Números 15:41 - Bible in Tzotzil de Chenalhó with Deuterocanon

⁴¹ Vu'un Muc'ul Diosun, vu'un Diosun avu'unic ti la jloq'uesoxuc ta Egipto banamile, yu'un jech vu'un Diosun chic'ot avu'unic. Vu'un Muc'ul Diosun”, xi li Muc'ul Diose.

Bible in Tzotzil de Chamula

⁴¹ Vu'un ti Ajvalile, ti Diosun avu'unique, laj jloq'uesoxuc talel ta Egipto yo' jech ta xic'ot ta Dios avu'unic. Ti vu'une, Ajvalil Dios avu'unic.”

Números 15:41 Iomraidhean Croise

Salmos 105:45

Yu'un jech ac'o xch'unbeic li smantaltaque; ac'o spasbeic li c'usi yaloje. Ich'biluc o ta muc' stuc li Muc'ul Diose.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Levítico 22:33

Xchi'uc vu'un la jloq'uesoxuc tal ta Egipto jech vu'un Diosun chic'ot o avu'unic”, xi li Muc'ul Diose.

Levítico 25:38

Yu'un vu'un Muc'ul Diosun avu'unic ti la jloq'uesoxuc tal ta Egiptoe yu'un jech vo'oxuc chacac'boxuc li Canaán banamile, xchi'uc jech vu'un Diosun avu'unic chic'ot o.

Números 15:40

Jech te chana'ilanic o scotol li jmantaltaque, xchi'uc jech chach'unic. Jech voc'biloxuc o ta jtojol, vu'un li Muc'ul Diosun avu'unique.

Números 16:1

Oy jun leví vinic, ja' smomnich'on li Coate, Coré sbi. Ja' xnich'on li Izhare. Xchi'uc oy yan oxib viniquetic liquemic ta jchop yu'un Rubén. Ja' Datán xchi'uc Abiram sbiic, ja' xnich'nab Eliab, xchi'uc On, xnich'on Pelet.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.