Números 16:1 - Bible in Tzotzil de Chenalhó with Deuterocanon

¹ Oy jun leví vinic, ja' smomnich'on li Coate, Coré sbi. Ja' xnich'on li Izhare. Xchi'uc oy yan oxib viniquetic liquemic ta jchop yu'un Rubén. Ja' Datán xchi'uc Abiram sbiic, ja' xnich'nab Eliab, xchi'uc On, xnich'on Pelet.

Bible in Tzotzil de Chamula

¹ Oy jun levita vinic, snitilul ti Coate, ti sbiinoj Coré xnich'on ti Izharee, co'ol c'ot yuni jolic xchi'uc oxvo' viniquetic ti liquelic ta jvoc' snitilul ti Rubene, ti Datane, ti Abirame ti ja' xnich'nab ti Eliabe, xchi'uc ti On ti ja' xnich'on ti Pelete.

Números 16:1 Iomraidhean Croise

Salmos 106:16

C'alal te oyic ta scarpanaique, lic sti'-o'ntaic li Moisese; lic scontrainic noxtoc li Aarón ti t'ujbil yu'un Muc'ul Diose.

Éxodo 6:16

Li xnich'nabtac Leví xlic ta banquilal c'alal ta its'inale ja' li'i: Gersón, Coat, xchi'uc Merari. Li Levie icuxi vuclajuneb svucvinic (137) jabil.

Éxodo 6:18

Li xnich'nabtac Coate ja' jech sbiic: Amram, Izhar, Hebrón, xchi'uc Uziel. Li Coate icuxi oxlajuneb svucvinic (133) jabil.

Éxodo 6:21

Li xnich'nabtac Izhare ja' jech sbiic: Coré, Nefeg, xchi'uc Zicri.

Números 15:41

Vu'un Muc'ul Diosun, vu'un Diosun avu'unic ti la jloq'uesoxuc ta Egipto banamile, yu'un jech vu'un Diosun chic'ot avu'unic. Vu'un Muc'ul Diosun”, xi li Muc'ul Diose.

Números 27:3

“Li jtotcutique te icham comel ta xocol banamil. Pero mu ja'uc te nabal ta stojol li Coré xchi'uc xchi'iltac ti la stoy sbaic ta stojol Muc'ul Diose. Li jtotcutique icham ta scoj no'ox smul stuc, pero mu'yuc queremetic xnich'nab icom.

Deuteronomio 11:6

Na'ic me c'usi la spasbe noxtoc li Datán, li Abiram, ja' li xnich'nabtac Eliab smomnich'nab Rubene. Ijav li banamile, jech te i'ochic yalel scotolic c'alal ta yajnil xnich'nabic, c'alal ta scarpanaic, xchi'uc scotol c'usitic oy yu'unic, xchi'uc c'alal ta sca' xvacaxic. Ta stojol scotol jchi'iltactic ta israelal ti jech ic'ot ta pasele.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.