Números 16:40 - Bible in Tzotzil de Chenalhó with Deuterocanon

⁴⁰ Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Bible in Tzotzil de Chamula

⁴⁰ Ti va'i s'elan taje, ja' c'ot ta scaj-sbijubtaselic ti israeletic ti mu'yuc buch'u junucal xu' ta xnopajic ta yaq'uel pom ta altar ta stojol ti Dios ti mi ma'uc snitilultac ti Aarone. Yan mi mo'oje, jech ta xc'ot ta stojolic jech c'u cha'al ti Coree xchi'uc ti xchi'iltaque. Scotol jech c'ot ta pasel jech c'u cha'al albat mantal ti Eleazar yu'un ti Dios ta sventa ti Moisese.

Números 16:40 Iomraidhean Croise

Esdras 2:62

La st'unic me te tsacal sbi ta svunal li smoltotaquique, pero mu'yuc la staic, jech muc xa x'ochic o ta paleal.

Salmos 115:10

Smomnich'nabtac Aarón, ja' pato avo'ntonic yu'un li Muc'ul Diose; ja' xu' yu'un chascoltaoxuc, chaxchabioxuc.

Ezequiel 40:46

Yan li cuarto sq'ueloj batel stuq'uil nortee ja' sventa li paleetic ti chchabiic li scajleb smoton Diose. Ja' li xnich'nab Sadoque, ja' li smomnich'nab Leví ta vo'one ti ja' ono'ox chtunic yu'un Diose”, xiyutun.

Ezequiel 43:19

Li paleetique, ja' li levietic smomnich'nab Sadoque, ti ja' oy ta sventaic xu' chnopajic ta jtojol sventa chtunic cu'une, ac'beic jcotuc ch'ium tot vacax; ac'o smilic sventa xch'ayubil amulic, vu'un jtuc chcal mantal.

Levítico 22:10

“Mu'yuc boch'o yan xu' tsti' li c'usi ts'u'iltasbil cu'une. “Me jvayna yu'un li palee, o me svinic ta abtel, mu xu' tsti' li c'usi ts'u'iltasbil cu'une.

Números 1:51

C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 16:39

Li pale Eleazare bat stsob li xchic'ubil pom ti pasbilic ta bronce taq'uin te yo' bu ichamic ta c'oc' li viniquetique. Laj yal mantal ti ac'o stuq'uibtasic lec jech chac c'u cha'al laminae yu'un chtun sventa tsmaquic o li scajleb smoton Diose.

Números 3:10

Xchi'uc ja' me xavac'be o comel ta sventa Aarón xchi'uc smomnich'nab li abtel sventa paleale. Me oy boch'o chlic scuy sba ta paleal ti c'alal mu ja'uque, ac'o yich' milel”, x'utat yu'un Muc'ul Dios li Moisese.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

Hebreos 5:4

Mu'yuc boch'o ta stic' sba stuc ta lequil abtel jech chac le'e. Persa ic'bil yu'un Dios li boch'o i'oche jech chac c'u cha'al li Aarone.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.