Números 16:5 - Bible in Tzotzil de Chenalhó with Deuterocanon

⁵ Jech laj yalbe li Coré xchi'uc xchi'iltaque: —Li Muc'ul Diose sob oc'om chac' ta ilel li boch'o ja' yu'une xchi'uc li boch'o t'ujbil yu'un sventa chchic'be smotone. Ja' no'ox xu' chchic'be smoton Dios li boch'o t'ujbil yu'un stuque.

Bible in Tzotzil de Chamula

⁵ Va'i un, xi laj yalbe ya'i ti Coree xchi'uc ti c'u yepal vololic batel ti xchi'iltaque: —Sob oc'om, ta xac' ta na'el ti Dios buch'u ti yu'untaque, ti buch'u ti t'ujbil yu'une, ti xu' ta xac'beic ti matanale. Ja' no'ox xu' ta xaq'uic matanal ti buch'u t'ujbilic ta xc'ot yu'une.

Números 16:5 Iomraidhean Croise

Salmos 105:26

Ja' yu'un li Diose lic stac batel li yajtunele, ja' li Moisese, xchi'uc li Aarón ti t'ujbil yu'une.

Salmos 115:10

Smomnich'nabtac Aarón, ja' pato avo'ntonic yu'un li Muc'ul Diose; ja' xu' yu'un chascoltaoxuc, chaxchabioxuc.

Salmos 65:4

Toj xcuxet no'ox yo'ntonic li boch'o chat'uj, ti chavic' ta atojole, yu'un jech xu' te chtal nacluc ta yamaq'uil ana. Lec noj jch'utcutic o ta sventa li c'usitic lec te oy ta anae, ja' li ch'ulna avu'une.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Éxodo 28:41

“Ja' jech sc'u'ic xavac'be slap li abanquil Aarón xchi'uc xnich'nabe. Ja'o xamalbe aceite ta sjolic, yu'un jech voc'bil chcomic o ta paleal cu'un.

Éxodo 28:43

Jech te slapojic o c'alal ch-ochic ta ch'ulna ti pasbil ta nucule xchi'uc ti c'alal chnopajic ta sts'el scajleb jmoton ta spasel yabtelique. Yu'un jech mu sta smulic ta jtojol, jech mu xchamic. Ja' jech jmantal chcom o ta stojolic c'alal ta smomnich'nabic.

Jeremías 30:21

Te ta xloc' ta stojolic banquilal yu'unic; te ta xloc' ta stojolic jpasmantal yu'un stuquic. Ta xcac' nopajicuc tal ta jtojol, jech xu' yu'unic ta xnopajic tal. ¿Boch'o xu' yu'un ta xnopaj tal ta jtojol ta stuc no'ox?

Jeremías 49:19

Ta xital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu lec sve'el li chijetique. Ta xcac' jatovicuc loq'uel ta anil li edometique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Jeremías 50:44

“Chital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu oy lec sve'el li chijetique. Ta xcac' jatovicuc loq'uel ta anil li babiloniaetique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Ezequiel 40:46

Yan li cuarto sq'ueloj batel stuq'uil nortee ja' sventa li paleetic ti chchabiic li scajleb smoton Diose. Ja' li xnich'nab Sadoque, ja' li smomnich'nab Leví ta vo'one ti ja' ono'ox chtunic yu'un Diose”, xiyutun.

Ezequiel 43:19

Li paleetique, ja' li levietic smomnich'nab Sadoque, ti ja' oy ta sventaic xu' chnopajic ta jtojol sventa chtunic cu'une, ac'beic jcotuc ch'ium tot vacax; ac'o smilic sventa xch'ayubil amulic, vu'un jtuc chcal mantal.

Ezequiel 45:4

xchi'uc ja' chtun ta sventa yav snaic li paleetic ti te chtunic o ta ch'ulna cu'une, ti chnopajic ta jtojol sventa tspas yabtelique. Ja' ch'ul banamil chcom o ta sventa li ch'ulnae xchi'uc ta sventa li sna paleetique.

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Malaquías 3:18

Jech chlic avotquinic ti mu co'oluc chquil li boch'otic lec, xchi'uc li boch'otic chopolique; xchi'uc ti mu co'oluc chquil li boch'otic yich'ojicun ta muc' xchi'uc li boch'otic mu'yuc yich'ojicun ta muq'ue”, xi.

Números 16:3

Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

Números 16:6

Pasic jech chac li'i: Vo'ot Coré, xavich' tal li xchic'ubil pom avu'une. Ac'o yich'ic tal ec li achi'iltaque.

Números 17:5

Li boch'o t'ujbil cu'une ja' ta xcac' q'uelumajuc li snamte'e. Jech xu' ta xpajic o ta yalel c'usi chopol li achi'iltac ta israelale”, x'utat.

Números 17:8

Ta yoc'omal c'alal ibat ta ch'ulna li Moisese, laj yil ti q'uelumajem xa li snamte' Aarón ti ja' yu'unic li jchop liquemic ta Levie. Oy xa lec sq'uelum xchi'uc xnich, xchi'uc oy xa lec sat toc'onic xa, almendra sbi.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

Hechos 1:2

Laj xa calbot ava'ay scotol c'u x'elan i'abtej ti c'alal to imuy batel ta vinajele. C'alal mu'yuc to'ox ta xbat ta vinajele, ta sventa Ch'ul Espíritu laj yalbe comel mantal li yajtacbolaltac ti t'ujbilic yu'une.

Hechos 1:24

Te lic sc'opanic Dios jech laj yalic: “Cajval, vo'ot xavotquinbe yo'nton scotol cristianoetic. Ac'bun quilcutic boch'o junucal t'ujbil avu'un li chibic li'i.

Hechos 13:2

C'alal ja'o chich'ic ta muc' Cajvaltic, xchi'uc c'alal yictaojic ixime, jech i'albatic yu'un li Ch'ul Espiritue: “Voc'bicun li Bernabé xchi'uc Sauloe, yu'un ta xcac'be spas li yabtelic ti jnopoj ono'ox chcac'beique”, x'utatic.

Hechos 15:7

C'alal ep xa'ox ilo'ilajique, te la sva'an sba li Pedroe, jech laj yal: —Jchi'iltac, xana'ic ti oy xa sc'ac'alil la st'ujun Dios sventa ta jcholbe ya'yic Lequil A'yej li yanlum cristianoetique, yu'un jech ac'o xch'unic ec.

Hechos 22:14

Jech laj yalbun: ‘Li Dios yu'un jmoltot jyame'tic ta vo'onee ja' la st'ujot, yu'un ac'o ana' c'usi tsc'an yo'nton, xchi'uc ac'o avilbe sat li Boch'o Tuc' Yo'ntone, xchi'uc ac'o ava'ay c'usi chayalbot.

Efesios 2:13

Pero li' ta orae oyoxuc xa ta stojol li Cristo Jesuse. Vo'oxuc ti nom to'ox oyoxuque lanopajic xa tal ta sventa ti la smal xch'ich'al li Cristo Jesuse.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

Hebreos 12:14

Tsotsuc me sc'oplal o chava'yic ti co'ol avo'nton acotolique, xchi'uc ti tuc'uc avo'ntonic scotol orae. Yu'un me mu'yuc tuq'uiben co'ntontique, mu xu' chbat jq'uelbetic sat li Cajvaltique.

Apocalipsis 1:6

Ja' ti laj yac' ochcutic ta pasmantale, xchi'uc ti laj yac' ochcutic ta paleal ta stojol Diose, ja' li Stote. Jech ac'o ich'atuc ta muc' sbatel osil li Cajvaltique; ja' ac'o spas mantal stuc sbatel osil. Jechuc.

1 Samuel 2:28

Vu'un la jt'uj loq'uel ta stojol li jaychop achi'iltac ta israelale, yu'un la jtic' ta paleal, yu'un ja' chchic'bicun jmoton te ta scajleb, xchi'uc chchiq'uic pom, xchi'uc tslapic tal ta jtojol li mocan c'u'ile. Xchi'uc ja' laj cac'beic ta sc'ob amoltotac li jmoton chaq'uic achi'iltaquic ta israelale.