Números 16:3 - Bible in Tzotzil de Chenalhó with Deuterocanon

³ Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

Bible in Tzotzil de Chamula

³ Scotolic ti va'i yepal taje laj svol sbaic batel ta stsaquel ta c'op ti Moisese xchi'uc ti Aarone, ti xi laj yalbeique: —¡Li' xa no'ox c'alaluc lajuc sc'oplal ti ich'biloxuc ta muq'ue! Yu'un scotol jteclum t'ujbil ono'ox yu'un ti Diose. Oy ta jtojol jcotoltic ti Diose. ¿C'u cha'al ya'yel un cha'e ti co'ol to s'elan banquilal ajvalil xava'i abaic ta stojol ti xnich'nab Diose?

Números 16:3 Iomraidhean Croise

Esdras 9:2

Yu'un laj yic'beic stsebic, xchi'uc laj yac'beic yic' squeremic noxtoc. Ja' yu'un li steclumal Diose laj xa scap sbaic xchi'uc li yantic lumetique. Li boch'otic ba'yuc la spasic li muliletic le'e ja' li banquilaletic xchi'uc jpasmantaletique”, xiyuticun.

Salmos 106:16

C'alal te oyic ta scarpanaique, lic sti'-o'ntaic li Moisese; lic scontrainic noxtoc li Aarón ti t'ujbil yu'un Muc'ul Diose.

Salmos 68:17

Li Diose ta millón no'ox oy yu'un li caretaetic sventa pleitoe; li Cajvaltique te chtal ta Sinaí yo' bu oy li xch'ulnae.

Éxodo 19:6

Vo'oxuc pale c'otemoxuc cu'un, xchi'uc vo'oxuc jun lum ti voc'biloxuc o ta jtojole’, xi li Diose, uto li achi'iltaque —x'utat li Moisese.

Números 14:14

xu' chlic yalbe ya'yic li jnaclumetic te ta Canaán banamile. Yu'un li stuquique ya'yojic ti li' oyot ta o'lol yu'unic li jchi'iltac, vo'ot li Muc'ul Diosote. Xchi'uc ya'yojic ti chavac' aba lec ta ilel ta stojolique, xchi'uc ti li' oy ta stojolic li toc avu'une. Xchi'uc ya'yojic ti ba'yucbe chabat ta toc yu'unic ta c'ac'altique xchi'uc ti chc'ataj ta c'oc' ta ac'ubaltic sventa tsna' bu chbatique.

Números 16:11

Ta melel ma'uc ta sventa Aarón ti chachopolc'opojic ta stojole. Ja' xa chacontrainic stuc li Muc'ul Diose. Chatoy abaic ta stojol achi'uc li achi'iltaque —xut.

Números 16:41

Ta yoc'omal lic chopolc'opojicuc ta stojol Moisés xchi'uc Aarón scotol li israeletique. Jech laj yalbeic: —Vo'oxuc laj amilic li xnich'nabtac Muc'ul Diose —xiic.

Números 16:7

Ac'beic yac'alil xchi'uc pom. Oc'om xtal achiq'uic ta stojol li Muc'ul Diose. Li vinic ti tst'uj stuc Diose, ja' voc'bil chcom o ta sventa yabtel li Diose. Te no'ox c'alal avabtelic vo'oxuc li levioxuque —xi li Moisese.

Números 23:21

Mu'yuc boch'o yilojbe yepalc'opic xchi'uc xchopolilic li Israel xnich'nabtac Jacobe. Li Muc'ul Dios yu'unique, te oy ta stojolic. Li stuquique chich'ic ta muc' jech c'u cha'al jun ajvalil.

Números 35:34

“Jech tsc'an mu me xasoquesbeic sc'oplal li banamil bu chbat naclanique xchi'uc ti bu chinaqui eq'ue. Yu'un vu'un li Muc'ul Diosun avu'unique; te chajchi'inoxuc ta naclej vo'oxuc li israeloxuque”, xi li Muc'ul Diose.

Números 5:3

Boch'ouc no'ox, me vinic me ants, ac'o sloq'uesic te yo' bu nacalique. Yu'un jech mu soc yu'unic ti bu nacalique yu'un te oyun ta o'lol yu'unic”, xi li Muc'ul Diose.

Hechos 7:39

“Pero li jmoltotactic ta vo'onee muc xich'ic ta muc'. Ja' te oy ta yo'ntonic ti tsutic batel ta Egiptoe.

Hechos 7:51

“Li vo'oxuque toj tsots avo'ntonic. Ja' jech avo'ntonic xchi'uc ja' jech achiquinic jech chac c'u cha'al li boch'otic mu'yuc yich'ojic circuncisione. Scotol ora contra chavilic li Ch'ul Espiritue. Ja' chapasic jech chac c'u cha'al la spasic li amoltot ayame'ic ta vo'onee.