Números 16:46 - Bible in Tzotzil de Chenalhó with Deuterocanon

⁴⁶ Li Moisese jech laj yalbe li Aarone: —Bat ich'o tal li xchic'ubil pom avu'une. Ac'bo yac'alil, ja' xavac' li ac'al te ta scajleb smoton Diose, xchi'uc pom. Batan ta ora yo' bu oyic li jchi'iltactique; bat c'anbo Muc'ul Dios ti ac'o xch'aybe ta yo'nton li smulique. Yu'un li Muc'ul Diose bats'i tsots ilinem ta stojolic, xchi'uc liquem xa ta stojolic li tsatsal chamel ti chmilvane —xi.

Bible in Tzotzil de Chamula

⁴⁶ Va'i un, ti Moisese xi laj yalbe ya'i ti Aarone: —Tsaco talel ti yav avac'ale. Ac'bo yac'alil ti oy ta altare. Ac'bo spomal. Yu'un batan ta anil ti bu volol ti jteclume. C'anbo Dios ti ch'aybatuc ti smul scolo'ique. Yu'un til xa ti sc'ac'al yo'nton Diose. Yu'un ti c'usi chopol ta xc'ot ta pasele, yu'un yacal xa.

Números 16:46 Iomraidhean Croise

Números 8:19

Li levietique ja' la jt'uj loq'uel ta stojol scotol li achi'iltac ta israelale. Laj yich'ic aq'uel ta stojol li Aarón xchi'uc xnich'nabe, yu'un jech ja' xq'uexol achi'iltac ta israelal chc'otic, yu'un ja' te chtunic o ta ch'ulna pasbil ta nucul. Xchi'uc jech xu' chch'aybat smulic ta stojol Dios li achi'iltac ta israelale jech mu persauc ja' chnopajic batel ta ch'ulna stuquic, yu'un jech mu'yuc c'usi chc'ot ta pasel ta stojolic”, xi li Muc'ul Diose.

Levítico 10:6

Li Moisese jech laj yalbe li Aarón xchi'uc xnich'nabe, ja' li Eleazar xchi'uc Itamare: —Mu me jeche'uc spispun li ajolique, xchi'uc mu me xali' ac'u'ic ta scoj me'nal, yu'un jech mu xachamic, xchi'uc jech mu x'ilin Muc'ul Dios ta stojol li jchi'iltactic ta israelale. Scotol li cuts' calaltic ti jun jts'unubal jchi'uctique ja' ac'o yat yo'ntonic ta sventa ti persa chtal yac' jtoj jmultic li Muc'ul Diose.

Salmos 106:29

Jech ilic sc'ac'al yo'nton Dios yu'unic ta sventa li c'usi la spasique, jech ital tsatsal chamel ta stojolic.

1 Crónicas 27:24

Li Joabe laj xa'ox sliques stsacbel li sbiique, pero muc xvu' yu'un, yu'un ital tsots chamel ta stojol li israeletique. Jech mu xvinaj li' ta svunal ti c'u yepalique, ja' li svunal yu'un ajvalil David c'usi ic'ot ta pasele.

Números 18:5

Vo'oxuc no'ox oy ta aventaic spasel li abtel ta ch'ulna xchi'uc ta scajleb jmotone. Jech mu xi'ilin yan velta ta stojol li achi'iltaquic ta israelale.

Números 11:33

Li israeletique ja' to no'ox sbats'ilic xaxel sti'bolic ti c'alal lic ilintaaticuc yu'un Muc'ul Diose, jech i'ac'batic stoj smulic. Ep imilatic ta ora yu'un li Muc'ul Diose.

Salmos 141:2

Ac'o muyuc c'alal ta atojol li jc'ope, muetuc no'ox jech chac c'u cha'al c'alal chich' chiq'uel pom. Li jc'ob jtoyoj ta atojole jech ac'o c'otuc jech chac c'u cha'al amoton chich' milel ta jujun mal c'ac'ale.

Levítico 9:24

Itsan loq'uel c'oc' te ta stojol li Muc'ul Diose. La xchic' li matanal ti sc'oplal xa'ox chchiq'uique xchi'uc xepuetic te oy ta scajleb smoton Diose. C'alal laj yilic li israeletique, tsots i'avanic; xcuxet no'ox yo'ntonic, xchi'uc la squejan spatan sbaic ta banamil.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

Deuteronomio 9:22

“Jech noxtoc c'alal te oyutic ta Tabera, ta Masah, xchi'uc ta Kibrot-hataavae, laj ono'ox asa'beic sc'ac'al yo'nton noxtoc li Muc'ul Diose.

Números 25:13

J'ech'el ta xcac'be o ta sc'obic xchi'uc smomnich'nab li abtel ta paleale yu'un toj it'ix ic'ot yo'nton ti c'alal muc vu'cun xiyich'icun ta muq'ue, xchi'uc ja' to jech la staic o perdón li achi'iltac ta israelale —xi.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 25:8

Te nabal ibat ta spat li vinique; ic'ot c'alal ta sna. La smil ta lanza xchibalic, toj jelovel no'ox ta xch'ut li vinique xchi'uc li antse. Ja' to jech i'ech' o li tsatsal chamel ti chchamic o li israeletique,

Habacuc 3:5

Ja' ba'yucbe chtal yu'un li tsatsal chamel ti chmilvane; ja' ta spat chtal li c'ac'al chamel ti ch-ulesvane.