Números 16:9 - Bible in Tzotzil de Chenalhó with Deuterocanon

⁹ ¿Me yu'un mu xu' no'ox chava'yic ti t'ujbiloxuc loq'uel yu'un Dios ta stojol scotol jchi'iltactic ta israelal sventa chatunic yu'un te ta ch'ulna pasbil ta nucule? Xchi'uc ¿me mu xu' no'ox chava'yic ti chatunic ta stojol li jchi'iltactique yu'un chanopajic ono'ox batel ta stojol li Muc'ul Diose?

Bible in Tzotzil de Chamula

⁹ ¿Mi yu'un jutuc xa no'ox sc'oplal ta xava'iic ti laj st'ujoxuc loq'uel ti Dios ta stojol ti jteclum yu'un Israele, ti nabaloxuc ta stojol ti ta xatunic ta abtel ta Axibalna yu'un ti Diose, ti ta xatunic yu'un ti jteclume?

Números 16:9 Iomraidhean Croise

Génesis 30:15

Itac'ov li Leae: —¿Me yu'un mu ta'louc no'ox chava'ay ti apojojbun jmalale? Li' ta orae chac'an chapojbun noxtoc li sat mandrágora yich'ojbun tal cole —xi. —Me xac'ane vo'ot chachi'in ta vayel ta ac'ubaltic tana li Jacobe; ja' xq'uexol me chavac'bun li mandrágora yich'oj tal avole —xi li Raquele.

2 Samuel 7:19

Pero mu'yuc to muc' chava'ay li c'usi apasojbune, ja' yu'un laj avalbun noxtoc ti ta to xtal jmomnich'nabtac, vu'un li avajtunelune. Cajval, Muc'ul Dios, me junuc vinic mu'yuc boch'o yan jech tspas jech chac c'u cha'al li vo'ote.

2 Crónicas 35:3

Jech laj yalbe noxtoc li levietique, ja' li jchanubtasvanejetic sventa scotol israeletic ti voc'bilic o ta stojol Muc'ul Dios sventa abtele: “Li ch'ul caxa li'i bat aq'uic ta ch'ulna ti pasbil yu'un Salomón xnich'on David, ja' li anima ajvalil yu'un jchi'iltactique, yu'un jech mu xa persauc chaq'uechilanic ta anecubic. Li' ta orae ac'o abaic o ta spasbel yabtel li Muc'ul Dios cu'untique xchi'uc ta sventa scotol li jchi'iltactique, ja' li steclumal Muc'ul Diose.

Nehemías 12:44

C'alal jech ic'ot ta pasele, ja'o yorail la jt'ujcutic boch'o tsventainic li yavil taq'uinetique, li yavil matanaletique, li yavil sba sat c'usitic chloc' cu'uncutique, xchi'uc li jujun ta lajlajunebe. Yu'un ja' te chich' tsobel li c'usitic chaq'uic ta smoton Dios ta jujun slumalic jech chac c'u cha'al chal li mantaletique, ti ja' sventa chich' li paleetic xchi'uc levietique. Yu'un li judaetique toj xcuxet no'ox yo'ntonic ta sventa li paleetic li levietic te ch-abtejique,

Isaías 7:13

Jech lic yal li Isaiase: “A'yo ava'ay, vo'ot smomnich'onot li muc'ta ajvalil Davide. ¿Me mu xu' o chava'ay ti chavac'be svocol li jchi'iltactique? ¿Me chac'an chavac'be svocol noxtoc li Dios cu'une?

Ezequiel 34:18

¿Me muc ta'louc o chava'yic ti chave'ic li lequil jobeltique? ¿C'u yu'un ti chapech'ilanic comel ta teq'uel li scomelale? ¿Me muc ta'louc o chava'yic ti chavuch'ic li vo' ti lec yoxe? ¿C'u yu'un ti chatatubtasic comel ta teq'uel li scomelale?

Ezequiel 44:16

Xu' ch-ochic ta ch'ulna cu'un; xu' chnopajic batel ta scajleb jmoton sventa chtunic cu'un; xu' tsventainic li abtele.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 16:13

¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Números 16:8

Li Moisese jech laj yalbe noxtoc li Coree: —A'yo ava'yic levietic:

Números 3:6

“Ic'o tal scotol li jchop achi'iltac liquemic ta Levie. Ac'o talicuc ta stojol li Aarone. Ac'o tunicuc yu'un; ac'o spasic li c'usi ch-albatique.

Números 3:9

Voc'ol ac'o comuc avu'un scotol li levietique yu'un ja' no'ox ac'o tunicuc ta stojol li Aarone xchi'uc ta stojol li smomnich'nabtaque. Mu me jmojuc xcomic xchi'uc li yantic israeletique.

Hechos 13:2

C'alal ja'o chich'ic ta muc' Cajvaltic, xchi'uc c'alal yictaojic ixime, jech i'albatic yu'un li Ch'ul Espiritue: “Voc'bicun li Bernabé xchi'uc Sauloe, yu'un ta xcac'be spas li yabtelic ti jnopoj ono'ox chcac'beique”, x'utatic.

1 Corintios 4:3

Ja' yu'un li vu'une mu tsotsuc sc'oplal chca'ay ti vo'oxuc chavalic c'u xi'elane xchi'uc ti c'u x'elan chiyalbicun jc'oplal yan cristianoetique. Xchi'uc mu'yuc chcal jtuc c'u xi'elan noxtoc.

Deuteronomio 10:8

Ja'o yorail lic t'ujaticuc yu'un Dios li smomnich'nabtac Levie, yu'un ja' chich'beic batel li xcaxail smantal Muc'ul Diose, xchi'uc ja' te chcomic o ta stojol, ja' te chtunic o, xchi'uc ja' yabtel chaq'uic bendición ta sventa Muc'ul Dios cu'untic jech chac c'u cha'al tspasic li' ta orae.

1 Samuel 18:23

Li smozotac Saule bat yalbeic ya'ay scotol li Davide, pero li Davide jech laj yal: —¿Me chacuyic ti mu'yuc vocol xu' tsni'an jun ajvalil li boch'o abul sba, ti mu'yuc bu ich'bil ta muq'ue? —xut.