Números 16:14 - Bible in Tzotzil de Chenalhó with Deuterocanon

¹⁴ Li vo'ote, mu'yuc chavic'uncutic ochel ta junuc banamil ti bu ta xloc' ep ya'lel xchu' vacax xchi'uc pom jech chac c'u cha'al ta xloc' vo'e. Xchi'uc mu'yuc bu avac'ojbun cosilcutic sventa jts'usubcutic. Ja' chac'an ti solel ta jch'uncutic xa no'ox iq'uel batel avu'un jech chac c'u cha'al ma'satetique. Mo'oj to ca'tic, mu jc'an xajq'uelotcutic o —xiic.

Bible in Tzotzil de Chamula

¹⁴ Yu'un ti vo'ote ma'uc ta xavic'uncutic ech'el ta jun lum ti bu co'ol s'elan vo' ta xbein ti ch'u vacaxe, ti ajapome. Yu'un mi ja'uc ta xavac'buncutic ti osile, ti sts'unubal uvae. ¿Mi yu'un avac'touc xa ti co'oluc s'elan junuc ma'sat ti scotolic xvoletic batel ta apate? Mo'oj un, mu to jc'an jq'uelcutic ma' ti asat une.

Números 16:14 Iomraidhean Croise

Éxodo 22:5

“Me oy boch'o tscolta batel sts'unub yovol yu'un ac'o sa' sve'ele, me bat ve'uc ta yosil, o ta ts'usubtic yu'un yan xchi'ile, ac'o xq'uextabe sve'ub; ja' ac'o yac' li c'usi toj lequic chloc' ta yosile xchi'uc li sts'usub lequic chloc' yu'une.

Éxodo 23:10

“Vaquib no'ox jabil xu' chaboj li avosilique, xu' chats'unbeic sbel, xu' chatsobic li c'usi chloc' avu'unique.

Éxodo 23:11

Ta svucubal jabile mu xa xabojic: ac'beic to xcux. Me oy to c'usi chloc' tee, ja' ac'o sve'ic ec li me'onetic te nacalic ta alumalique. Jech noxtoc me oy to c'usi chcom yu'unique, ja' xa ac'o sve'ic ec li te'tical chonbolometique. Jech me xapasic scotol c'alal ta ts'usubtic, c'alal ta olivaetic avu'unic.

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Levítico 20:24

Ja' yu'un laj calboxuc ti vo'oxuc chavich'beic li yosilalique. Vu'un jtuc chacac'boxuc ta ac'obic li banamil le'e; ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. “Vu'un Muc'ul Diosun avu'unic ti la jt'ujoxuc loq'uel ta stojol yantic lumetique.

Números 13:27

Jech laj yalbeic li Moisese: —Ay xa jq'uelcutic tal c'u x'elan li osil yo' bu laj atacuncutic batele. Ta melel ja' jun banamil ti ep ta xloc' ya'lel xchu' vacax xchi'uc pom jech chac c'u cha'al chloc' vo'e. Li sat c'usitic te ch'iemique, ja' jech chac c'u cha'al li'i.

Números 14:8

Me ta melel lec chijyilutic li Diose, ja' chijyic'utic ochel yo' bu li banamile, xchi'uc chijyac'butic quich'tic o. Yu'un ja' jun banamil ti bu ta xloc' ep ya'lel xchu' vacax xchi'uc pom jech chac c'u cha'al ta xloc' vo'e.

Números 20:5

¿C'u yu'un ti laj aloq'uesuncutic tal ta Egipto, ti laj avic'uncutic tal li' ta banamil ti toj chopole? Li'i solel mu'yuc c'usi xch'i o. Mu'yuc te'el higoetic, ts'usubetic xchi'uc caranatoetic; me ja'uc vo' sventa chcuch'cutic, solel mu'yuc o —xiic ta stojol li Moisese.

Jueces 16:21

Li filistaetique la stsaquic; la sloq'uesbeic xchibal sbec' sat. Laj yiq'uic batel ta lum Gaza. La xchuquic ta cadena; laj yaq'uic juch'najuc te ta yut chuquinab.

1 Samuel 11:2

Itac'ov li ajvalil Nahase: —Xu' ta jpas ta co'ol co'ntontic me chc'ot ta avo'ntonic ti chajloq'uesboxuc jujubej abats'isatic acotolique; ja' q'uexlal chcom ta atojolic, vo'oxuc li israeloxuque —xi.