Números 16:13 - Bible in Tzotzil de Chenalhó with Deuterocanon

¹³ ¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Bible in Tzotzil de Chamula

¹³ ¿Mi yu'un ch'am xi no'ox la sc'oplal avaloj ti laj aloq'uesuncutic talel ta jun jteclum ti bu co'ol s'elan vo' ta xbein ti chu' vacaxe, ti ajapome, ti c'alal c'ajomal no'ox tal avac' chamcuncutic ta sbajtical banomile? Ma'uc no'ox taj xtoque, yu'un ta xabis aba ava'i ta jun banquilal ajvalil ta jtojolcutique.

Números 16:13 Iomraidhean Croise

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 1:22

Li faraone jech laj yalbe mantal scotol li egiptoetique: “Bat jipic ta uc'um scotol li bic'tal queremetic yu'un israeletique; yan li bic'tal tsebetique te cuxul comtsanic”, xut.

Éxodo 16:3

Jech laj yalic: —Ja' lec ti teuc no'ox laj yac' chamcuncutic ta Egipto li Muc'ul Diose. Tee jun no'ox co'ntoncutic chotoluncutic ta sts'el binal ti'bol chive'cutic, ja' to ti c'u yepal xnoj jch'utcutic oe. Li vo'oxuque laj avic'uncutic tal li' ta xocol banamil yu'un tal amiluncutic ta vi'nal jcotolcutic —xutic.

Éxodo 17:3

Pero li israeletique taquin yo'ntonic, jech te chopol ic'opojic ta stojol li Moisese. Jech laj yalbeic: —¿C'u yu'un ti laj aloq'uesuncutic tal ta Egiptoe? ¿Me yu'un ja' no'ox li' tal amiluncutic ta taqui-o'nal xchi'uc calab jnich'nabcutic xchi'uc scotol li jts'unub covolcutique? —xutic.

Éxodo 2:14

Itac'ov li hebreo vinique: —¿Boch'o laj yac'bot avabtel? ¿Me yu'un vo'ot banquilalot, me vo'ot jchapanvanejot cu'uncutic? ¿Me chac amilun ava'ay noxtoc jech chac c'u cha'al laj amil jun egipto vinique? —xi. C'alal jech laj ya'ay li Moisese, ixi'. Yu'un laj ya'ay ti vinajem xa ti la smil jun egipto vinique.

Éxodo 2:23

C'alal i'ech' xa'ox jayibuc c'ac'ale, icham li ajvalil ta Egiptoe. Li israeletique te ono'ox x'oc' x'avanic o ta scoj li tsots mozoinele, xchi'uc te tsc'anilanbeic o vocol li Diose. Ja' yu'un i'aybatic yoq'uel yavanelic yu'un li Diose.

Ezequiel 34:18

¿Me muc ta'louc o chava'yic ti chave'ic li lequil jobeltique? ¿C'u yu'un ti chapech'ilanic comel ta teq'uel li scomelale? ¿Me muc ta'louc o chava'yic ti chavuch'ic li vo' ti lec yoxe? ¿C'u yu'un ti chatatubtasic comel ta teq'uel li scomelale?

Números 11:20

Sjunul u puru ti'bol ta sti'ic, ja' to ti me tsc'an xa chen xchi'uquique, xchi'uc ti me i'ac'batic ep ib-o'ntonale. Yu'un la scontrainicun, vu'un li Avajvalicun ti li' oyun ta o'lol avu'unique. Ep i'oq'uic, xchi'uc jech laj yalic ta jtojol: ‘¿C'u yu'un ti lijloc'utic tal ta Egiptoe?’, xiic —x'utat yu'un Muc'ul Dios li Moisese.

Números 11:4

Te capalic ep ta chop yanlum cristianoetic ta stojol li israeletique, ja' no'ox puru ve'el batem ta yo'ntonic. Jech ec li israeletique oy c'usi ibat ta yo'ntonic, jech lic oq'uicuc. Jech laj yalic: “Oyuc ca'tic bu jtatic ti'bol jti'tique.

Números 11:5

Tsna' xa co'ntontic ya'yel li choy ti la jti'tic te ta Egipto ti ta jmotontic lij'ac'bate. Jech noxtoc lec la jtatic ta lo'el pepino, melón, tomal cebolla, jol cebolla xchi'uc axuxetic.

Números 13:27

Jech laj yalbeic li Moisese: —Ay xa jq'uelcutic tal c'u x'elan li osil yo' bu laj atacuncutic batele. Ta melel ja' jun banamil ti ep ta xloc' ya'lel xchu' vacax xchi'uc pom jech chac c'u cha'al chloc' vo'e. Li sat c'usitic te ch'iemique, ja' jech chac c'u cha'al li'i.

Números 14:2

Scotolic lic chopol c'opojicuc ta stojol li Moisés xchi'uc Aarone. Jech laj yalic: “Ja' lec ti teuc ono'ox chamcutic ta Egiptoe, xchi'uc ti li'uc chamcutic ta xocol banamile.

Números 14:3

¿C'usi stu cu'untic ti laj yic'utic tal li' ta banamil li Diose? Yu'un ja' no'ox tal cac' jbatic ta milel ta pleito. Li cajnil jnich'nabtique ch-ochic ta sc'ob li cajcontratique. Ja' lec sutcutic batel ta Egipto”, xiic.

Números 16:12

Li Moisese la stac ta iq'uel li Datán xchi'uc Abirame, ja' li xnich'nab Eliabe. Pero li stuquique jech laj yalic: —Mu jc'an xibatcutic.

San Lucas 19:14

Pero ibajat yu'un li xchi'iltaque, jech lic staquic batel boch'o chbat yal ti bu batem yich' tal yabtele. Jech c'ot yalic: ‘Mu jc'ancutic ja' ta x'och ta ajvalilal cu'uncutic li jchi'ilcutic le'e’, xiic c'otel.

Hechos 7:35

“Li Moisés le'e ja' ti muc to'ox xich'ic ta muq'ue, ti jech laj yalbeique: ‘¿Boch'o laj yac'bot avabtel ta jpasmantal xchi'uc ta jchapanvanej?’, xutic. Pero Dios la stac batel, yu'un ja' chc'ot ta banquilal xchi'uc ta jcoltavanej yu'unic ti c'alal te ivinaj ta jtec' biq'uit ch'ix li j'almantale.