Números 16:30 - Bible in Tzotzil de Chenalhó with Deuterocanon

³⁰ Pero me yan o c'usi tspas li Diose, me ta xjav li banamile, me cuxajtic ta x'ochic yalel ta yut banamil xchi'uc c'usitic oy yu'unic li viniquetic li'i, jech chana'ic o ti yu'un la stoy sbaic ta stojol li Muc'ul Diose —xi li Moisese.

Bible in Tzotzil de Chamula

³⁰ Yan ti mi oy c'usi ch'ayal ta xc'ot o'ntonal yu'un ti Dios ta spas ti ta sjav sba ech'el ti banomil yu'une, ti ta xbajic ochel xchi'uc scotol ti c'usi x'ayan yu'unique, ti cuxul ta xc'otic ti bu c'alal spajeb ti snatile, ja' to jech ta xana'ic, ti viniquetic li'e ja'ic laj sjipic laj stenic comel ti Diose.

Números 16:30 Iomraidhean Croise

Job 31:2

¿C'usi jtojol chiyac'bun tal ta toyol li Diose? ¿C'usi chiyac'bun yalel tal li Boch'o ech'em svu'ele?

Job 31:3

¿Me mu ja'uc oy ta sventaic vocol li boch'otic chopolique? ¿Me ma'uc oy ta sventaic c'usi c'ux li jpasmuliletique?

Salmos 55:15

Ch'ayel yo'nton ac'o taaticuc yu'un lajel li cajcontrae; cuxul ac'o yalicuc ta yavil animaetic, yu'un puru chopol c'usi oy ta yo'ntonic.

Isaías 28:21

Yu'un li Muc'ul Diose ja' jech ta spas jech chac c'u cha'al la spas te ta vits Perazime; ja' jech ta x'ilin jech chac c'u cha'al i'ilin te ta stenlejaltic Gabaone. Ja' ta spas li yabtel ti yan o ta q'uelele; ja' ta xac' c'otuc ta pasel li yabtel ti toj labal sbae.

Isaías 43:19

Q'uelavilic, vu'un ta jpas c'usi ach'. Ta xa xc'ot ta pasel cu'un, ¿me mu'yuc to chavilic? Ta jam batel be ta xocol banamil; ta xcac' loc'uc uc'umetic ta taqui banamil.

Isaías 45:12

Vu'un laj cac' ayinuc li banamile xchi'uc li cristianoetic te nacajtique; ta jc'ob jtuc la jlich'an batel li vinajele xchi'uc li c'usitic yan te laj caq'ue.

Isaías 45:7

Vu'un jtuc la jpas li c'usitic chac' xojobale; vu'un laj cac' li ac'ubale; vu'un chcac' jun o'ntonal; vu'un chcac' ac'o taluc vocol noxtoc. Vu'un li Muc'ul Diosune, vu'un ta jpas scotol jech chac le'e.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Ezequiel 31:14

Jech mu xa xlic ch'iicuc ec li yantic te'etic te ch'iemic ta ti'uc'ume, jech mu xc'ot sni'ic c'alal to ta pimil toquetic, jech mu spat yo'ntonic ti lec nat chbatic c'alal me ch'iemic ta ti' uc'ume. Yu'un scotol chapal sc'oplal chchamic, ch-ochic batel ta yut banamil; jmoj chbatic xchi'uc li boch'otic ch-ochic ta ch'ene.

Números 16:31

C'alal ilaj yo'nton ta lo'il li Moisese, ijav li banamil te yo' bu va'ajtique.

Números 16:33

Cuxajtic i'ochic yalel ta yut banamil xchi'uc scotol li c'usitic oy yu'unique, jech ta ora la snu'p sba yan velta li banamile. Jech te ich'ay o sts'unubalic ta stojol li xchi'iltaquique.