Números 16:41 - Bible in Tzotzil de Chenalhó with Deuterocanon

⁴¹ Ta yoc'omal lic chopolc'opojicuc ta stojol Moisés xchi'uc Aarón scotol li israeletique. Jech laj yalbeic: —Vo'oxuc laj amilic li xnich'nabtac Muc'ul Diose —xiic.

Bible in Tzotzil de Chamula

⁴¹ Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

Números 16:41 Iomraidhean Croise

1 Reyes 18:17

C'alal laj yil Elías li Acabe, jech laj yalbe: —¿Me vo'ot ti chavac'be svocol li israeletique? —xut.

Salmos 106:13

Pero ta jliquel no'ox ich'ay ta yo'ntonic li atsatsale; muc smalaic chc'ot ta pasel li c'usi achapanoje.

Salmos 106:23

Li Diose laj yal ti chules ox scotolique, pero li Moisés ti t'ujbil yu'un Diose, ja' la sva'an sba ta stojol li Diose, la smac li xchi'iltaque, jech te ilamaj sc'ac'al yo'nton li Diose, mu'yuc bu laj yules o.

Isaías 26:11

Muc'ul Dios, ac'o me aye'oj xa ac'ob, pero mu xilic. C'alal chilic ti ep c'ux ta avo'nton li ateclumale, q'uexlal cha'yic, it'ix yo'ntonic. Ja' lec ti oyuc c'uxi lajicuc ta c'oc' li avajcontrataque.

Jeremías 38:4

C'alal jech laj ya'yic li banquilaletique, jech bat yalbeic li ajvalile: —Ac'o yich' milel li vinic li'i, yu'un ja' no'ox ta xchibajesbe yo'nton li soldadoetic cu'untic ti li' to chcomic ta lume, xchi'uc ja' no'ox ta sibtas scotol li jchi'iltactique. Yu'un muc ja'uc ta sa'be slequilal li jchi'iltactique, ja' no'ox ta sa'be svocolic —xutic.

Jeremías 43:3

Ja' Baruc xnich'on Nerías chayalbot ti jech chopol c'usi chaval ta jtojolcutique, yu'un jech ac'o ochcuncutic ta sc'ob li caldeaetique yu'un jech ac'o smiluncutic, ac'o xchucuncutic batel ta Babilonia”, xutic.

Amós 7:10

Li pale Amasías te ta Betele jech laj yalbe batel li ajvalil Jeroboam ta Israele: “Ajvalil, li Amose ta xchapilan ac'oplal ta mucul ta stojol li jchi'iltactic ta israelale. Ta sjunul li cosilaltique mu xa sts'ic yu'unic li c'usi chalilane.

Números 14:2

Scotolic lic chopol c'opojicuc ta stojol li Moisés xchi'uc Aarone. Jech laj yalic: “Ja' lec ti teuc ono'ox chamcutic ta Egiptoe, xchi'uc ti li'uc chamcutic ta xocol banamile.

San Mateo 5:11

“Li vo'oxuque cuxetuc no'ox avo'ntonic me vu'un ta jventa chachopolc'optaatic, chasoquesbat ac'oplalic, xchi'uc me ch-epalc'opojic ta atojolique.

Hechos 21:28

Tsots i'avanic: “¡Jchi'iltac, israeletic, la' coltauncutic! Li vinic li'i ja' ti chanov ta buyuc no'oxe, ti chopol c'u x'elan chchanubtas li cristianoetique, yu'un ta scontrain li jlumaltique, xchi'uc li mantaletic cu'untique, xchi'uc li ch'ulna li'i. Jech noxtoc, li' ta orae laj xa yic' ochel ta ch'ulna li yanlum cristianoetique; solel laj xa sbolibtas o li ch'ul banamil li'i”, xiic.

Hechos 5:28

—¿Me mu tsotsuc mantal laj calbotcutic ti mu xa me xachanubtasvanic ta sventa li Jesuse? Pero q'uelavilic, ivinaj xa avu'unic ta sjunul lum li c'usi chavaq'uic ta chanele. Jech noxtoc chac'an chavaq'uic jcuchincutic ti vu'uncutic la jmilcutic li vinic chavalique —xi.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

2 Corintios 6:8

xchi'uc ta sventa me ich'biluncutic ta muc', me mu ich'biluncuticuc ta muc', me lec jc'oplalcutic, o me chopol jc'oplalcutic. Ac'o me cuybiluncutic ta jlo'lavanej, pero melel c'usi chcalcutic.

Judas 1:16

Li jlo'lavanejetic le'e mu'yuc c'usi lec chilic. Ta puru sa'sa'c'op oyic o; mu'yuc c'usi lec cha'yic o. Ja' no'ox tsa'ic li c'usi tsc'an sbec'talique. Tstoy sba xchi'uquic li c'usi chalique; ven lec xa xc'opojic ta stojol cristianoetic yilel sventa tsa'ic li c'usi tsc'an stuquique.