Números 16:11 - Bible in Tzotzil de Chenalhó with Deuterocanon

¹¹ Ta melel ma'uc ta sventa Aarón ti chachopolc'opojic ta stojole. Ja' xa chacontrainic stuc li Muc'ul Diose. Chatoy abaic ta stojol achi'uc li achi'iltaque —xut.

Bible in Tzotzil de Chamula

¹¹ ¿Buch'u la avalojic ta melel ti chopol ta xac'opojic ta stojol ti Aarone? Yu'un ti vo'ote xchi'uc ti achi'iltaque ta xatoy abaic ta stojol ti Diose.

Números 16:11 Iomraidhean Croise

1 Crónicas 26:19

Ja' jech voc'anbilic ta abtel li jchabi ti'naetique, ja' li smomnich'nab Coré xchi'uc Merarie.

Salmos 106:16

C'alal te oyic ta scarpanaique, lic sti'-o'ntaic li Moisese; lic scontrainic noxtoc li Aarón ti t'ujbil yu'un Muc'ul Diose.

Éxodo 17:2

Jech te lic yutic li Moisese; jech laj yalbeic: —Ac'bun vo' cuch'cutic —xutic. Itac'ov li Moisese: —¿C'u yu'un ti chavuticune? ¿C'u yu'un chaq'uelbeic yo'nton li Muc'ul Diose? —xut.

Números 11:1

Li israeletique oy jun c'ac'al iliquic ta bic'talvulajetel ta stojol Muc'ul Dios ta sventa ti oy svocolique. C'alal laj ya'ay li Muc'ul Diose, tsots i'ilin ta stojolic, jech la stac tal c'oc'; ic'ac' sjoylijil sti'ti' ti bu spasoj scarpanaique.

Números 16:12

Li Moisese la stac ta iq'uel li Datán xchi'uc Abirame, ja' li xnich'nab Eliabe. Pero li stuquique jech laj yalic: —Mu jc'an xibatcutic.

Números 16:3

Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

San Lucas 10:16

Li Jesuse jech laj yalbe li yajchanc'optaque: —Li boch'o chaya'iboxuc ac'opique ja' vu'un chiya'ibun o jc'op. Li boch'o mu xayich'oxuc ta muq'ue ja' vu'un mu xiyich'un o ta muc'. Li boch'o mu xiyich'un ta muq'ue ja' mu xich'ic o ta muc' li Boch'o la stacun tale —xi li Jesuse.

San Juan 13:20

Jamal chacalboxuc ava'yic: Boch'otic ta xich' ta muc' li boch'o tacbilic cu'une, ja' vu'un chiyich'un o ta muc'. Li boch'otic chiyich'icun ta muq'ue, ja' ta xich'ic o ta muc' li Boch'o la stacun tale —xi li Jesuse.

Hechos 5:4

Ja' avu'un li osile; xu' te oyuc o ta ac'ob ti jechuque. Jech noxtoc ti laj achone, xu' te chavich'be o comel li stojole. ¿C'u yu'un ti laj avac' abtejuc ta avo'nton jech chac le'e? Mu ja'uc la'epalc'opoj ta stojol cristiano, ja' la'epalc'opoj ta stojol Dios —xut.

Romanos 13:2

Ja' yu'un li boch'o tscontrain ajvalile, ja' tscontrain o c'usi xchapanoj li Diose. Li boch'o jech tspase tsa' no'ox svocol stuc.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

1 Corintios 3:5

¿C'usi yabtel li Apolose? ¿C'usi yabtel li Pabloe? Ja' no'ox chituncutic, ja' no'ox la jcholcutic ava'yic ti jech laj ach'unic Cajvaltique. Ja' no'ox la jpascutic jujununcutic li c'usi laj yac'bun jpascutic Cajvaltique.

Judas 1:16

Li jlo'lavanejetic le'e mu'yuc c'usi lec chilic. Ta puru sa'sa'c'op oyic o; mu'yuc c'usi lec cha'yic o. Ja' no'ox tsa'ic li c'usi tsc'an sbec'talique. Tstoy sba xchi'uquic li c'usi chalique; ven lec xa xc'opojic ta stojol cristianoetic yilel sventa tsa'ic li c'usi tsc'an stuquique.

1 Samuel 8:7

Jech itac'bat yu'un li Muc'ul Diose: “A'ibo c'usi chasc'anbicot li achi'iltaque. Muc vo'cot ti chasbajicote; ja' vu'un chisbajicun, yu'un jech mu xa teuc ta jpas mantal ta stojolic.