Números 16:2 - Bible in Tzotzil de Chenalhó with Deuterocanon

² Li viniquetic le'e ja' lic scontrainic li Moisese. La stsob yan o'lol yoxibal ciento (250) xchi'ilic; ja' puru israeletic, xchi'uc puru oy yabtelic ta stojol xchi'iltaquic. Ja' lec otquinbilic, xchi'uc oy ta sventaic tstojobtasic li xchi'iltaquique.

Bible in Tzotzil de Chamula

² Jmoj lic spay sc'opic ta scontrainel ti Moisés xchi'uc ti lajuneb yoxlajunvinic (250) ta vo' israeletic ti yich'ojic yabtelic yu'un ti jteclume, ti ja' jvolvanejetic ta ya'ibel ye sti'ic ti c'usi sc'an pasele, xchi'uc ti ojtiquinbilic leque.

Números 16:2 Iomraidhean Croise

Génesis 6:4

Ja'o te ilic sts'unubal muc'tic cristianoetic ta banamil ti c'alal laj yic' sbaic xchi'uc xnich'nabtac Dios li stsebetic cristianoetique, yu'un i'ayin yalab xnich'nabic xchi'uquic. Ja' ti ven tsatsal cristianoetic ibatic ta ts'acale, ti puquem sc'oplalic ta buyuc no'ox ta vo'onee.

1 Crónicas 12:30

Li boch'otic liquemic ta Efraine jtob ta mil xchi'uc vaxquib ciento (20,800), lec tsots yo'ntonic; lec sc'oplalic yu'un li yantic yuts' yalaltaquique.

1 Crónicas 5:24

Li banquilaletic yu'unic ta jujuchop sbiique ja' Efer, Isi, Eliel, Azriel, Jeremías, Hodavías, xchi'uc Jahdiel. Ja' puru tsots yo'ntonic; puquem lec sc'oplalic, xchi'uc ja' banquilaletic ta jujuchop xnich'nab stotic.

Ezequiel 16:14

Jech ipuc batel ac'oplal ta yantic banamil ti toj c'upil abae, yu'un bats'i jun avutsil lac'ot ta sventa li jt'ujumal laj cac'bot, vu'un li Muc'ul Diosune.

Ezequiel 23:10

Jech li asiriaetique laj yaq'uic ta q'uexlal. La spojbeic li yalabtaque; li me'ile la smilic ta espada. Jech ipuc batel sc'oplal ta stojol yantic antsetic ti c'u x'elan i'ac'bat stoj smule.

Números 1:16

Li'i ja' scotol li banquilaletic yu'unic ti laj yich'ic t'ujel ta jujuchop israeletique, yu'un ja' tsventainic sq'uelel li xchi'iltaquic ta jujuchope.

Números 12:1

Li María xchi'uc Aarone lic chopolc'opojicuc ta stojol li Moisese, yu'un li Moisese inupin xchi'uc jun etiope ants.

Números 16:35

Jech noxtoc la stac tal c'oc' li Muc'ul Diose, jech la smil ta c'oc' scotol li o'lol yoxibal ciento (250) viniquetic ti la xchiq'uic pom ta stojol Diose.

Números 26:9

Li Eliabe inich'naj, ja' Nemuel, Datán, xchi'uc Abiram. Li Datán xchi'uc Abirame ja' li boch'otic co'ol la xchi'inic Coré c'alal la stoy sbaic ta stojol Muc'ul Diose, xchi'uc ti la scontrainic li Moisés xchi'uc Aarone.

Números 27:3

“Li jtotcutique te icham comel ta xocol banamil. Pero mu ja'uc te nabal ta stojol li Coré xchi'uc xchi'iltac ti la stoy sbaic ta stojol Muc'ul Diose. Li jtotcutique icham ta scoj no'ox smul stuc, pero mu'yuc queremetic xnich'nab icom.