal ta Egiptoe’, xi yaloj li Diose —xi li Moisese.

Éxodo 16:34

Jech li Aarone te bat snac' li moch ta stuq'uil xcaxail smantal Dios jech chac c'u cha'al albil yu'un Muc'ul Dios li Moisese.

Isaías 1:2

Vinajel, a'yo ava'ay; banamil, tuc'ulano lec, yu'un ta xc'opoj li Muc'ul Diose: “La cac' ayinuc jnich'nab, xchi'uc laj cac' ch'iicuc, pero lic stoy sbaic ta jtojol.

Oseas 10:9

Jech chal li Diose: “Israel, ta Gabaa no'ox lic asa' tal li amulic. Yoquel abats'il spasel o c'alal to tana. Jech ta stsacatic ta pleito li boch'otic toj chopolic te ta Gabaae.

Números 14:5

Li Moisés xchi'uc Aarone la spatan sbaic ta banamil ta stojol scotol li xchi'iltaquique.

Números 16:21

—Voc'o abaic loq'uel ta stojol li achi'iltaquique yu'un ta xculesic scotolic ta ora no'ox —x'utatic. 6

Números 16:38

Li xchic'ubil pom yu'unic li viniquetic ti ichamic ta scoj smulique, lecubtasbil xa cu'un yu'un laj yich' tunesel sventa laj yich' chiq'uel pom ta jtojol. Tuq'uibtasic lec, ac'o comuc avu'unic jech chac c'u cha'al lámina. Ac'o tunuc sventa chamaquic o li scajleb jmotone, xchi'uc sventa svulesubil ta yo'nton achi'iltaquic li c'usi ic'ot ta pasele”, xi.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 17:11

Li Moisese la spas jech chac c'u cha'al i'albat yu'un li Muc'ul Diose.

Números 17:4

Te xavac' scotol ta yut ch'ulna ta stuq'uil xcaxail li jmantal, yo' bu chajtaoxuc ono'oxe.

Números 17:9

Jech li Moisese laj yich' loq'uel te ta stojol Muc'ul Dios scotol li namte'aletique, laj yac'be yil scotol li israeletique. C'alal laj yilique, lic stsacan li snamte'ic jujunique.

Números 20:9

Laj yich' batel snamte' li Moisés ti te oy ta stojol Muc'ul Diose. Ja' la xch'un jech chac c'u cha'al i'albat yu'un Muc'ul Diose.

Números 4:18

“Li jchop sbiic liquemic ta Coate, mu me xavaq'uic ch'ayuc sts'unubalic te ta stojol li levietique.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

Efesios 5:6

Mu me xaslo'laoxuc li boch'otic mu meleluc c'usi chalique. Yu'un li boch'otic mu xch'unic c'usitic yaloj Diose, chapal xa sc'oplal chbat stojic.

Deuteronomio 9:24

Ta sliqueb c'alal lic jchi'inoxuc tale, mu'yuc ono'ox xquil ti lec jch'unej mantaloxuque. ¡Puru jbajmantaloxuc ono'ox ta stojol li Muc'ul Diose!

Deuteronomio 9:7

“Mu me xch'ay ta avo'ntonic ti ep laj avaq'uic ilinuc te ta xocol banamil li Muc'ul Diose. C'alal laloq'uic tal ta Egiptoe, xchi'uc c'alal to lavulic li'i, scotol ora laj abajilanbeic li smantale.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.

1 Samuel 2:12

Li xnich'nabtac Elie puru chopol viniquetic; muc xich'ic ta muc' li Muc'ul Diose,

1 Samuel 30:22

Pero oy jayibuc xchi'iltac li Davide toj chopol yo'ntonic, jech laj yalic: “Ta sventa ti muc x'ay xchi'inutique, jech mu'yuc ta xcac'betic ec li c'usi la jpojtic tale. Ja' no'ox ac'o yiq'uic batel li yajnil xnich'nabic jujunique; ac'o xa baticuc”, xiic.