Números 16:26 - Bible in Tzotzil de Chenalhó with Deuterocanon

²⁶ Jech c'ot yalbeic li xchi'iltaquique: —Voc'o abaic loq'uel li' ta scarpanaic li chopol viniquetic le'e. Me jutuc mu me xapicbeic li c'usi ja' yu'unique; ma'uc me co'ol xacham achi'uquic ta scoj smulique —xutic.

Bible in Tzotzil de Chamula

²⁶ Ja' yu'un un, xi laj yalbe ya'i ti jteclume: —Q'uejo abaic loq'uel ti bu lamalic ta naclej ti chopol viniquetic le'e. Mi ja'uc xatsacbeic ti c'usi x'ayan yu'unique, naca mi chamanic ta scoj ti smulique.

Números 16:26 Iomraidhean Croise

Génesis 19:17

C'alal loq'uemic xa'ox batel ta lume, li jun j'almantale jech laj yalbe li Lote: —¡Batanic ta anil yu'un jech mu xachamic! Mu me xaq'uel sutel ava'lupatic. Mu me xapajic ta stenlejaltic. Batanic c'alal to ta vitsetic ta toyolaltic me chac'an to chacuxiique —x'utatic.

Isaías 52:11

¡Voc'o abaic loq'uel, voc'o abaic loq'uel; mu me xapiquic li c'usi toj chopole; loc'anic xa batel te ta Babilonia! Ac'o me sq'uel stuc'ulan sbaic lec li boch'otic chich'ic batel c'usitic chtun yu'un Muc'ul Dios te ta ch'ulnae.

Jeremías 51:6

“¡Jatovanic loq'uel ta stojol li Babiloniae, pojo abaic ta milel, yu'un jech mu teuc capal xalajic ta milel ta scoj smulic! Yu'un ja' yorail ta xcac'be spacol, vu'un li Muc'ul Diosune; ja' xa yorail ta xcac'be stojolic ti c'u x'elan stojol tsc'ane.

Números 16:25

Li Moisese itotsic xchi'uc li banquilaletic yu'un israeletique. Te ibatic ta anil yo' bu oyic li Datán xchi'uc Abirame.

San Mateo 10:14

Me oy boch'o mu xayic'oxuque, me mu sc'an xa'ay ac'opique, loc'anic batel ta sna, o me ta lum. Lilino comel spucucal avacanic.

Hechos 13:51

Jech la slilin comel spucucal yacanic; ja' svinajeb ti icom ta smul stuquique, jech ibatic ta lum Iconio.

Hechos 8:20

Li Pedroe jech laj yalbe: —Batan ta ch'ayel achi'uc ataq'uin, yu'un chanop ti manbil ta taq'uin li matanal chac' Diose.

2 Corintios 6:17

Jech yaloj noxtoc: “Loc'anic me ta stojolic, voc'o abaic loq'uel; mu me xapiquic li c'usi toj chopole, jech chaquic'oxuc ta jtojol.

Deuteronomio 13:17

“Me jutuc mu me xavich'ic comel li c'usi albil sc'oplal chich' ulesel oe, yu'un jech mu x'ilin ta atojolic li Muc'ul Diose. Jech c'uxoxuc o ta yo'nton, xchi'uc jech chac' bolanic jech chac c'u cha'al yalojbe ono'ox li jmoltot jyame'tic ta vo'onee.

1 Timoteo 5:22

Mu me boch'o xavac' ac'ob ta sjol ta anil no'ox, yu'un naca me amaquibe smulic. Q'uelo me lec aba.

Apocalipsis 18:4

Laj ca'ay oy boch'o yan ic'opoj tal ta vinajel, jech laj yal: “Jteclumal, loc'anic tal te ta lum, yu'un jech mu me xacuchinbeic li smule, jech mu teuc xamaquibeic ec li vocol chich'e.